NA SAME 72:5 - Vakavakadewa Makawa

⁵ Era na rerevaki kemuni ni sa tikotikoga na mata-ni-siga, Kei na vula, io e nai tabatamata kecega.

Ai Vola Tabu (Vakadewa Makawa Vakavoutaki 2021)

⁵ Era na rerevaki kemuni ni sa tikotikoga na mata-ni-siga, kei na vula, io e nai tabatamata kecega.

AI VOLA TABU

⁵ Era na rerevaki iko ni sa tiko ga na siga kei na vula, io e nai tabatamata kecega.

Vakavakadewa Vou kei na iVola tale eso

⁵ Me ra cuva ga vei kemuni ni se cila tikoga na matanisiga, Ena gauna kecega ni cila ni vula, ena veitabatamata kecega.

Ai Vola Tabu Ena Vakavakadewa Vou

⁵ Me ra cuva ga vei kemuni ni se cila tikoga na matanisiga, Ena gauna kecega ni cila ni vula, ena veitabatamata kecega.

NA SAME 72:5 Iomraidhean Croise

1 Tui 3:28

A ra sa rogoca ko ira kecega na Isireli na nona lewa ko koya na tui: a ra sa rerevaka na tui; ni ra sa kunea sa tu vua na vuku ni Kalou, me ia kina na veilewai.

NA SAME 72:17

Ena sega ni oti rawa na yacana: Ena tikotikoga na yacana ni sa tu na mata-ni-siga: Ka ra na vakalougatataki na tamata e na vukuna; Era na vosaveivakalougatataki koya na lewe ni veivanua kecega.

NA SAME 72:7

Ena tubu vinaka mai e na nona gauna ko ira na yalododonu; Kei na sautu levu, ka yacova na gauna e oti kina na vula.

NA SAME 89:29

Au na vakataudeitaka na nona kawa me sega ni mudu, Ena vaka talega na gauna ni lomalagi na nonai tikotiko vakaturaga.

Aisea 9:7

Ena sega ni oti na kena tubu na nona lewa kei na sautu, e nai tikotiko vakaturaga i Tevita, kei na nona matanitu, me vakataudeitaka, ka vakaukauwataka e na lewa dodonu kei nai valavala dodonu mai na gauna oqo ka yacova na gauna kecega. A lomakatakata i Jiova ni lewe vuqa ena vakayacora na ka oqo.

Taniela 2:44

Ia e na nodra gauna na tui ko ya ena qai vakatura na Kalou ni lomalagi e dua na matanitu, ena sega sara ni vakarusai rawa: ia na matanitu ko ya ena sega ni biu tu me nodra na tamata tani, ia ena vurumemeataka ga ka vakaotia na veimatanitu oqori, ka na tu ga ka sega ni mudu.

Taniela 7:14

A sa soli vua na lewa, kei na vakarokoroko, kei na matanitu, me ra qaravi koya ko ira na tamata kece, kei na veivanua, kei na dui vosavosa; a nona lewa na lewa sa sega ni mudu, ena sega ni takali, kei na nona matanitu ena sega ni vakarusai.

Taniela 7:27

Ia na matanitu kei na lewa, kei na kena levu ni veimatanitu e ruku i lomalagi taucoko, ena soli vei ira na yalosavasava nei Koya sa Cecere sara, a nona matanitu sa matanitu e sega ni mudu, ia ko ira na turaga kecega era na qaravi koya ka talairawarawa vua.

Efeso 3:21

me ia vei koya na vakarokoroko e nai soqosoqo lewe ni lotu e na vuku i Karisito Jisu, me yacova na veitabatamata kecega ka sega ni mudu. Emeni.

Vakatakila 11:15

SA qai uvu davui nai kavitu ni agilose; a sa muri eso na vosa sa domo levu mai lomalagi, sa kaya, Na matanitu kei vuravura oqo sa qai yaco me nona na noda Turaga, a nei koya na nona Karisito; ia ena lewa ko koya ka sega ni mudu.

1 Samuela 12:18

A sa masu vei Jiova ko Samuela; a sa solia ko Jiova na kurukuru kei na uca e na siga ko ya: a ra sa rerevaki Jiova vakalevu kei Samuela talega ko ira kecega na tamata.