Osea 2:3 - Vakavakadewa Makawa

³ de'u vakaluvawaletaki koya, ka vakavotui koya me vaka e na siga ka sucu kina, ka cakava me vaka na veikau, ka soli koya me tautauvata kei na vanua dravuisiga, ka vakamatei koya e na viagunu.

Ai Vola Tabu (Vakadewa Makawa Vakavoutaki 2021)

³ de'u na vakaluvawaletaki koya, ka vakavotui koya me vaka e na siga ka sucu kina, ka cakava me vaka na vanua lala, ka soli koya me tautauvata kei na vanua mamaca, ka vakamatei koya e na viagunu.

AI VOLA TABU

³ deʼu vakaluvawaletaki koya, ka vakatikori koya me vaka e na siga ka sucu kina, ka cakavi koya me vaka na veikau, ka soli koya me tautauvata kei na vanua dravuisiga, ka vakamatei koya e na viagunu.

Vakavakadewa Vou kei na iVola tale eso

³ Ni kevaka sa sega ni vakakina, au na vakaluvawaletaki koya ka vakavotui koya me vaka na siga sa sucu kina, ka'u na vakayacori koya me vaka e dua na vanua lala sa mamaca ka na mate kina o koya ena karamaca.

Ai Vola Tabu Ena Vakavakadewa Vou

³ Ni kevaka sa sega ni vakakina, au na vakaluvawaletaki koya ka vakavotui koya me vaka na siga sa sucu kina, ka'u na vakayacori koya me vaka e dua na vanua lala sa mamaca ka na mate kina o koya ena karamaca.

Osea 2:3 Iomraidhean Croise

Lako Yani 17:3

A ra sa viagunu wai maikea na tamata; a ra sa didivaki Mosese ko ira na tamata, ka kaya, E na cava ko sa kauti keimami cake mai Ijipita, me vakamatei keimami, kei na neimami gone, kei na neimami manumanu e yavai va, e na viagunu?

Aisea 33:9

Sa tagi na vanua, sa ceguoca; sa madua ko Lepanoni, ka sa malai yani; sa vaka na lekutu ko Seroni, a sa mimira na drauna ko Pasani kei Kameli.

Aisea 47:3

Ena vakavotui na nomu luvawale; io, ena rairai na nomu veivakamaduataki: ka'u na ia na veicudruvi, ka'u na sega ni vakamasuti.

Aisea 64:10

a nomuni veikoro tabu, sa lekutu; ko Saioni, sa veikau; ko Jerusalemi sa lala;

Jeremaia 12:10

Ai vakatawa e vuqa era sa vakacacana na noqu were-ni-vaini, era sa butuka sobu na noqu i votavota, era sa cakava na noqu vanua domoni me veikau lala:

Jeremaia 13:22

Ia kevaka ko sa kaya e lomamu, A cava beka sa yacovi au kina na ka oqo? Ni sa levu na nomu caka cala sa luvati kina na bui ni nomu i sulu, ka dresulaki tani sara mai na bukubuku-ni-yavamu.

Jeremaia 13:26

ka'u na cega cake kina na bui ni nomu i sulu ki matamu, me votu kina na nomu luvawale.

Jeremaia 14:3

ko ira talega na nodra turaga era sa talaki ira na nodra lalai ki na wai: era sa yaco ki nai keli, ka sega ni kunea na wai; era sa lesu ka maca wale na medra bilo; era sa madua ka taqaya, ka ra sa puloutaka na uludra:

Jeremaia 17:6

ni na vaka na luveniyali ni veikau ko koya, ena sega talega ni kunea na vinaka ni sa yaco mai; ena tikotiko ga e na vanua dravuisiga mai veikau, e na vanua masima sa sega ni tawa.

Jeremaia 2:31

Kemudou nai tabatamata, dou kila mada na vosa i Jiova. Ka'u a vaka beka na veikau vei Isireli; se na vanua butobuto loaloa? a cava era sa kaya kina na noqu tamata, Keimami sa veitalia ga; keimami na sega ni lako tale vei iko?

Jeremaia 2:6

ka ra sa sega talega ni kaya, Evei ko Jiova ka kauti keda cake mai na vanua ko Ijipita, ka tuberi keda e loma ni veikau, e na vanua liwa lala ka sukusukura, na vanua ni dausiga kei na yaloyalo ni mate, na vanua sa sega e dua e lakova, ka sega na tamata e tiko kina?

Jeremaia 22:6

Ni sa kaya vakaoqo ko Jiova ki na vale i tui Juta; Ko iko ko sa vakataki Kiliati na ulu i Lepanoni vei au: ia ka'u na lewai iko mo veikau ga, ka mo veikoro sa sega ni tawa.

Jeremaia 4:26

Au a vakararai, ka sa lekutu na veiwere bulabula, ia na kena veikoro kecega sa basubasuki sobu e na mata i Jiova, e na mata ni nona cudru waqawaqa.

Jeremaia 51:43

Sa rusa na kena veikoro, sa vanua dravuisiga ka lekutu mai, na vanua sa sega ni tiko kina e dua na tamata, se lako voli yani kina e dua na luve ni tamata.

Jeremaia 51:5

Ni sa sega ni biuti ira na Isireli, se ko ira na Juta ko koya na nodra Kalou, ko Jiova ni lewe vuqa; ia sa dina sa sinai na nodra vanua e na nodra caka cala vei Koya na Yalosavasava nei Isireli.

Isikeli 16:22

Ia e na nomu i valavala vakasisila kecega kei na nomu dautagane ko sa sega ni nanuma na gauna ko a gone kina, ka ko sa luvawale ka sega ni vakaisulu, ka moqe tu e na nomu dra.

Isikeli 19:13

Ia sa qai tei ko koya e na veikau, e na vanua mamaca ka dausiga.

Osea 13:15

Ke sa luvea ko koya e na kedra maliwa na tacina, ke na liwa ga na cagi mai na tu-i-cake, na cagi i Jiova mai na veikau, ka sa na maca na nonai keli-wai, ka na vakamacataki na nona mata-ni-wai: ena vakacacana ko koya na vale ni yaya kecega sa daudomoni.

Osea 2:10

Ia oqo ka'u na vakaraitaka na nona lialia e matadra na nonai tau, ena sega talega e dua me kaliraki koya mai na ligaqu.

Vakatakila 17:16

Ia nai leu e tini ko a raica, kei na manumanu, eratou na cata na yalewa dautagane, a ratou na kitaki koya me biu ka me luvawale; ia eratou na kania na lewena, ka vakamai koya sara e na bukawaqa.

Dauveilewai 15:18

A sa mate e na viagunu; a sa tagi vei Jiova, ka kaya, O ni sa ia na veivakabulai levu oqo e na ligaqu na nomuni tamata: ia ka'u na qai mate beka e na viagunu, ka ra na tauri au ko ira sa sega ni cili?