Osea 9:1 - Vakavakadewa Makawa

¹ Dou kakua ni marau, na Isireli, e na reki levu, me vakataki ira na veimataqali: ni dou sa la'ki dautagane ka sa laiva na nomudou Kalou, dou a vinakata na kemui sau e na rara ni sila kecega.

Ai Vola Tabu (Vakadewa Makawa Vakavoutaki 2021)

¹ Dou kakua ni marau, na Isireli! Dou kakua ni reki, me vakataki ira na veimatanitu; ni dou sa la'ki dautagane, ka sa laiva na nomudou Kalou. Dou sa vinakata nai sau ni dautagane e na veirara ni samu sila kecega.

AI VOLA TABU

¹ DOU kakua ni marau, na Isireli, e na reki levu, me vakai ira na veimataqali: ni dou sa laʼki dauyatagane tani mai vua na nomudou Kalou, dou a vinakata nai soli e na rara ni sila kecega.

Vakavakadewa Vou kei na iVola tale eso

¹ Oi kemuni na Isireli, ni muduka na nomuni dau marautaka voli na nomuni solevu me vakataki ira na veimatanitu tale eso. O ni sa vuki tani mai vua na nomuni Kalou ka sega ni yalodina vua. O ni sa volitaki kemuni ga me vaka na yalewa dautagane vua na kalou o Peali ena veivanua kece sara, ka sa gadreva na i sau ni dautagane ena rara ni samu sila.

Ai Vola Tabu Ena Vakavakadewa Vou

¹ Oi kemuni na Isireli, ni muduka na nomuni dau marautaka voli na nomuni solevu me vakataki ira na veimatanitu tale eso. O ni sa vuki tani mai vua na nomuni Kalou ka sega ni yalodina vua. O ni sa volitaki kemuni ga me vaka na yalewa dautagane vua na kalou o Peali ena veivanua kece sara, ka sa gadreva na i sau ni dautagane ena rara ni samu sila.

Osea 9:1 Iomraidhean Croise

NA SAME 73:27

Raica, era na rusa ko ira kecega era sa tiko vakayawa vei kemuni: O ni sa vakarusai ira kecega era sa biuti kemuni me ra gole tani.

Aisea 17:11

e na siga ko sa tea kina ko na viribaita, e na mataka ko na cakava na nomu i teitei me seraki: ia na vuata e na siga sa tauci kina ena dua nai binibini wale kei na rarawa ni mate.

Jeremaia 2:19

Ena kemu kuita na nomu ca, ia na nomu vuki tani ena vunauci iko: mo kila ga ka raica ni sa ka ca ka ka gaga na nomu biuti Jiova na nomu Kalou, ni sa sega talega vei iko na rerevaki au, sa kaya na Turaga ko Jiova ni lewe vuqa.

Jeremaia 2:20

Ka'u a musuka mailiu na kemui vua, ka drutia na kemui vau; ia ko a kaya, Au na sega ni talaidredre; ia e na ulu-ni-koro cecere kecega kei na ruku ni kau bulabula kecega ko sa lako sese kina, ka ia na dautagane.

Jeremaia 44:17

ia keimami na cakava sara ga na ka kece sa cavuta na gusu i keimami, ka me keimami vakama nai madrali boi vinaka vua na ranadi ni lomalagi, ka sova vua nai sevu, me vaka keimami sa daucakava, koi keimami, kei ira na neimami qase, kei na neimami tui, kei na neimami turaga, e na veikoro vaka-Juta, kei na sala ni koro ko Jerusalemi: ni keimami sa mamau kina e na kakana, ka bula vinaka, ia keimami sa sega ni raica kina na ka ca:

Lele i Jeremaia 4:21

Mo reki ka marau, na goneyalewa ni Itomi, sa tiko e na vanua ko Usi; Io vei iko talega ena lako yani kina na bilo: ko na mateni, ka vakaluvawaletaki iko.

Isikeli 16:15

Ia ko a vakararavi ga e na nomu matavinaka, ka sa ia na dautagane e na vuku ni kemui rogorogo, ka sa ia vakalevu na nomu dautagane kei ira kecega era sa lako voli yani, ko sa dui nodra yadua ga.

Isikeli 16:30

Ko sa yalowai vakaidina, sa kaya na Turaga ko Jiova, ka ni ko sa cakava na ka kece oqo, sai valavala ni yalewa dautagane e yalolevu;

Isikeli 20:32

Ia na ka sa tubu e na lomamudou ena sega sara ni yaco, ni dou sa kaya, Keimami na vakataki ira na lewe ni veimatanitu tani, kei na veimataqali ni veivanua me keimami qarava na kau kei na vatu.

Isikeli 21:10

sa vagata tu me ia kina na veivakamatei vakaidina; sa soloti oti me sa makamakalivata: me marautaki li na kena kuita na luvequ, oqori sa beca na kau kecega?

Osea 10:5

E na vukudrau na luve ni pulumokau mai Peci-aveni era na rere kina na kai Samaria: ni na tagicaka ko ira na lewena, o ira na kedrau bete talega ka daurekitaka, ni sa qai takali tani na kenai ukuuku.

Osea 2:12

Au na vakacacana talega na nona veivaini, kei na nona veilolo, sa kaya kina ko koya, Sa qau i soli oqo era solia vei au ko ira na noqu i tau: ia ka'u na cakava ga me veikau; ena kania talega na manumanu ni vanua.

Osea 4:12

A noqu tamata era sa taroga na nodra kau, ia na nodra i titoko sa tukuna vei ira: ni sa vakacalai ira na yalo ni veibutakoci, ia na nodra dauyalewa, sa ra vuki tani kina mai na lewa ni nodra Kalou.

Osea 5:4

Sa ra sega ni lewa na nodra i tovo me ra lesu vua na nodra Kalou: ni sa tiko e lomadra na yalo ni dauveibutakoci, ka ra sa sega ni kilai Jiova.

Osea 5:7

Sa ra vakaisini Jiova: ni sa gone ni tani era sa vakasucuma: sa vula dua ga era na qai vakaoti vata kei na nodra i votavota.

Emosi 3:2

Sai kemudou duaduaga ka'u a kila vei ira na veimataqali kece e vuravura: o koya oqo ka'u na cudruvi kemudou kina e na vuku ni nomudou caka cala kecega.

Emosi 4:5

dou vakacabora talega nai madrali ni vakavinavinaka sa vakalevenitaki, ia dou kacivaka ka tukuna nai madrali sa vakacabori wale: ni dou sa vinakata me vakaoqo, na Isireli, sa kaya na Turaga ko Jiova.

Emosi 6:13

oi kemudou sa marautaka na ka sa sega wale, ka kaya, Ni da sa kaukauwa eda sa sega li ni rawata kina na lewa me noda?

Emosi 8:10

au na vukica talega na nomudou so levu me soqoni ni tagi, kei na nomudou sere kecega ena vuki me lele; ia ka'u na lewa mo dou sulumaka nai sulu taga, ka na cou mai na ulumudou kecega ia ka'u na cakava na ka oqori me tautauvata kei na so mate sa ia e na vuku ni gone tagane sa dua bauga, kei na kenai otioti me tautauvata kei na dua na siga rarawa sara.

Jemesa 4:16

Ia dou sa qai marau ka dokadokai kemudou: e ca na marau kecega sa vaka ko ya.

Jemesa 5:1

Dou lako mai, oi kemudou na tamata vutuniyau, dou tagi ka qoqolou e na vuku ni nomudou ka rarawa ena yaco mai.