Osea 1:4 - Vakavakadewa Makawa

⁴ A sa kaya vua ko Jiova, Mo vakayacani koya ko Jesirieli; ni sa vo e lailai, ka'u na qai cudruvaka na dra i Jesirieli ki na mataqali i Jeu, ka vakaotia na matanitu ni mataqali i Isireli.

Ai Vola Tabu (Vakadewa Makawa Vakavoutaki 2021)

⁴ A sa kaya vua ko Jiova, “Mo vakayacani koya ko Jesireli; ni sa vo vakalailai, ka'u na qai cudruvaka na dra i Jesireli ki na vale i Jeu, ka vakaotia na matanitu ni vale i Isireli.

AI VOLA TABU

⁴ A sa kaya vua ko Jiova, Mo vakatoka na yacana ko Isirieli [ena ia na vei vakasevi na Kalou]; ni sa vo e lailai, kaʼu na qai cudruvaka na dra i Isirieli ki na mataqali i Yeu, ka vakaotia na matanitu ni mataqali nei Isireli.

Vakavakadewa Vou kei na iVola tale eso

⁴ A sa kaya vua o Jiova, “Mo vakayacani koya o Jesireli, baleta ni na sega ga ni dede ka'u sa na cudruva kina na tui Isireli ena vuku ni veivakamatei sa vakayacora na nona qase o Jeu mai Jesireli. Au na qai vakawabokotaka vakadua na kawa vakatui i Jeu.

Ai Vola Tabu Ena Vakavakadewa Vou

⁴ A sa kaya vua ko Jiova, “Mo vakayacani koya o Jesireli, baleta ni na sega ga ni dede ka'u sa na cudruva kina na tui Isireli ena vuku ni veivakamatei sa vakayacora na nona qase o Jeu mai Jesireli. Au na qai vakawabokotaka vakadua na kawa vakatui i Jeu.

Osea 1:4 Iomraidhean Croise

2 Tui 10:1

A sa le vitusagavulu na luvena tagane ko Eapi mai Samaria. A sa vola eso nai vola ko Jeu, ka vakauta ki Samaria, vei ira sa turaga mai Jesirieli, kei ira na qase, kei ira ka susugi ira na luve i Eapi, a sa kaya,

2 Tui 10:17

A sa lako ki Samaria ko koya, ka mokuti ira kecega na kena vo nei Eapi mai Samaria, ka me vakaotia sara, me vaka na vosa i Jiova, ka vosataka ko koya vei Ilaija.

2 Tui 15:29

E na gauna i Peka na tui Isireli, sa lako mai ko Tikilaci-pileseri na tui Asiria, ka kabai Aijoni, kei Epeli-peci-meeka, kei Janoa, kei Ketesi, kei Asori, kei Kiliati, kei Kalili, na vanua taucoko i Nafitalai; ka kauti ira vakabobula ki Asiria.

2 Tui 15:8

E na kenai katolusagavulu ka walu ni yabaki i Asaraia na tui Juta, sa lewa vei ira na Isireli mai Samaria ko Sakaraia na luve i Jeropoami ka vula ono.

Aisea 7:14

Ia ko Jiova vakataki koya ga ena solia vei kemudou e dua nai vakadinadina; Raica, ena bukete e dua na goneyalewa, ena vakasucuna e dua na gonetagane, ena vakayacani koya ko Imanueli:

Aisea 8:3

Ia ka'u a lako vua na parofita yalewa; ka sa kunekune ko koya, ka vakasucuma e dua na gonetagane. Sa qai kaya vei au ko Jiova, Mo vakayacani koya ko Measalali-asi-pasi.

Aisea 9:6

Ni sa sucu mai e dua na gone me noda, sa soli mai vei keda e dua na gonetagane: ena vakatau kivei koya na lewa; ena vakatokai na yacana ko Veivakurabuitaki, nai Vakavuvuli, na Kalou kaukauwa, na Tama ni gauna tawa mudu, na Tui ni Sautu.

Jeremaia 20:3

Ia e na mataka, sa qai sereki Jeremaia ko Pasuri mai nai vesu kau. Sa qai kaya vua ko Jeremaia, ko Jiova sa sega ni vakatoka na yacamu ko Pasuri, ko Mekorimisapipi ga.

Jeremaia 23:2

O koya sa kaya kina ko Jiova na Kalou ni Isireli vei ira nai vakatawa era sa vakani ira na noqu sipi; Koi kemudou, dou sa vakatolosevi ira na noqu qele ni sipi, ka vakasavi ira tani, ka sega ni la'ki raici ira: raica, au na cudruvi kemudou e na vuku ni ca ni nomudou i valavala, sa kaya ko Jiova.

Jeremaia 3:8

Ia ka'u a raica, ni sai koya dina oqo ni sa dautagane ko Isireli na dauvuki, ka'u a biuti koya tani ka solia vua nai vola ni veibiu, ka sa sega ni rere kina na daulawaki ko Juta na tacina, ia sa lako talega ko koya ka ia na dautagane.

Isikeli 23:10

Ko ira oqo era sa vakaraitaka na nona luvawale: ka ra sa kauta na luvena tagane kei na luvena yalewa, ka ra sa vakamatei koya e nai seleiwau: ka sa rogo kina na yacana vei ira na yalewa; e na vuku ni veicudruvi sa ra ia vua.

Isikeli 23:31

Ko sa muria ga nai valavala ni tuakamu; o koya oqo ka'u na solia kina na mena bilo ki na ligamu.

Osea 1:6

A sa kunekune tale ko koya, ka vakasucuma e dua na luvena yalewa. A sa kaya vua ko Koya, Mo vakayacani koya ko Lo-ruama: ni'u na sega ni lomani ira tale na mataqali i Isireli; au na kauti ira laivi sara ga.

Osea 1:9

A sa kaya ko Koya, Mo vakayacani koya ko Lo-ami: ni dou sa sega ni noqu tamata, ia koi au ka'u sa sega talega ni nomudou Kalou.

Osea 2:13

Au na cudruvaka talega vua na gauna i Peali, ka vakama kina na ka boi vinaka vei ira, ka vakaiukuukutaki koya e na mama ni ucuna kei na nona ka ni ukuuku, ka muri ira na nonai tau, ia sa guilecavi au, sa kaya ko Jiova.

Osea 2:22

ko vuravura talega ena rogo yani ki na sila, kei na waiwai, kei na waini; ia na ka talega ko ya ena rogo yani ki Jesirieli.

Osea 9:17

Ena biuti ira tani na noqu Kalou, ni ra sa sega ni vakarorogo vua: ka ra na dui veiseyaki ki na veivanua.

Emosi 9:8

Raica, sa wanonova tiko na matanitu ca ko ya na mata ni Turaga ko Jiova, ka'u na vakarusa tani talega mai na dela i vuravura, ia ka'u na sega ni vakarusa sara na mataqali i Jekope, sa kaya ko Jiova.

Maciu 1:21

ia ena vakasucuma ko koya e dua na gonetagane; ia mo vakayacani koya ko JISU; ka ni sai koya ga ena vakabulai ira na nona tamata mai na nodra i valavala ca.

Luke 1:13

Sa kaya vei koya na agilose, Kakua ni rere, Sakaraia; sa rogoci na nomu masu; ka na vakasucuma e dua na luvemu-tagane ko Ilisapeci na watimu, ia ko na vakayacani koya ko Joni.

Luke 1:31

ka raica, ko na kunekune, ko na vakasucuma talega e dua na gonetagane; ia mo vakayacani koya ko JISU.

Luke 1:63

A sa vaka ko koya me dua na papa ni volavola, a sa vola. A yacana ko Joni. A ra sa kurabui kecega.

Joni 1:42

A sa kauti koya kivei Jisu. Ia sa vakaraici koya ko Jisu, ka kaya, O iko ko Saimoni na luve i Jona: ko na vakatokai ko Kifa: (a kenai balebale ko Pita.)

Josua 19:18

A sa no na nodra i yalayala vaka ki Jesirieli, kei Kesuloci, kei Sunemi,