Osea 11:2 - Vakavakadewa Makawa

² Ni ra sa kacivi ira, era sa lako tani ga vei ira: sa ra soro vei ira na Peali, ia era vakama na ka boi vinaka ki na matakau ceuceu.

Ai Vola Tabu (Vakadewa Makawa Vakavoutaki 2021)

² Na levu ni noqu kacivi ira, na levu ni nodra sa lako tani ga mai vei au; sa ra soro vei ira na Peali, ia era vakama na ka boi vinaka ki na matakau ceuceu.

AI VOLA TABU

² Ni ra sa kacivi ira, era sa lako tani ga vei ira: vei ira na Peali sa ra soro kina, ia ki na matakau ceuceu sa ra vakacaudreva kina na ka boi vinaka.

Vakavakadewa Vou kei na iVola tale eso

² Ia na levu ga ni noqu kacivi koya, Na levu talega ni nona vuki tani mai vei au. Na noqu tamata era sa vakacaboisoro vei Peali; Era sa vakama na ka boi vinaka ki na matakau eso.

Ai Vola Tabu Ena Vakavakadewa Vou

² Ia na levu ga ni noqu kacivi koya, Na levu talega ni nona vuki tani mai vei au. Na noqu tamata era sa vakacaboisoro vei Peali; Era sa vakama na ka boi vinaka ki na matakau eso.

Osea 11:2 Iomraidhean Croise

1 Tui 12:33

A sa vakacaboi soro e nai cabocabo-ni-soro ka cakava ko koya mai Peceli, e na kenai katinikalima ni siga e na kenai kawalu ni vula, e na vula ka lesia, vakai koya walega; a sa lesia e dua na so levu vei ira na Isireli: ka vakacaboi soro e nai cabocabo-ni-soro, ka vakama na ka boi vinaka.

1 Tui 18:19

Ia oqo, mo ni talaki, mo ni vakasoqoni ira kecega na Isireli vei au, ki na ulu-ni-vanua ko Kameli, kei ira na parofita i Peali era sa lewe va na drau ka limasagavulu, kei ira na parofita ni kalouyalewa ni veikau era sa lewe va na drau, era sa kana tiko mai na tepeli i Jesepeli.

Niemaia 9:30

Ia sa vuqa na yabaki ko ni a vosoti ira kina, ka vunauci ira e na Yalomuni e na gusudra na nomuni parofita: ia era sa bese ga ni rogoca: o koya ko ni a soli ira kina ki na ligadra na lewe ni veivanua.

Aisea 65:7

na nomudou caka cala, sa kaya ko Jiova, kei na nodra caka cala na tamamudou, era sa vakama nai madrali boi vinaka e na veiulu-ni-vanua, ka vosavakacacataki au e na veiulu-ni-koro: ia ka'u na sauma na nodra cakacaka eliu ki na lomaseredra.

Jeremaia 18:15

ka ni ra sa guilecavi au na noqu tamata, ia era sa vakama kina na ka boi vinaka ki na ka lasu, ka ra sa vakatarabetaki ira e na nodra sala, ka sa biu ga nai lakolako makawa, me ra lako vakatikitiki e na sala sa sega ni buluti;

Jeremaia 35:13

Sa kaya vakaoqo ko Jiova ni lewe vuqa, na Kalou ni Isireli; mo la'ki kaya vei ira na Juta kei na lewe i Jerusalemi, Dou na bese li ni vakavulici mo dou vakarorogo ki na noqu vosa? sa kaya ko Jiova.

Jeremaia 44:5

A ra sa sega ni vakarorogo, se vakatu daligadra me ra saumaki mai na nodra ca, ka me ra kakua ni vakama nai madrali boi vinaka vei ira na kalou tani.

Osea 11:7

Ia na noqu tamata era sa gu ga me ra vuki tani vei au: ni ra kacivi ira me ra lako mai vua sa Cecere, ia sa sega e dua sa vakacaucautaki koya.

Osea 2:13

Au na cudruvaka talega vua na gauna i Peali, ka vakama kina na ka boi vinaka vei ira, ka vakaiukuukutaki koya e na mama ni ucuna kei na nona ka ni ukuuku, ka muri ira na nonai tau, ia sa guilecavi au, sa kaya ko Jiova.

Osea 4:13

Era sa daucakai soro e dela ni veiulu-ni-vanua, ka ra sa dauvakama nai madrali boi vinaka e na veiulu-ni-koro kei na ruku ni oki kei na ivi kei na paini, ni sa vinaka na kena rugurugua: o koya oqo era na ia kina na dautagane ko ira na luvemudou yalewa, kei ira na vugomudou na veibutakoci.

Osea 4:17

Sa veikabiti vata kei na matakau ko ira na Ifireimi: laivi ira ga.

Sakaraia 1:4

Dou kakua ni vakataki ira na nomudou qase, ka kaci kina ko ira na parofita eliu, ka vaka Sa kaya vakaoqo ko Jiova ni lewe vuqa; Dou lesu mada mai na nomudou i tovo ca, kei na nomudou i valavala ca: ia era a sega ga ni rogoca, se vakarorogo vei au, sa kaya ko Jiova.

Sakaraia 7:11

A ra sa bese ga ni vakarorogo, ka ra vuki vakanadaku, ka ra sogota na daligadra, me ra kakua ni rogoca.

Luke 13:34

Isa! Jerusalemi, Isa! Jerusalemi, ko iko sa vakamatei ira na parofita, ka vakaviriki ira e na vatu era sa talai vei iko! e vuqa na siga ka’u a via vakasoqoni ira vata na luvemu, me vaka sa vakasoqona na luvena na toa yalewa e ruku ni tabana, ia dou sa sega ni vinakata!

Joni 3:19

Ia ko koya oqo era sa cudruvi kina, ni sa lako mai na rarama ki vuravura, a ra sa vinakata na butobuto ko ira na tamata, ka cata na rarama, ni sa ca na nodrai valavala.

Cakacaka 7:51

Oi kemudou na yalokaukauwa, ka sega ni cili na yalomudou, kei na daligamudou, dou sa dauvorata tikoga na Yalo Tabu; ia koi kemudou dou sa kitaka me vakataki ira na nomudou qase.

Dauveilewai 10:6

A ra sa kitaka tale na ka ca e na mata i Jiova ko ira na Isireli, a ra sa qaravi ira na Peali, kei Aseteroci, kei na veikalou ni Siria, kei na veikalou ni Saitoni, kei na veikalou ni Moapi, kei na nodra kalou na luve i Amoni, kei na nodra kalou na kai Filisitia; ka ra sa biuti Jiova, ka sega ni qaravi koya.

Dauveilewai 2:13

Ia era sa biuti Jiova, ka qaravi Peali kei Aseteroci.

Dauveilewai 3:7

Ia era sa kitaka na ka ca e na mata i Jiova ko ira na Isireli, ka guilecavi Jiova na nodra Kalou, ka qaravi ira na Peali kei ira na kalouyalewa ni veikau.