NA SAME 71:5 - Vakavakadewa Makawa

⁵ Ni sai kemuni ga, na Turaga Jiova, ka'u sa nuinui tiko kina: Oi kemuni ga ka'u a vakararavi kina ni'u a cauravou ka yacova na gauna oqo.

Ai Vola Tabu (Vakadewa Makawa Vakavoutaki 2021)

⁵ Ni sai kemuni ga, na Turaga Jiova, ka'u sa nuinui tiko kina, oi kemuni ga ka'u a vakararavi kina ni'u a cauravou ka yacova na gauna oqo.

AI VOLA TABU

⁵ Ni sai iko ga, Turaga Jiova, kaʼu sa goleva tiko: o iko ga kaʼu a vakararavi kina niʼu a cauia-vou ka yacova na gauna o qo.

Vakavakadewa Vou kei na iVola tale eso

⁵ Oi kemuni Jiova na Turaga, sai kemuni ga na noqu i nuinui, Ka'u sa vakadinati kemuni mai na gauna au se gone kina.

Ai Vola Tabu Ena Vakavakadewa Vou

⁵ Oi kemuni Jiova na Turaga, sai kemuni ga na noqu i nuinui, Ka'u sa vakadinati kemuni mai na gauna au se gone kina.

NA SAME 71:5 Iomraidhean Croise

1 Tui 18:12

Ia ni'u sa lako tani vei iko, ena kauti iko tani na yalo i Jiova, ia ka'u na sega ni kila se ko sa kau kivei; ia ni'u sa lako ka tukuna vei Eapi, ka sega ni kunei iko ko koya, ena qai vakamatei au: ia koi au na nomu tamata, au sa rerevaki Jiova ni'u sa cauravou, ka yacova na gauna oqo.

2 Veigauna 34:3

A sa vakatekivu ko koya me vakasaqara na Kalou i Tevita na tamana, e nai kawalu ni yabaki ni nona lewa, ni sa gone tiko: ia e na kenai katinikarua ni yabaki, sa vakatekivu me vakasavasavataki Juta kei Jerusalemi mai na veiyasana cecere, kei na kalouyalewa ni veikau, kei na matakau ceuceu, kei na matakau sa vakawaicalataki.

NA SAME 119:166

I Jiova, ka'u sa nuitaka na bula maivei kemuni, Ka sa daucakava na nomuni vakaro.

NA SAME 119:81

Sa ceguoca na yaloqu mo ni vakabulai au: Ia ka'u na nuitaka ga na nomuni vosa me yaco.

NA SAME 13:5

Ia koi au, ka'u sa vakararavi ga e na nomuni loloma; Ena reki na yaloqu ni kemuni sa ia na veivakabulai.

NA SAME 39:7

Ia oqo, kemuni na Turaga, a cava ka'u sa waraka tiko? Ka'u sa nuinui ga vei kemuni.

NA SAME 42:11

Na yaloqu, o sa bibi lako e na vuku ni cava? O sa nuiqawaqawa e lomaqu e na vuku ni cava? Mo nuitaka na Kalou; ni'u na vakavinavinaka tale vua, Na vu ni bula ni mataqu kei na noqu Kalou.

NA SAME 71:17

O ni a vakavulici au, na Kalou, ni'u a gone: Ka yacova na gauna oqo ka'u sa tukuna tiko na nomuni cakacaka e veivakurabuitaki.

Dauvunau 12:1

Mo nanumi koya ka Buli iko ni ko sa cauravou tiko, ni sa bera ni yaco na veisiga ca, ka ni sa sega ni toro mai na veiyabaki, ko na kaya kina, Au sa sega ni vinakata na ka oqo:

Jeremaia 14:8

Kemuni ga era dauvakararavi kina na Isireli, na nodra i vakabula e na gauna ni rarawa, e na vuku ni cava ko ni sa vaka na vulagi e na vanua, ka vaka na tamata sa daulako tu sa tiko walega me moce e na bogi?

Jeremaia 17:13

Koi kemuni Jiova, era dauvakararavi kina na Isireli, ko ira kece era biuti kemuni era na madua ga, ko ira era lako tani vei au era na volai ga e na qele, ka ni ra sa biuti Jiova na mata-ni-wai bula.

Jeremaia 17:17

Mo ni kakua ni vakadomobulataki au: koi kemuni ga ka'u sa vakararavi kina e na siga ca.

Jeremaia 17:7

Sa kalougata na tamata sa vakararavi vei Jiova, ka sa nuitaki Jiova ga:

Jeremaia 50:7

Ko ira kece sa kunei ira, era sa kani ira ga: ia na nodra meca era sa kaya, Keimami sa sega ni cala! ni ra sai valavala ca vei Jiova, nai tikotiko ni lewa dodonu, io, vei Jiova o koya era a vakararavi kina ko ira na nodra qase.

Luke 2:40

A sa tubu cake na gone, a sa yalomatua mai, sa sinai e na vuku; a sa tu vei koya na loloma ni Kalou.

Roma 15:13

Ia me vakasinaiti kemudou mada na Kalou, o koya na vu ni nuinui, e na reki kecega kei na vakacegu ni dou sa vakabauta, me levu sara na nomudou i nuinui e na vuku ni nona kaukauwa na Yalo Tabu.

2 Timoci 3:15

ni ko sa kila nai Vola tabu, ni ko a gone, oqori sa vakavukui iko rawa mo bula ni ko sa vakabauti Karisito Jisu.

1 Samuela 16:13

A sa taura na tavaya waiwai ko Samuela, ka lumuti koya e na kedra maliwa na tuakana: a sa daucurumi Tevita na Yalo i Jiova mai na siga ko ya. A sa ia ko Samuela, ka lako yani ki Rama.