NA SAME 5:10 - Vakavakadewa Makawa

¹⁰ Na Kalou, mo ni vakacalai ira; Me vu ni nodra bale na nodra bose; Vakasevi ira e na vuku ni nodra i valavala ca e vuqa; Ni ra sa dautalaidredre vei kemuni.

Ai Vola Tabu (Vakadewa Makawa Vakavoutaki 2021)

¹⁰ Na Kalou, mo ni vakacalai ira; me vu ni nodra bale na nodra bose; vakasevi ira e na vuku ni nodra i valavala ca e vuqa, ni ra sa dautalaidredre vei kemuni.

AI VOLA TABU

¹⁰ Na Kalou, mo vakacalai ira; me ra bale ga e na nodra bose; vakasevi ira e na vuku ni nodrai valavala ca e vuqa; ni ra sa dautalaidredre vei iko.

Vakavakadewa Vou kei na iVola tale eso

¹⁰ Ni vakarusai ira ka totogitaki ira na Kalou; Ni vakadaroya na nodra i naki ca e vuqa. Ni viritaki ira tani mai na matamuni Baleta na nodra i valavala ca e vuqa Kei na nodra veisaqasaqa kei kemuni.

Ai Vola Tabu Ena Vakavakadewa Vou

¹⁰ Ni vakarusai ira ka totogitaki ira na Kalou; Ni vakadaroya na nodra i naki ca e vuqa. Ni viritaki ira tani mai na matamuni Baleta na nodra i valavala ca e vuqa Kei na nodra veisaqasaqa kei kemuni.

NA SAME 5:10 Iomraidhean Croise

2 Samuela 15:31

A sa tukuni vei Tevita, ka vaka, Ko Eitofeli, sa tiko vata kei ira era buki vere vata kei Apisalomi. A sa kaya ko Tevita, I Jiova, mo vakalialia mada na ka sa bosea ko Eitofeli.

2 Samuela 17:14

A sa kaya ko Apisalomi kei ira kecega na Isireli, Sa vinaka na ka sa vakavulica ko Usai na Ariki, ka ca na ka sa vakavulica ko Eitofeli. Ni sa lewa ko Jiova me vakawaletaka nai vakavuvuli vinaka i Eitofeli, ka me vakayacora ko Jiova na ka ca vei Apisalomi.

2 Samuela 17:23

Ia ko Eitofeli, ni sa raica sa sega ni vakabau na ka sa tukuna ko koya, sa vauca nai vodovodo ki na nona asa, ka sa ia, ka lako yani ki na nona vale, ki na nona koro, ka tataunaka na nona ka kece, ka qai kukunataki koya; a sa mate, ka sa bulu e nai bulubulu nei tamana.

2 Veigauna 25:16

Ia ni sa veivosaki tiko kaya, sa kaya vua, O sa lesi beka mo dua vei ira na lewe ni nona bose na tui? kua so; e na vuku ni cava ko via moku? A sa kua so na parofita, ka sa kaya, Au sa kila ni sa nakita na Kalou me vakarusai kemuni, ni kemuni sa kitaka na ka oqo, ka sega ni vakarorogo ki na noqu vosa.

Esiteri 7:10

A ra sa vakalilici Emani e na kau sa cakava ko koya me lili kina ko Moatekai. Sa qai malumu na cudru ni tui.

NA SAME 10:15

Musuka na tabana na tamata lomaca kai valavala ca: Mo ni vakasaqara na nona ca me sa sega tale ni kune rawa.

NA SAME 107:11

Ni ra sa talaidredre ki na vosa ni Kalou, Ka ra beca nai vakavuvuli Koya na Cecere sara:

NA SAME 17:13

I Jiova, ni tu cake, Taumadaki koya, ka vakabalei koya sobu: Ni vakabula na yaloqu mai na tamata ca, e na nomuni seleiwau;

NA SAME 31:18

Me vagalui na tebenigusu daulasu; Era sa vosalevutaka na tamata yalododonu E na viavialevu kei na veivakalialiai.

NA SAME 35:26

Me ra madua ka kidroa vata era sa rekitaka na noqu vakacacani; Me ra vakaisulu e na veivakamaduataki kei na veivakarogocataki ko ira era sa vakalevulevui ira vei au.

NA SAME 55:15

Me kidaci ira na mate, Me ra lako bulabula sobu ki nai bulubulu: Ni sa tiko e nodra i tikotiko, kei na lomadra talega, nai valavala ca.

NA SAME 66:7

Sa lewa ko koya e na nona kaukauwa ka sega ni mudu; Sa raica tiko na veimatanitu na matana: Me ra kakua ni vakalevulevui ira na yalovakatani. Sela.

NA SAME 71:13

Me ra vakamaduataki ka vakarusai ko ira era sa meca ni yaloqu; Me ra vakarogocataki vakalevu ka me ra sega ni dokai ko ira sa segata na ka me'u ca kina.

NA SAME 79:12

Ia mo ni sauma vakavitu vei ira na tiko voleka vei keimami, E na vuku ni nodra vosa ca, era sa vosacataki kemuni kina, na Turaga.

Aisea 1:2

Dou rogoca, na lomalagi, ka vakatu daliga, na vuravura, ni sa kaya mai ko Jiova, Ka'u a susuga ka vakalevulevui ira na luvequ, ia ko ira, era sa vuki tani vei au.

Aisea 1:20

Ia kevaka dou sa bese ka sa talaidredre, ena kani kemudou nai seleiwau: ni sa tukuna oqo na gusu i Jiova.

Aisea 63:10

ia ko ira, era talaidredre ga, ka vakararawataka na nona Yalo Tabu; ka sa vuki kina ko koya me nodra meca; ka sa veivala kei ira ko koya.

Lele i Jeremaia 1:5

Ko ira sa vakacacani koya era sa liu; ko ira na nona meca era sa tiko vinaka; Ni sa vakararawataki koya ko Jiova e na vuku ni nona cala sa vuqa: Ko ira na nona gone lalai, era sa kauta tani vakabobula ko ira na meca.

Taniela 9:5

keimami sai valavala ca, ka sa cala, ka sa caka ca, ka sa talaidredre, ni keimami sa vuki tani mai na nomuni vunau kei na nomuni lewa;

Taniela 9:9

Sa nei koya na Turaga na neimami Kalou na yalololoma kei na dauvakabokoci ni valavala ca ia sa dina keimami sa talaidredre ga vua;

Osea 9:7

Sa yaco mai na siga ni veicudruvi, sa yaco mai na siga ni veisausaumi; era na kila ko ira na Isireli: sa sesewa na parofita, sa kudru na tamata sa curumi, e na vuku ni levu ni nomudou caka cala, kei na veicati levu.

1 Korinica 3:19

Ni sa ka sesewa vua na Kalou na vuku ni vuravura oqo. Ni sa volai, Sa rawai ira na vuku ko koya e na nodra i lawaki.

Vakarua 2:30

A sa bese ni laivi keda ko Sioni na tui Esiponi me da lako e nona loma ni vanua: ni sa vakayalokaukauwataki koya ko Jiova na nomuni Kalou, ka vaqaqataka na lomana, me soli koya kina ki na ligamuni, me vaka edaidai.

1 Samuela 25:29

Ia ka sa tu cake ga e dua na tamata me muri kemuni, ka qarai kemuni mo ni mate: ia ena vauci ga na yalomuni na noqu turaga e nai vau bula kei Jiova na nomuni Kalou; ia na yalodra na nomuni meca, ena rabotaki ira ko koya me vaka mai loma ni rabo.

1 Samuela 25:39

Ia ni sa rogoca ko Tevita sa mate ko Nepali, sa kaya, Me vakavinavinakataki ko Jiova, o koya sa cudrutaka na vosa ca vei au, ka ia ko Nepali, a sa tarova na nona tamata mai na ka ca: ka ni sa vakalesuya ko Jiova nai valavala ca i Nepali ki na uluna. A sa talaki ko Tevita me vosa vei Apikali, ka me kau mai ko koya me watina.