Osea 13:2 - Vakavakadewa Makawa

² Ia oqo, sa ra gumatua tikoga e nai valavala ca, ka ra sa cakava me nodra eso na matakau e vakawaicalataki e na nodra siliva, me vaka na nodra vuku, io na matakau, sa nodra cakacaka kece sara ga na matai: era kaya e na vukudra, O ira na tamata sa soro me ra reguca na luve ni pulumokau.

Ai Vola Tabu (Vakadewa Makawa Vakavoutaki 2021)

² Ia oqo, sa ra gumatua tikoga e nai valavala ca ka ra sa cakava me nodra eso na matakau kaukamea, na matakau buli mai na siliva me vaka na nodra vuku, ka sa nodra cakacaka kece sara ga na matai. Sa kainaki e na vukudra, “Ko ira na daucabora na tamata me i soro sa reguca na luve ni bulumakau!”

AI VOLA TABU

² Ia o qo, sa ra gumatua tikoga e nai valavala ca, a ra sa cakava me nodra e so na matakau e vakawaicalataki e na nodra siliva, me vaka na nodra vuku, io na matakau, sa nodra cakacaka kece sara ga na matai: e ua ka o qori sa ra kaya, O ira na tamata sa soro me ra reguca na luve ni karavau.

Vakavakadewa Vou kei na iVola tale eso

² Era se sega ga ni muduka na nodra i valavala ca ni ra sa bulia na matakau ceuti me ra qarava — na matakau siliva eso, sa bulicaki ena vakasama vakatamata, ka sa caka ena liga. Era sa qai kaya, “Dou vakacaboisoro vei ira oqo!” Era reguca rawa vakaevei na tamata na veimatakau oqo — na matakau sa bulicaki vaka na bulumakau tagane!

Ai Vola Tabu Ena Vakavakadewa Vou

² Era se sega ga ni muduka na nodra i valavala ca ni ra sa bulia na matakau ceuti me ra qarava — na matakau siliva eso, sa bulicaki ena vakasama vakatamata, ka sa caka ena liga. Era sa qai kaya, “Dou vakacaboisoro vei ira oqo!” Era reguca rawa vakaevei na tamata na veimatakau oqo — na matakau sa bulicaki vaka na bulumakau tagane!

Osea 13:2 Iomraidhean Croise

1 Tui 19:18

Ia ka'u sa maroroya me noqu e le vitu na udolu vei ira na Isireli, ko ira kecega sa sega ni tekiduru vei Peali, kei na gusudra kecega sa sega ni reguci koya.

2 Veigauna 28:13

ka kaya vei ira, Dou na sega ni kauti ira mai ki ke na bobula: ni da sa cala vei Jiova, ia dou sa nakita me vakaikuritaka na nodai valavala ca kei na noda caka cala: ni sa ka levu na noda caka cala, ka sa waqawaqa na cudru vei ira na Isireli.

2 Veigauna 33:23

Ka sega ni vakamalumalumutaki koya e na mata i Jiova, me vaka ka vakamalumalumutaki koya ko Manasa na tamana; ia sa uasivi cake tiko e na nona caka cala ko Emoni.

NA SAME 2:12

Reguca na Luvena, de cudru ko koya, ka dou sa rusa tani mai na sala, Ni sa waqawaqa vakalailai ga na nona cudru. Era sa kalougata ko ira kecega sa vakararavi vei koya.

Aisea 1:5

E na cava mo dou yaviti tale kina? dou na vuki tikoga, sa mate taucoko na ulumu, ka sa malumalumu taucoko na lomamu.

Aisea 30:1

Sa kaya ko Jiova, Ulei! ko ira na gone talaidredre, era sa vakarorogo, ka sega vei au; ka ra sa ubia e na dua nai ubi, ka sega ni vaka na Yaloqu, me ra kuria kina na ca e na ca:

Aisea 44:11

Raica, na kenai tokani era na madua kecega; ko ira na matai, era sa tamata ga: me ra soqoni vata kecega, me ra tu cake; era na rere, era na madua vata ga.

Aisea 45:20

Dou soqoni vata ka lako mai; dou toro voleka mai, koi kemudou na lewe ni veivanua sa dro bula: sa sega na nodra vuku era sa colata na kau ni nodra matakau ceuceu, ka sa masu ki na kalou sa sega ni vakabulai ira rawa.

Aisea 46:6

Era sa sova vakailoa na koula mai na taga, ka vakarauta na siliva e na kenai vakarau; era sa volia e dua na matai ni koula, ka sa cakava ko koya me kalou: era sa cuva sobu, io, era sa sorova:

Aisea 46:8

Dou vakananuma na ka oqo, ka mo dou tu dei ga; dou vakasara ki na lomamudou, koi kemudou na dauvuki tani.

Jeremaia 10:4

era sa vakaiukuukutaka e na siliva kei na koula; era vakadeitaka e nai vako kei nai tukituki, me kakua ni yavala:

Jeremaia 10:8

Ia era sa yalosese vata ka lialia ga: na kau sai vakavuvuli ni ka lasu:

Jeremaia 8:5

A cava beka era sa qai vuki tani kina na kai Jerusalemi oqo e na dauvuki sa sega ni mudu? era taura matua na ka lasu, era bese ni lesu mai.

Osea 10:1

A vaini dautubu wale ko ira na Isireli, sa vuataka ga na vuana me kena: me vaka na kena levu ni vuana, sa ra vakalevutaka vakakina nai cabocabo-ni-soro; me vaka na kena vinaka ni nodra vanua, sa ra cakava na matakau vinaka.

Osea 10:5

E na vukudrau na luve ni pulumokau mai Peci-aveni era na rere kina na kai Samaria: ni na tagicaka ko ira na lewena, o ira na kedrau bete talega ka daurekitaka, ni sa qai takali tani na kenai ukuuku.

Osea 11:2

Ni ra sa kacivi ira, era sa lako tani ga vei ira: sa ra soro vei ira na Peali, ia era vakama na ka boi vinaka ki na matakau ceuceu.

Osea 11:6

Ia nai seleiwau ena tau ki na nodra veikoro, ka vakaotia na tabana, ka kania, e na vuku ni ka era bosea.

Osea 14:3

Ena sega ni vakabulai keitou ko Asuri; keitou na sega ni vodo ose: ia keitou na sega tale ni kaya ki na cakacaka ni liga i keitou, Kemudou sa neitou kalou: ni sai kemuni ga sa lomani koya na luveniyali.

Osea 2:8

Ia na ka oqo sa lecava ko koya, ni sai au ga ka solia vua na sila kei na waini, kei na waiwai, ia ka'u a vakalevutaka vua na siliva, kei na koula, ia era sa vakayagataka vei Peali.

Osea 4:17

Sa veikabiti vata kei na matakau ko ira na Ifireimi: laivi ira ga.

Osea 8:4

Era sa bulia eso na tui, ka sega ni vu vei au: era sa lesia na turaga, ia ka'u sa sega ni kilai ira: e na nodra siliva kei na nodra koula era sa cakava na nodra matakau, ka me ra muduki laivi kina.

Osea 8:5

Sa biuti iko na nomu luve ni pulumokau, ko iko Samaria, sa waqa mai na noqu cudru vei ira: e bogi vica mada me ra qai savasava mai?

Osea 8:6

Ni sa vu vei ira na Isireli na ka oqo: na matai ga sa cakava; ka sa sega ni Kalou: ia ena vorolaki ga na luve ni pulumokau ni Samaria.

Tiko mai na Lekutu 32:14

Ka raica, kemuni sa tubu cake me kedrai sosomi na nomuni qase, na kawa ni tamata ca, me vakalevutaka tiko na cudru katakata i Jiova kivei ira na Isireli.

Roma 11:4

Ia ka cava sa kaya vua na vosa ni Kalou? Au sa maroroya me noqu e le vitu na udolu na tamata, era sa sega ni tekiduru vei Peali.

Roma 2:5

Ia ko iko, me vaka na nomu yalokaukauwa kei na lomamu sa sega ni veivutuni, ko sa binia tikoga vei iko na cudru ki na siga ni cudruvi, ena vakaraitaki kina na lewa dodonu ni Kalou;

2 Timoci 3:13

Ia ko ira na tamata ca kei ira na dauveitemaki, era na tubu cake me ra ca sara, ni ra sa ia na dauveivakacalai, ka ra sa vakacalai talega ko ira.

1 Samuela 10:1

A sa taura ko Samuela na tavaya waiwai, ka livia ki na uluna, ka reguci koya, ka kaya, Sa segai beka ni lumuti kemuni ko Jiova mo nodra turaga na nonai votavota?