NA SAME 5:6 - Vakavakadewa Makawa

⁶ Kemuni na vakarusai ira era sa vosa lasu: Na tamata vakadave dra kei na dauveivakaisini ena cata sara ko Jiova.

Ai Vola Tabu (Vakadewa Makawa Vakavoutaki 2021)

⁶ Kemuni na vakarusai ira era sa vosa lasu; na tamata e vakadave-dra kei na dauveivakaisini ena cata sara ko Jiova.

AI VOLA TABU

⁶ O na vakarusai ira era sa vosa lasu: na tamata tauvi dra kei na dauveivakaisini ena cata sara ko Jiova.

Vakavakadewa Vou kei na iVola tale eso

⁶ O ni sa cati ira na tamata lasulasu kecega me tu e matamuni Ka i vakarau kaukauwa ka lawaki ca.

Ai Vola Tabu Ena Vakavakadewa Vou

⁶ O ni sa cati ira na tamata lasulasu kecega me tu e matamuni Ka i vakarau kaukauwa ka lawaki ca.

NA SAME 5:6 Iomraidhean Croise

Vakatekivu 34:14

a ra sa kaya vei rau, E dredre ni keitou cakava na ka oqo, ka me musuka na gane i keitou ki na tamata sa sega ni cilivi; ni sa rogo ca vei keitou.

2 Samuela 16:8

Sa sauma vei iko ko Jiova na dra kecega ni mataqali i Saula, o koya ko sa kenai sosomi; a sa solia ko Jiova na matanitu ki na liga i Apisalomi na luvemu: ka raica, ko sa vauci e na nomu ca, ni ko sa tamata dauveivakamatei ko iko.

2 Samuela 20:1

A sa tiko maikea e dua na tamata ca, na yacana ko Sipa, na luve i Pikiri, e na mataqali i Penijamini: a sa uvuca ko koya e dua na davui, ka kaya, Sa sega na noda tikina kei Tevita, ka sega na nodai votavota vua na luve i Jese: oi kemudou na Isireli, ni lesu na tamata yadua ki na nona vale laca.

NA SAME 11:5

Sa vakatovolea na tamata yalododonu ko Jiova: Ia na tamata lomaca kei koya sa vinakata nai valavala kaukauwa, sa cati koya na yalona.

NA SAME 4:2

Koi kemudou na luve ni tamata, e bogi vica vata dou na vukica na noqu i ukuuku me ka ni veivakamaduataki? E bogi vica vata dou na lomana tiko na ka walega, ka dauvakasaqara na lasulasu? Sela.

NA SAME 43:1

Kemuni na noqu Kalou, mo ni lewai au mai, mo ni ia na veilewai e na vukuqu kei ira na matanitu sa sega ni loloma: Ni vakabulai au mai na tamata daulasu ka tawa dodonu.

NA SAME 55:23

Ia koi kemuni na Kalou, ko ni na biuti ira sobu ki nai keli ni rusa: O ira na tamata dauveivakamatei ka dauveivakaisini, era na sega ni bula me yacova na veimama ni nodra gauna; Ia koi au, ka'u na vakararavi vei kemuni.

Aisea 26:21

Ia dou raica, sa lako mai ko Jiova mai na nona yasana me cudruvi ira na kai vuravura e na vuku ni nodra i valavala ca; ia ko vuravura ena vakaraitaka na kena dra, ka sega ni ubi ira tiko na nona moku mate.

Roma 1:29

me ra sinai e na ka kecega e ca, e na yaloca, e na daukocokoco, e na dauveivakacacani; me ra sinai e na vuvu, e na laba, e na veileti, e na dauveivakaisini, e na yalocudrucudru; me ra dauvakasolokakana,

Vakatakila 21:8

Ia ko ira na daurere, kei ira e vakatitiqa, kei ira era vakasisila, kei ira na daulaba, kei ira na dauyalewa, kei ira era kila ka-vakatevoro, kei ira sa dausoro ki na veimatakau, kei ira na daulasu kecega, sa votai vei ira na nodra i votavota e na drano sa caudre kina na buka kei na sulifure: ia oqo nai karua ni mate.

Vakatakila 22:15

Sa tu e taudaku ko ira na koli, kei ira era sa daukitaka na ka vakatevoro, kei ira na dauyalewa, kei ira na daulaba, kei ira era sa daumasu ki na veimatakau, kei ira kece era sa vinakata na lasu ka kitaka tiko.