NA SAME 74:3 - Vakavakadewa Makawa

³ Me kusarawa mai na yavamuni ki na veivakarusai sa sega ni mudu; Ki na ka kecega sa vakacacana na meca e nomuni vale tabu.

Ai Vola Tabu (Vakadewa Makawa Vakavoutaki 2021)

³ Me kusarawa mai na yavamuni ki na veivakarusai sa sega ni mudu; ki na ka kecega sa vakacacana na meca e nomuni vale tabu.

AI VOLA TABU

³ Me kusarawa mai na yavamu ki na veivakarusai sa tawa mudu; ki na ka kecega sa vakacacana na meca e nomu vale tabu.

Vakavakadewa Vou kei na iVola tale eso

³ Ni vakalakova mada na veika kece sa rusa tu oqo; Era sa vakacacana na neimami meca na ka kecega ena Valenisoro!

Ai Vola Tabu Ena Vakavakadewa Vou

³ Ni vakalakova mada na veika kece sa rusa tu oqo; Era sa vakacacana na neimami meca na ka kecega ena Valenisoro!

NA SAME 74:3 Iomraidhean Croise

2 Tui 25:9

a sa vakama na vale i Jiova, kei na vale ni tui; a sa vakama na vale kecega mai Jerusalemi, io na vale lelevu kecega.

Niemaia 1:3

A ratou sa kaya vei au, Ko ira sa vo vei ira na vakabobulataki mai na yasana ko ya, era sa tiko vakaca sara, a ra sa vosavakacacataki: sa basuraki sobu talega na bai kei Jerusalemi, a sa kama e na bukawaqa na kena veimatamata-ni-koro.

Niemaia 2:13

Ia ka'u a curu yani e na bogi e na matamata-ni-koro ki na buca, io e na mata ni keli-wai ni gata, kei na matamata-ni-koro ni benubenu, ka vakaraica matua na bai kei Jerusalemi, ka basuraki sobu, a sa kama e na bukawaqa na kena matamata-ni-koro.

Niemaia 2:3

ka kaya vua na tui, Me bula na tui ka tawa mudu: me'u sega beka ni vakaveveku mata, ni sa rusa tu na koro, na yasana ni nodra i bulubulu na noqu qase, a sa kama e na bukawaqa na kena veimatamata-ni-koro? Sa qai kaya vei au ko koya na tui, A cava ko sa kerea?

NA SAME 44:23

Mo ni yadra mai, Kemuni sa moce, na Turaga, e na vuku ni cava? Mo ni tu cake mai, kakua ni biuti keimami vakadua.

NA SAME 44:26

Mo ni tu cake me vukei keimami, Mo ni vakabulai keimami e na vuku ni nomuni yalololoma.

NA SAME 79:1

Kemuni na Kalou, era sa curu mai ki na nomuni vanua ko ira na kai tani; Era sa vakadukadukalitaka na nomuni vale tabu; Era sa vakacacani Jerusalemi me sa bukebuke walega.

Aisea 10:6

Au na talai koya ki na matanitu dauveivakaisini, ia ka'u na vakaroti koya e na vuku ni tamata ka'u sa cudruva, me ia na veitokitaki, kei na veikoveraki, ka me buturaki ira sobu me vaka na lolobu e na salatu.

Aisea 25:10

Ni na tiko ga na liga i Jiova e na ulu-ni-vanua oqo, ia ko Moapi ena buturaki sobu era, me vaka na co sa buturaki sobu e nai sovasova ni benu.

Aisea 61:4

Ka ra na tara tale na veikoro sa rusa makawa; ka ra na vakaduria tale na ka sa vakacacani eliu; ka vakavouya na veikoro sa lala tu, na veiyasana ka ca e nai tabatamata e vuqa.

Jeremaia 52:13

a sa vakama na vale i Jiova, kei na nona vale na tui; kei na vale kece mai Jerusalemi, kei na nodra vale kece na turaga, sa vakama ko koya e na bukawaqa:

Lele i Jeremaia 1:10

Sa dodoka na ligana na meca me taura na nona ka domoni kecega: Ni sa raici ira na iceni ko koya ni ra sa curu ki na nona vale tabu, Io ko ira ko a vakatatabuya me ra kakua ni curu ki na nomuni soqosoqo.

Taniela 11:31

ia e dua nai valu ena mai totaki koya, ka ra na vakacacana na tikina tabu e kaukauwa, ka kauta tani nai soro sa ia e na veisiga, ka vakaduria na ka vakasisila sa dauveivakarusai.

Taniela 9:17

Ia mo ni rogoca mada, na neimami Kalou, na masumasu ni nomuni tamata, kei na nona kere loloma, ia e na vuku ni Turaga, me cila mai na matamuni ki na nomuni tikotiko tabu sa lala tu.

Taniela 9:27

Ia ena vakadeitaka ko koya na veiyalayalati kei ira e lewe vuqa ka me dua na kena wiki: ia e na veimama ni wiki, ena vakaotia ko koya nai soro kei nai madrali, ia e na taba ni tikina tabu ena tu kina na ka vakasisila sa dauveivakarusai, io, me yacova nai vakataotioti, ia na ka sa lesi ena sovaraki vua na dauveivakarusai.

Maika 1:3

Ia dou raica, sa lako mai na nona yasana ko Jiova, io, ena lako sobu mai ko koya, ka butuka na veiyasana cecere kei vuravura.

Maika 3:12

O koya oqo ena cukiti kina ko Saioni me vaka na were e na vukumudou, ia ko Jerusalemi ena yaco me bukebuke walega, kei na ulu-ni-vanua ni vale tabu ena vaka na veitikina cecere ni veikau.

Marika 11:17

A sa vakavulici ira, ka kaya, Sa sega li ni volai, A noqu vale ena vakatokai me nodra vale ni masu, na veimatanitu kecega? ia dou sa cakava me nodra qara na daubutako.

Luke 21:24

A ra na vakamatei e nai seleiwau, a ra na kau vakabobula ki na veivanua: a ra na butuki Jerusalemi sobu ko ira na veimatanitu, me yacova nai vakataotioti ni nodra gauna na veimatanitu.

Josua 10:24

Ia ni ra sa kauti iratou na tui koya ki tautuba vei Josua, sa qai kacivi ira kecega mai na Isireli ko Josua, a sa kaya vei ira na kapiteni ni tamata i valu era sa lako vata kaya, Dou toro mai, ka vaca na domodratou na tui oqo. A ra sa toro mai, ka vaca na domodratou.

Vakatakila 11:2

Ia na lomanibai e taudaku ni vale, kakua ni vakarauta: ni sa soli oqori kivei ira na veimatanitu tani: ia era na butuka na koro tabu ka vula vasagavulu ka rua.