NA SAME 7:10 - Vakavakadewa Makawa

¹⁰ A noqu i vakaruru na Kalou, O koya sa vakabulai ira era sa yalododonu.

Ai Vola Tabu (Vakadewa Makawa Vakavoutaki 2021)

¹⁰ A noqu i vakaruru na Kalou, o koya sa vakabulai ira era sa yalododonu.

AI VOLA TABU

¹⁰ A noqui vakaruru na Kalou, o koya sa vakabulai ira era sa yalododonu.

Vakavakadewa Vou kei na iVola tale eso

¹⁰ Sa noqu dauveitaqomaki na Kalou, Sa dau vakabulai ira era talairawarawa vua.

Ai Vola Tabu Ena Vakavakadewa Vou

¹⁰ Sa noqu dauveitaqomaki na Kalou, Sa dau vakabulai ira era talairawarawa vua.

NA SAME 7:10 Iomraidhean Croise

Vakatekivu 15:1

Sa oti na ka oqori sa vosa vei Eparama ko Jiova e na rai votu, ka kaya, Mo kakua ni rere, Eparama: koi au na nomu i sasabai, ia na kemui sau ena ka levu sara.

1 Veigauna 28:9

Ia ko iko, Solomoni na luvequ, mo kila na Kalou i tamamu, ka qaravi koya e na yalo dina, kei na loma e marautaka: ni sa vakatovolea na yalo kece ko Jiova, ka kila kece na nanuma ni lomada: kevaka ko na vakasaqarai koya, ko na kunei koya; ia kevaka ko sa biuti koya, ena biuti iko ko koya ka tawa mudu.

2 Veigauna 6:30

mo ni qai rogoca mai lomalagi, na yasana ko ni sa tiko kina, ia mo ni bokoca, ka mo ni solia vua na tamata yadua me vaka na nonai valavala kecega, ni kemuni sa kila na lomana; (ni kemuni sa kila, koi kemuni duaduaga na lomadra kecega na luve ni tamata;)

Jope 8:6

Kevaka ko sa savasava ka dodonu; E sa na qai yadra dina sara mai e na vukumu ko koya, Ena vakasaututaka talega na nomu i tikotiko dodonu.

NA SAME 112:2

Ena kaukauwa e vuravura na nona kawa: Era na kalougata na nodra mataqali na yalododonu.

NA SAME 125:4

Mo ni caka vinaka, Jiova, vei ira era sa vinaka, Vei ira sa dodonu na yalodra.

NA SAME 3:3

Ia koi kemuni, Jiova, ko ni sa noqu i sasabai; Na noqu i ukuuku, kei koya sa tabea cake na uluqu.

NA SAME 84:11

Ia na Kalou ko Jiova na mata-ni-siga kei nai sasabai: Ena solia ko Jiova na loloma kei na vakarokoroko: Ena sega ni bureitaka e dua na ka vinaka vei ira era sa lako vakadodonu.

NA SAME 89:18

Ni sa nei Jiova na nodai sasabai; Ka sa nei Koya na Yalosavasava ni Isireli na noda tui.

Vosavakaibalebale 11:20

Era ka vakasisila vei Jiova ko ira na yaloveve: Ia sa rekitaki ira sa dodonu na nodra i valavala.

Vosavakaibalebale 2:21

Ni ra na tiko ga e na vanua na yalododonu, Ka ra na tiko dei kina na yalodina.

Vosavakaibalebale 28:18

O koya sa lako vakadodonu ena bula: Ia ko koya sai valavala vakaveve ena bale vakasauri.

Jeremaia 11:20

Ia koi kemuni, Jiova ni lewe vuqa, ka lewa vakadodonu, ka vakatovolea nai ivi kei na loma ni tamata, me'u sa raica mada na nomuni cudruvi ira: ni'u sa tukuni au vei kemuni.

Jeremaia 17:10

Koi au ko Jiova ka'u sa dikeva na loma ni tamata, ka'u sa vakatovolea na kenai ivi, me'u solia ki na tamata yadua me vaka na nonai valavala, me vaka na vua ni nona cakacaka.