Osea 3:5 - Vakavakadewa Makawa

⁵ ka oti, era na qai lesu mai na Isireli, ka qaravi Jiova na nodra Kalou, kei Tevita na nodra tui; ka ra na rerevaki Jiova kei na nona loloma e na gauna maimuri.

Ai Vola Tabu (Vakadewa Makawa Vakavoutaki 2021)

⁵ Ka oti, era na qai lesu mai na Isireli, ka qaravi Jiova na nodra Kalou, kei Tevita na nodra tui; ka ra na rerevaki Jiova kei na nona loloma e na gauna mai muri.

AI VOLA TABU

⁵ ka oti, era na qai lesu mai na luve i Isireli, ka vakasaqarai Jiova na nodra Kalou, kei Tevita na nodra tui; a ra na rerevaki Jiova kei na nona loloma e na gauna maimuri.

Vakavakadewa Vou kei na iVola tale eso

⁵ Ia e muri era na qai lesu mai na Isireli ka vakasaqarai koya na nodra Kalou, kei Tevita na nodra tui; era na lako mai vei Jiova ena sautaninini kei na nona loloma ena gauna mai muri.

Ai Vola Tabu Ena Vakavakadewa Vou

⁵ Ia e muri era na qai lesu mai na Isireli ka vakasaqarai koya na nodra Kalou, kei Tevita na nodra tui; era na lako mai vei Jiova ena sautaninini kei na nona loloma ena gauna mai muri.

Osea 3:5 Iomraidhean Croise

1 Tui 12:16

Ia ni ra sa raica ko ira kecega na Isireli ni sa sega ni rogoci ira ko koya na tui, era sa qai vosa vua na tui ko ira na tamata, ka kaya, Keimami sai votavota vata vakaevei kei Tevita? ka sa sega na neimami votavota vata kei koya na luve i Jese: ki na nomudou veivale, oi kemudou na Isireli: ia oqo, Tevita mo qarauna na nomu vale. A ra sa lako ki na nodra veivale ko ira na Isireli.

Aisea 17:7

E na siga ko ya ena gole na tamata vei Koya ka Buli koya, ka rai na matana vei Koya na Yalosavasava ni Isireli.

Aisea 2:2

Sa na yaco e na gauna maimuri, ni na vakataudeitaki na ulu-ni-vanua ni vale i Jiova me sivia na veiulu-ni-vanua, ena vakaceceretaki ka me lolovira na veiulu-ni-koro; ka ra na drodro kina na veimatanitu kecega.

Aisea 2:3

A ra na lako na tamata e lewe vuqa, ka kaya, Me da mai la'ki cabe cake ki na ulu-ni-vanua i Jiova, ki na vale ni Kalou i Jekope; ena vakavulica vei keda ko koya na nonai valavala, ia eda na muria na nona sala: ni na lako yani mai Saioni na vunau, kei na vosa i Jiova mai Jerusalemi.

Aisea 60:5

Ko na qai raica, ka vakamarautaki; ia na lomamu, ena vakacegu ka vakalevutaki; ni na vakalesui mai vei iko na kamunaga ni wasawasa; ia nai yau ni veimatanitu, ena rawa mai vei iko.

Aisea 9:13

Ia ko ira na tamata era sa sega ni lesu kivei koya sa yaviti ira, a ra sa sega talega ni qaravi Jiova ni lewe vuqa:

Jeremaia 23:5

Raica, sa kaya ko Jiova, ena yaco na gauna, ka'u na vakatubura kina vei Tevita e dua na Coke yalododonu, ia ena lewa e dua na Tui ka cakacaka yaco, ena ia ko koya na lewa kei na cakacaka dodonu e vuravura:

Jeremaia 30:24

Ena sega ni malumu na cudru katakata i Jiova, ena cakava mada ga, ka vakayacora dina na ka sa nakita ko koya: ena kena gauna maimuri, dou na qai vakananuma kina.

Jeremaia 30:9

ia era na qaravi Jiova na nodra Kalou, kei Tevita na nodra tui, ko koya ka'u na vakatubura vei ira.

Jeremaia 33:17

Ni sa kaya vakaoqo ko Jiova; Ena sega ni yali vei Tevita e dua na tagane me tiko e nai tikotiko vakaturaga ni mataqali i Isireli;

Jeremaia 33:9

Ia ena yaco kina me noqu na yaca rogo sa marautaki, ka vakavinavinakataki, ka vakacaucautaki, e na veimatanitu kece e vuravura, era na rogoca na ka vinaka kece ka'u sa cakava vei ira: ka ra na rere ka sautaninini e na vuku ni ka vinaka kecega kei na kena tubu cake ka'u sa vakayacora kina.

Isikeli 16:63

mo nanuma kina, ka mo taqaya, ka sega ni rawa tale ni dalaga e na vuku ni nomu madua, ni'u sa bokoca kecega na ka ca ko sa cakava oti, sa kaya na Turaga ko Jiova.

Isikeli 38:16

ia ko na cabe vakaivalu cake mai ki vei ira na noqu tamata na Isireli, me vaka na o me ubia na vanua; ena yaco e na gauna maimuri, ka'u na qai kauti iko mai ki na noqu vanua, me ra kilai au na veimatanitu tani, ni'u sa vakarokorokotaki vei iko, Koki, e matadra.

Isikeli 38:8

Sa vuqa mada na bogi, ko na qai cudruvi: ni sa oti na veiyabaki, ko na qai lako mai ki na vanua sa kau mai nai seleiwau, ka vakasoqoni mai na veimataqali e vuqa, io ki na veiulu-ni-vanua i Isireli, ka daulala tu ga: ka sa qai kau tale mai na veimatanitu, ka ra na tiko vinaka vata ko ira kecega.

Taniela 10:14

Au sa qai lako mai me'u vakatakila vei iko na ka ena yacovi ira na kai nomu e na gauna maimuri: ni na bogi vuqa mada na raivotu.

Taniela 2:28

ia sa dua na Kalou mai lomalagi sa vakaraitaka na ka vuni, ka sa vakatakila rawa vei kemuni na tui ko Nepukanesa na ka ena yaco e na gauna maimuri. A nomuni tadra kei na raivotu ko ni a raica e na nomuni mocemoce, sa vakaoqo:

Osea 1:11

Era na qai soqoni vata na Juta kei na Isireli, ka ra na lesia e dua me liutaki ira, ka ra na lako cake mai na vanua: ni na levu na siga i Jesirieli.

Osea 11:10

Era na muri Jiova, ena qai tagi ko koya me vaka na laioni: ni sa tagi ko koya, era na qai lako rerere mai ko ira na luvena mai ra.

Osea 5:15

Au na la'ki lesu tale ki na noqu tikina, me ra vakatusa mada na nodra ca, ka goleva na mataqu: ni ra sa rarawa, era na qai vakasaqarai au taudonu.

Osea 5:6

Era na lako vata kei na nodra qele ni sipi kei na nodra qele ni pulumokau, me ra qarai Jiova; ka ra na sega ni kunei koya; sa lako tani vei ira ko koya.

Osea 6:1

Me da mai lesu vei Jiova: ni sa ia na veidresulaki, ka sa na vakabulai keda talega ko koya; sa ia oti na veiyaviti, ia ena vauca talega ko koya na noda mavoa.

Emosi 9:11

E na siga ko ya au na vakatura tale na vale i Tevita, ko ya sa bale sobu, au na viria tale na tikina sa cicila; ia na tikina ka rusa au na vakaduria, ia ka'u na tara tale me vaka e na gauna eliu:

Maika 4:1

Ia ena yaco e na gauna maimuri, ena vakataudeitaki na ulu-ni-vanua ni vale i Jiova me sivia na veiulu-ni-vanua, ena vueti me cecere ka lolovira na veiulu-ni-koro; a ra na drodro kina na veimataqali.

Tiko mai na Lekutu 24:14

Ia oqo, raica, ka'u sa lako vei ira na kai noqu: me'u na vakatakila mada vei iko na ka era na cakava e na gauna maimuri na tamata oqo kivei ira na nomu tamata.

Roma 11:25

Ni'u sa sega ni vinakata, na veiwekani, mo dou lecava na ka vuni oqo, de dou vakasami kemudou ni dou sa vuku; ni ra sa yaco na Isireli eso me ra domoqa, ka malua me curu mada na lewe vuqa maivei ira na veimatanitu tani.

Roma 2:4

se ko sa beca beka na nona loloma levu, kei na nona vosota vakadede, kei na nona cudru vakamalua; ka ko sa sega ni vakasama ni sa tuberi iko ki na veivutuni na loloma ni Kalou?

Vakarua 4:30

Ni kemuni sa rarawa, ka sa yacovi kemuni na ka kecega oqo, e na siga maimuri, kevaka ko ni sa lesu mai vei Jiova na nomuni Kalou, ka sa talairawarawa ki na domona;