Osea 1:7 - Vakavakadewa Makawa

⁷ Ia ka'u na lomani ira na mataqali i Juta, ka vakabulai ira e na liga i Jiova na nodra Kalou, ia ka'u na sega ni vakabulai ira e na dakai, se nai seleiwau, se nai valu, se na ose, se vei ira era dauvodo ose.

Ai Vola Tabu (Vakadewa Makawa Vakavoutaki 2021)

⁷ Ia ka'u na lomani ira na vale i Juta, ka vakabulai ira e na liga i Jiova na nodra Kalou, ia ka'u na sega ni vakabulai ira e na dakai, se nai seleiwau, se nai valu, se na ose, se vei ira era dauvodo ose.”

AI VOLA TABU

⁷ Ia na mataqali nei Juta kaʼu na lomani ira, ka vakabulai ira e na liga i Jiova na nodra Kalou, ka sega ni vakabulai ira e na dakai, se nai seleiwau, se nai valu, se na ose, se vei ira era dauvodo e na ose.

Vakavakadewa Vou kei na iVola tale eso

⁷ Ia ka'u na lomana ga na mataqali i Juta. Au na vakabulai ira, oi au o Jiova, ia ka'u na sega ni vakabulai ira ena dakai, se na i selewau, se na i valu, se na ose, se na mataivalu vodo ose.”

Ai Vola Tabu Ena Vakavakadewa Vou

⁷ Ia ka'u na lomana ga na mataqali i Juta. Au na vakabulai ira, oi au ko Jiova, ia ka'u na sega ni vakabulai ira ena dakai, se na i selewau, se na i valu, se na ose, se na mataivalu vodo ose.”

Osea 1:7 Iomraidhean Croise

2 Tui 19:29

Ia oqo sa na kenai vakadinadina vei iko, Dou na kania e na yabaki oqo na ka sa tubu walega, kei na kenai karua ni yabaki na ka sa tubu walega maikina; ia e na kenai katolu ni yabaki dou kaburaka, ka tamusuka, ka tea na veiwere-ni-vaini, ka kania na vuana.

2 Tui 19:34

Ia ka'u na vakatawa na koro oqo, ka vakabula, e na vukuqu, e na vuku talega i Tevita na noqu i talatala.

2 Tui 19:35

Ia e na bogi ko ya, sa lako yani na agilose i Jiova, ka vakamatea e na nodra i tikotiko ni valu e le tinikawalu na oba ka lima na udolu na kai Asiria: ia ni ra sa sou e na mataka, raica, era sa mate koto kecega.

2 Tui 6:18

Ia ni ra sa lako sobu vua, sa vakamamasu vei Jiova ko Ilaisa, ka kaya, Mo ni yaviti ira mada na tamata oqo, me ra mataboko. A sa yaviti ira ko koya me ra mataboko, me vaka na vosa i Ilaisa.

NA SAME 33:16

Sa sega e dua na tui sa bula e na vuku ni mataivalu levu; Sa sega na qaqa me vakabulai e na nona kaukauwa levu.

NA SAME 44:7

Kemuni a vakabulai keimami maivei ira na neimami meca, Ia ko ira sa cati keimami ko ni sa vakamaduataka.

Lako Yani 14:13

A sa kaya vei ira na tamata ko Mosese, Mo ni kakua ni rere, ni tu vakadua, ka raica na veivakabulai i Jiova ena cakava vei kemuni edaidai; ni dou sa raici ira na kai Ijipita edaidai, ia dou na sega ni raici ira tale ka tawa mudu:

Lako Yani 14:30

A sa vakabula na Isireli ko Jiova e na siga ko ya mai na ligadra na kai Ijipita; a sa raici ira na kai Ijipita ko ira na Isireli ni ra sa mate koto mai matasawa.

Aisea 12:2

Raica, sa noqu i vakabula na Kalou; au na vakararavi tiko, ka sega ni rere: ni sa noqu vu ni kaukauwa kei na noqu vu ni sere ko Ja Jiova; ka sa yaco ko koya me noqu i vakabula.

Aisea 30:18

O koya oqo ena wawa kina ko Jiova me yalovinaka vei kemudou, io, e na ka oqo ena tu cake kina ko koya me lomani kemudou; ni sa lewa vakadodonu na Kalou ko Jiova: era kalougata ko ira kecega era sa waraki koya.

Aisea 49:6

Ia sa kaya ko koya, Sa ka lailai mo noqu i talatala mo vueta cake na veimataqali i Jekope, ka vakalesui ira mai na Isireli era maroroi tiko: Ka'u sa soli iko talega mo nodra rarama na veimatanitu, mo yaco talega mo vu ni bula e na vukuqu ki nai yalayala kei vuravura.

Aisea 7:14

Ia ko Jiova vakataki koya ga ena solia vei kemudou e dua nai vakadinadina; Raica, ena bukete e dua na goneyalewa, ena vakasucuna e dua na gonetagane, ena vakayacani koya ko Imanueli:

Jeremaia 25:5

Era daukaya, Dou dui lesu yadua edaidai mai na nonai tovo ca, kei na ca ni nonai valavala, ka tiko ga e na vanua sa solia ko Jiova vei kemudou kei ira na nomudou qase me sega ni mudu:

Jeremaia 25:6

ia dou kakua ni muria na kalou tani me qaravi ira, ka soro vei ira, dou kakua talega ni vakacudrui au e na cakacaka ni ligamudou; ka'u na qai sega ni vakacacani kemudou.

Jeremaia 33:26

ke sa qai rawa me'u biuta tani na kawa i Jekope, kei Tevita na noqu tamata me'u kakua ni lesia e dua na nona kawa me lewai ira na kawa i Eparaama, kei Aisake, kei Jekope: ni'u na kauti ira tale mai era vakabobulataki, ka lomani ira.

Osea 1:8

Ia ni sa kali Lo-ruama ko koya, sa qai kunekune tale, ka sa vakasucuma e dua na luvena tagane.

Osea 11:12

Sa ra vakavolivoliti au e na lasu ko ira na Ifireimi, kei na mataqali i Isireli talega e na veivakaisini: ia ko ira na Juta sa ra lewa vata tiko kei na Kalou, ka sa lomadina vua sa Yalosavasava sara.

Sakaraia 4:6

A sa kaya vei au ko koya, Sa vakaoqo na vosa i Jiova vei Serupapeli, Sa segai e na qaqa, se na kaukauwa, e na Yaloqu ga, sa kaya ko Jiova ni lewe vuqa.

1 Samuela 17:47

ka me ra kila talega kina ko ira nai vavakoso taucoko oqo ni sa sega ni ia na veivakabulai ko Jiova e nai seleiwau kei na moto; ni sa lewa nai valu ko Jiova, ka na soli kemuni talega ko koya ki na ligaimami.