NA SAME 7:6 - Vakavakadewa Makawa

⁶ I Jiova, ni tu cake e na nomuni cudru, Vakalevui kemuni cake e na vuku ni nodra cudru na noqu meca; Mo ni yadra e na vukuqu me yaco na lewa ko ni a vosa kina.

Ai Vola Tabu (Vakadewa Makawa Vakavoutaki 2021)

⁶ I Jiova, ni tucake e na nomuni cudru; vakalevui kemuni cake e na vuku ni nodra cudru na noqu meca; mo ni yadra e na vukuqu me yaco na lewa ko ni a vosa kina.

AI VOLA TABU

⁶ Tu cake, Jiova, e na nomu cudru, vakalevui iko cake e na vuku ni nodra cudru na noqu meca; mo yadra e na vukuqu me yaco na lewa ko a vosa kina.

Vakavakadewa Vou kei na iVola tale eso

⁶ Me toro cake na nomuni cudru Jiova, Ka saqata na nodra cudru na noqu meca. Ni yadra mai ka vukei au, Baleta ni o ni sa dau vinakata na dodonu.

Ai Vola Tabu Ena Vakavakadewa Vou

⁶ Me toro cake na nomuni cudru Jiova, Ka saqata na nodra cudru na noqu meca. Ni yadra mai ka vukei au, Baleta ni o ni sa dau vinakata na dodonu.

NA SAME 7:6 Iomraidhean Croise

2 Samuela 17:14

A sa kaya ko Apisalomi kei ira kecega na Isireli, Sa vinaka na ka sa vakavulica ko Usai na Ariki, ka ca na ka sa vakavulica ko Eitofeli. Ni sa lewa ko Jiova me vakawaletaka nai vakavuvuli vinaka i Eitofeli, ka me vakayacora ko Jiova na ka ca vei Apisalomi.

NA SAME 103:6

Sa kitaka ko Jiova na ka dodonu kei na lewa vinaka, E na vukudra kecega era sa vakasaurarataki.

NA SAME 12:5

Ni ra sa vakararawataki na tamata malumalumu, ka ni ra sa vutugu tiko na tamata dravudravua, Sa kaya ko Jiova, Au na qai tu cake; Au na vakabulai ira yadua maivei koya sa dauvakalialiai ira.

NA SAME 138:7

Kevaka ka'u sa lako e na loma ni ka rarawa, ko ni na vakaukauwataki au: O ni na dodoka na ligamuni ki na nodra cudru na noqu meca, Ka na vakabulai au na ligamuni matau.

NA SAME 143:3

Ni sa vakacacana na yaloqu na meca; Sa buturaka sobu na noqu bula ki na soso; Sa lewai au me'u tiko e na vanua butobuto, me vakataki ira era sa mate makawa.

NA SAME 3:7

Ni tu cake, Jiova; ni vakabulai au, noqu Kalou; Sai kemuni ka yaviti ira kecega na noqu meca e na sui ni baludra; Ko ni sa musulaka na batidra na tamata ca.

NA SAME 35:1

I Jiova, mo ni veileti kei ira era sa veileti kei au; Ni veivala kei ira era sa veivala kei au.

NA SAME 35:23

Mo ni yavala mai, ka yadra mo ni lewai au, Io mo ni totaki au mai, noqu Kalou kei na noqu Turaga.

NA SAME 44:23

Mo ni yadra mai, Kemuni sa moce, na Turaga, e na vuku ni cava? Mo ni tu cake mai, kakua ni biuti keimami vakadua.

NA SAME 44:26

Mo ni tu cake me vukei keimami, Mo ni vakabulai keimami e na vuku ni nomuni yalololoma.

NA SAME 59:5

Ia koi kemuni, Jiova, na Kalou ni lewe vuqa, na Kalou ni Isireli, Mo ni yadra me cudruvi ira kece na veimatanitu: Mo ni kakua ni vosoti ira na caka cala era sa dautalaidredre. Sela.

NA SAME 73:20

Me vaka na tadra ni sa yadra maikina e dua; Sa vakakina, kemuni na Turaga, ni kemuni sa yadra, ko ni na beca na nodra yaloyalo.

NA SAME 74:3

Me kusarawa mai na yavamuni ki na veivakarusai sa sega ni mudu; Ki na ka kecega sa vakacacana na meca e nomuni vale tabu.

NA SAME 78:65

Sa qai yadra mai na Turaga me vaka e dua mai na moce, Ka vaka na tamata qaqa ni sa kaila e na vuku ni waini.

Aisea 3:13

Sa tu mai ko Jiova me ia na veitotaki, sa tu me lewai ira na tamata.

Aisea 33:10

Oqo ka'u sa qai tu cake, sa kaya ko Jiova, oqo ka'u na sa qai vakalevulevui; oqo ka'u na sa qai vakaceceretaki au.

Aisea 37:20

Ia oqo, Jiova na neimami Kalou, mo ni vakabulai keimami mada mai na ligana, me kila kina na veimatanitu kecega e vuravura ni sai kemuni duaduaga ko Jiova.

Aisea 51:9

Mo ni yadra, mo ni yadra, mo ni vakaisulu e na kaukauwa, koi kemuni na liga i Jiova; mo ni yadra, me vaka e na gauna eliu, e nai tabatamata makawa. Sai kemuni, se segai, ka tamusuki Rakapi, ka vuetaka na gata levu?