Osea 3:1 - Vakavakadewa Makawa

¹ Sa qai kaya vei au ko Jiova, Mo lako tale, mo mani lomana na yalewa sa daulomani vua na wekana, ka sa dautagane ga, me vaka na loloma i Jiova vei ira na Isireli, era golevi ira na kalou tani, ka vinakata na bilo waini.

Ai Vola Tabu (Vakadewa Makawa Vakavoutaki 2021)

¹ Sa qai kaya vei au ko Jiova, “Mo lako tale, mo mani lomana na yalewa sa daulomani vua na wekana, ka sa dautagane ga, me vaka na loloma i Jiova vei ira na Isireli, era golevi ira na kalou tani, ka vinakata na bilo waini.”

AI VOLA TABU

¹ A SA kaya vei au ko Jiova, Mo lako tale, mo mani lomana na alewa sa daulomani vua na wekana, ka sa dauyatagane ga, me vaka na loloma i Jiova vei ira na luve i Isireli, era golevi ira na kalou tani, ka vinakata na bilo waini.

Vakavakadewa Vou kei na iVola tale eso

¹ A sa kaya tale vei au o Jiova., “Mo lako tale mada ka vakaraitaka na nomu lomana na yalewa e sa domona tale tiko e dua, ni sa yalewa dautagane, ka me vaka na loloma i Jiova vei ira na Isireli, ka dina ga ni ra sa dau golevi ira na veikalou tani eso ka taleitaka na keke vuanikau.”

Ai Vola Tabu Ena Vakavakadewa Vou

¹ A sa kaya tale vei au ko Jiova., “Mo lako tale mada ka vakaraitaka na nomu lomana na yalewa e sa domona tale tiko e dua, ni sa yalewa dautagane, ka me vaka na loloma i Jiova vei ira na Isireli, ka dina ga ni ra sa dau golevi ira na veikalou tani eso ka taleitaka na keke vuanikau.”

Osea 3:1 Iomraidhean Croise

2 Samuela 6:19

A sa vota vei ira kecega na tamata, io vei ira na lewe vuqa kecega na Isireli, na tagane kei na yalewa, ki na tamata yadua e dua nai buli madrai, kei na tiki ni lewe ni manumanu, ka dua na keki vua ni lolo. A ra sa lako yani na lewe vuqa, na tamata yadua ki na nona vale.

2 Tui 13:23

Ia sa lomani ira ko Jiova, ka sa yalololoma vei ira, ka sa nanumi ira, e na vuku ni nona veiyalayalati kei Eparaama, kei Aisake, kei Jekope, ka sega ni via vakarusai ira, ka sa bera ni biuti ira tani e matana.

1 Veigauna 16:3

A sa vota vei ira yadua na Isireli, vei ira na tagane kei ira na yalewa, kivei ira yadua e dua nai buli madrai, kei na tiki ni lewe ni manumanu, ka dua nai buli vua ni vaini.

Niemaia 9:31

Ia e na vuku ni nomuni loloma levu, ko ni a sega ni vakarusai ira sara, se biuti ira, ni kemuni sa Kalou yalovinaka ka dauloloma.

NA SAME 123:2

Raica, me vaka sa rai mai na mata ni tamata ki na liga ni nodra turaga, Kei na mata ni vada ki na liga i koya na nona marama; Sa rai vakakina na mata i keimami vei Jiova na neimami Kalou, Ka me yalololoma mada vei keimami ko koya.

Lako Yani 32:6

A ra sa sou e na mataka, ka vakacabora nai soro kama, ka kauta mai nai madrali ni veivinakati; a ra sa tiko sobu na tamata me kana ka gunu, ka ra tu cake me ra qito.

Sere i Solomoni 2:5

Dou vakaukauwataki au e na keki vua ni vaini, vakacegui au e na moli: Ni'u sa mate e na loloma.

Aisea 45:22

Dou golevi au mai, mo dou vakabulai, nai yalayala kecega kei vuravura: ni sai au na Kalou, ka sa sega e dua tani tale.

Jeremaia 3:20

E dina, me vaka na yalewa sa biuta tani vakaca na watina, dou sa biuti au vakaca vaka talega kina, koi kemudou na mataqali i Isireli, sa kaya ko Jiova.

Jeremaia 31:20

Sa noqu gone ni toko ko Ifireimi, se segai? sa gone daulomani, se segai? ni'u a vosataki koya vakaca, ka'u sa daunanumi koya tikoga: o koya oqo sa yavala kina na ketequ e na vukuna; ka'u na lomani koya sara, sa kaya ko Jiova.

Osea 11:8

Au na laivi iko vakaevei, Ifireimi? au na soli iko yani vakaevei, Isireli? au na soli iko vakaevei mo tautauvata kei Atima? au na cakavi iko vakaevei mo tautauvata kei Sepoimi? sa dua tani mai na yaloqu e lomaqu, sa tubu sara mai na noqu dauloloma.

Osea 2:5

Ni sa ia na dautagane ko tinadra: sa ia nai valavala e veivakamaduataki ko koya ka kunekunetaki ira: ni sa kaya ko koya, Au na muri ira na noqu i tau, era solia mai na qau madrai kei na mequ wai, na noqu vutika ni sipi kei na noqu laino, na noqu waiwai kei na mequ ka ni gunu.

Osea 4:11

A dauyalewa kei na waini kei na waini vou sa kauta vakatani na loma ni tamata.

Osea 7:5

E na siga ni noda tui era sa tauvi mate kina na turaga ni ra katakata e na waini; sa dodoka na ligana ko koya kei ira na dauveivakalialiai.

Emosi 2:8

era sa la'ki davo talega e nai tutuvi sai vakadinadina ni ka sa kerei ka voleka ki nai cabocabo-ni-soro kecega, ia na waini ni tamata era sa totogi era gunuva e na vale ni nodra kalou.

Emosi 6:6

era gunu waini mai na bilo lelevu, ka lumuti ira e nai lumu talei: ka sa sega ni rarawa na lomadra e na vuku ni sa ca ko ira na Josefa.

Maika 7:7

Ia koi au, ka'u na rai ga vei Jiova; ka'u na waraki koya na Kalou, na noqu i vakabula: ena rogoci au na noqu Kalou.

Sakaraia 1:16

O koya oqo, sa kaya kina ko Jiova; au sa lesu mai ki Jerusalemi e na yalololoma: a noqu vale ena tara kina, sa kaya ko Jiova ni lewe vuqa, ia na wa i vakarau ena dre ga yani e Jerusalemi.

Maciu 26:50

Sa kaya vua ko Jisu, Noqui tau, ko sa lako mai e na vuku ni cava? Era sa qai lako mai, ka tauri Jisu matua.

1 Korinica 10:21

Dou sa sega ni gunuva rawa na bilo ni Turaga, kei na nodra bilo talega na tevoro: dou sa sega ni kana rawa e na tepeli ni Turaga, kei na nodra tepeli talega na tevoro.

1 Korinica 10:7

Dou kakua talega ni qarava na matakau, me vakataki ira eso; me vaka sa volai, Era sa tiko sobu na tamata me ra kana ka gunu, a ra sa qai tu cake tale me ra qito.

1 Pita 4:3

Ia me kena levu vei keda na gauna ni bula sa oti ni da kitaka kina na ka era vinakata ko ira era sa sega ni lotu, ni da sa muria lako na gagadre ca, na dodomo ca, na daugunu waini, nai soqosoqo lialia, na daumateni, kei na kena ca ni dausoro ki na veimatakau:

Dauveilewai 10:16

A ra sa biuta tani na nodra kalou na kai tani mai na kedra maliwa, ka qaravi Jiova: a sa bitaki na yalona e na vuku ni nodra rarawa na Isireli.

Dauveilewai 9:27

A ra sa lako yani ki na were, ka vetivetia na vua ni nodra veivaivaini, ka lobaka, ka marau voli, ka curu ki na bure ni nodra kalou, ka kana ka gunu, ka vatonaki Apimeleki me ca.