Osea 7:1 - Vakavakadewa Makawa

¹ Ni'u a via vakabulai ira na Isireli, sa qai vakavotui mai na caka cala i Ifireimi, kei na ca i Samaria: ni ra sa cakacaka vakailasu; ia sa curu mai na daubutako, ka ra ia na veivakacacani mai tautuba na matadaubutako.

Ai Vola Tabu (Vakadewa Makawa Vakavoutaki 2021)

¹ Ni'u a via vakabulai ira na Isireli, sa qai vakavotui mai na caka cala i Ifereimi, kei na ca i Samaria; ni ra sa cakacaka vakailasu, ia sa curu mai na daubutako, ka ra ia na veivakacacani mai tautuba na matadaubutako.

AI VOLA TABU

¹ NIʼU a kauti ira tale mai na noqu tamata era vakabobulataki, niʼu a vakabulai ira na Isireli, sa qai vakavotuni mai na caka cala nei Ifireimi, kei na ca nei Samaria: ni ra sa cakacaka vakailasu; ia na daubutako sa curu mai, a ra ia na veivakacacani maitautuba na matadaubutako.

Vakavakadewa Vou kei na iVola tale eso

¹ “Ena gauna ka'u via vakabulai Isireli kina me ra vuavuai tale, na ka ga ka'u sa raica sai koya na nona i tovo vakasisila kei na i valavala ca era sa vakayacora. Era sa veilawakitaki vakai ira; era sa curu vale vakailoa ka ia na butako; era sa butakoci ira na tamata ena veitolo ni gaunisala.

Ai Vola Tabu Ena Vakavakadewa Vou

¹ “Ena gauna ka'u via vakabulai Isireli kina me ra vuavuai tale, na ka ga ka'u sa raica sai koya na nona i tovo vakasisila kei na i valavala ca era sa vakayacora. Era sa veilawakitaki vakai ira; era sa curu vale vakailoa ka ia na butako; era sa butakoci ira na tamata ena veitolo ni gaunisala.

Osea 7:1 Iomraidhean Croise

Aisea 28:1

Ena ca na nodra i sala lagilagi na daumateni ni Ifireimi, kei na se-ni-kau ni nonai ukuuku sa malai, o koya sa vakaisala kina na ulu ni nodra buca bulabula era sa rawai e na waini!

Aisea 59:12

Ni sa levu cake e matamuni na neimami talaidredre, ia na neimami valavala ca sa tukuni keimami: ni sa tiko kei keimami na neimami talaidredre, ia na neimami caka cala, keimami sa kila ga:

Aisea 59:13

keimami sa talaidredre ka lasu vei Jiova, ka sa lesu tani me vakanadakui koya na neimami Kalou; ka sa vosataka na veivakasaurarataki kei na vuki, ka sa vakananuma ka cavuta mai na vu ni yalo i keimami na vosa lasu:

Aisea 59:14

ka sa vakasukai ki muri na lewa dodonu, ka sa tu vakayawa nai valavala dodonu; ni sa bale sobu na dina e na saqata ni koro, a sa sega ni curu rawa na ka dodonu:

Jeremaia 51:9

Ia eda a via vakabulai Papiloni, ka sa sega ni bula rawa: dou laiva ga, me da dui lako yadua ki na noda vanua: ni sa yala ki lomalagi na nona cudruvi, ia sa laveti cake sara ki na o ni lomalagi.

Isikeli 16:46

Sa tuakamu talega ko Samaria, ko koya kei na luvena yalewa era tiko ki na nomu i mawi: ia ko Sotoma kei ira na luvena yalewa ka tiko ki na nomu i matau sa tacimu.

Isikeli 23:4

Ia na yacadrau ko Aola sa qase vei rau, kei Aolipa na tacina: a rau a noqu ga, ka rau vakasucuma na luvedrau tagane kei na luvedrau yalewa. Ia na yacadrau; ko Samaria ko Aola, ia ko Jerusalemi ko Aolipa.

Isikeli 24:13

Sa ka velavela na nomu dukadukali: ni ka'u a vakasavasavataki iko, ia ko a bese ga ni savasava, ko na sega kina ni vakasavasavataki tale mai na nomu dukadukali, ka'u na vakayacora mada vei iko na noqu cudru.

Osea 10:5

E na vukudrau na luve ni pulumokau mai Peci-aveni era na rere kina na kai Samaria: ni na tagicaka ko ira na lewena, o ira na kedrau bete talega ka daurekitaka, ni sa qai takali tani na kenai ukuuku.

Osea 11:12

Sa ra vakavolivoliti au e na lasu ko ira na Ifireimi, kei na mataqali i Isireli talega e na veivakaisini: ia ko ira na Juta sa ra lewa vata tiko kei na Kalou, ka sa lomadina vua sa Yalosavasava sara.

Osea 11:8

Au na laivi iko vakaevei, Ifireimi? au na soli iko yani vakaevei, Isireli? au na soli iko vakaevei mo tautauvata kei Atima? au na cakavi iko vakaevei mo tautauvata kei Sepoimi? sa dua tani mai na yaloqu e lomaqu, sa tubu sara mai na noqu dauloloma.

Osea 12:1

O ira na Ifireimi era sa kana cagi, io, era sa muria na cagi mai na tu-i-cake: e na veisiga kecega era sa kuria na vosa lasu kei na vakacaca; ka ra sa ia na veiyalayalati kei ira na kai Asiria, a waiwai talega sa kau ki Ijipita.

Osea 12:2

Sa dua talega na ka e veiletitaka kei Juta ko Jiova, ia ena cudruvi Jekope ko koya me vaka na nonai valavala; ka na saumi koya me vaka na nona cakacaka.

Osea 4:17

Sa veikabiti vata kei na matakau ko ira na Ifireimi: laivi ira ga.

Osea 4:2

A ruru, kei na vosa lasu, kei na laba, kei na butako, kei na veibutakoci, sa ia tiko, ia na vakadave dra sa veitaravi tiko.

Osea 5:1

Dou rogoca na ka oqo, na bete, ka vakarorogo, na mataqali i Isireli; ia dou vakatu daliga mai, na mataqali ni tui; ni sa baleti kemudou na vosa ni veilewai, ni dou sai cori mai Misipa, kei na lawa sa tevuki mai Tepori.

Osea 6:4

A cava me'u cakava vei kemudou, na Ifireimi? a cava me'u cakava vei kemudou, na Juta? ni sa vaka na o ni mataka na nomudou yalololoma ka vaka na tegu sa yali sara e na mataka caca.

Osea 7:13

E ca vei ira! ni ra sa dro tani vei au: na ca ga ena rawai ira! ni ra sa talaidredre vei au: e dina, ka'u a vakabulai ira, ia era sa lasutaki au ga.

Osea 8:5

Sa biuti iko na nomu luve ni pulumokau, ko iko Samaria, sa waqa mai na noqu cudru vei ira: e bogi vica mada me ra qai savasava mai?

Osea 8:9

Ni ra sa qai lako cake ki Asiria, me vaka na asa kila ka tiko duaduaga: ko ira na Ifireimi sa ra volia na veitau.

Emosi 3:10

Ni ra sega ni kila me ra caka dodonu, sa kaya ko Jiova, era binia na ka e kovei ka butakoci e na nodra veivale vakaturaga.

Emosi 3:9

Dou vakarogoya e na veivale vakaturaga mai Asitoti, kei na veivale vakaturaga e na vanua ko Ijipita, ka kaya, Dou vakasoqoni kemudou ki na veiulu-ni-vanua mai Samaria, ka raica na masa levu maikina, kei ira era sa vakasaurarataki maikina.

Emosi 8:14

ko ira era sa bubului, ka cavuta na ka era cala kina na kai Samaria, ka kaya, Sa bula na nomu kalou, ko iko Tani; ia, Sa bula nai valavala vaka-Pieri-sepa; era na bale talega, ka sega ni tu cake tale.

Maika 6:16

Ni sa dauvakabau na ka sa lesia ko Omirai, kei nai valavala kecega ni mataqali i Eapi, dou sa muria talega na nodra i vakavuvuli; me'u kitaki kemudou kina mo dou lala sara, ka mo dou vakasiusiutaki: ia na kedrai rogorogo ca na noqu tamata ena baleti kemudou.

Maciu 23:37

Isa! Jerusalemi, Isa! Jerusalemi, ko iko sa vakamatei ira na parofita, ka vakaviriki ira sa talai yani vei iko, au a nanuma vakavica meu vakasoqoni ira vata na nomu gone, me vaka na toa yalewa sa vakasoqoni ira na luvena e ruku ni tabana, ia dou a sega ni vinakata!

Luke 13:34

Isa! Jerusalemi, Isa! Jerusalemi, ko iko sa vakamatei ira na parofita, ka vakaviriki ira e na vatu era sa talai vei iko! e vuqa na siga ka’u a via vakasoqoni ira vata na luvemu, me vaka sa vakasoqona na luvena na toa yalewa e ruku ni tabana, ia dou sa sega ni vinakata!

Luke 19:42

ka kaya, Isa! Ke ko a kila, io ko iko, e na nomu gauna oqo, na veika ni nomu vakacegu! ia sa qai vuni ga vei iko.