NA SAME 48:1 - Vakavakadewa Makawa

¹ Sa levu ko Jiova, ka me vakavinavinakataki vakalevu E na koro ni noda Kalou, na nona ulu-ni-vanua tabu.

Ai Vola Tabu (Vakadewa Makawa Vakavoutaki 2021)

¹ Sa levu ko Jiova, ka me vakavinavinakataki vakalevu e na koro ni noda Kalou, na nona ulunivanua tabu.

AI VOLA TABU

¹ SA levu ko Jiova, me vakavinavinakataki vakalevu e na koro ni noda Kalou, na nona ulu-ni-vanua tabu.

Vakavakadewa Vou kei na iVola tale eso

¹ Sa Cecere ga o Jiova ka dodonu me vakacaucautaki vakalevu Ena koro ni nodra Kalou, ena nona ulunivanua tabu.

Ai Vola Tabu Ena Vakavakadewa Vou

¹ Sa Cecere ga ko Jiova ka dodonu me vakacaucautaki vakalevu Ena koro ni nodra Kalou, ena nona ulunivanua tabu.

NA SAME 48:1 Iomraidhean Croise

Niemaia 9:5

Sa qai kaya ko ira na Livai, ko Jesua, kei Katimieli, ko Pani, ko Esapinaia, ko Serepaia, ko Otaia, ko Sipanaia, ko Pecaaia: Ni tu cake; ni vakavinavinaka vei Jiova na nomuni Kalou ka tawa mudu: ia me vakavinavinakataki na yacamuni vakaiukuuku, sa uasivi cake a sa uasivi sobu na vosa ni veivakarokorokotaki kei na vakavinavinaka kecega.

NA SAME 145:3

Sa levu ko Jiova, a sa dodonu me vakavinavinakataki vakalevu; Ia sa sega ni kilai rawa na kena levu.

NA SAME 147:5

Sa levu na noda Turaga, ka levu na nona kaukauwa: Ka sa sega ni kilai rawa na nona vuku.

NA SAME 2:6

Ia koi au ga, ka'u sa buli koya na noqu tui E na noqu ulu-ni-vanua tabu ko Saioni.

NA SAME 30:1

Au na vakavinavinaka vei kemuni, Jiova, ni kemuni sa vakatoroi au ki cake; Ka sa sega ni laivi ira na noqu meca me ra marau e na vukuqu.

NA SAME 42:1

Me vaka sa tagica na wai drodro na me kila, Sa vakakina na yaloqu ni sa tagici kemuni na Kalou.

NA SAME 46:1

A nodai drodro kei na noda kaukauwa na Kalou, Sa voleka sara me vukei keda ni da sa rarawa.

NA SAME 46:4

Sa dua na uciwai, na kena soniwai sa vakamarautaka na koro ni Kalou, Na tikina tabu e nai tikotiko i Koya sa Cecere sara.

NA SAME 47:8

Sa lewai ira na veimatanitu na Kalou: Sa tiko na Kalou e na nonai tikotiko tabu.

NA SAME 65:1

Sa waraki kemuni tiko, na Kalou, na vakavinavinaka mai Saioni: Ena vakayacori talega na ka ka'u sa bubului kina vei kemuni.

NA SAME 78:68

Sa digitaka ga na mataqali i Juta, Na ulu-ni-vanua ko Saioni, sa daulomana ko koya.

NA SAME 86:10

Ni sai kemuni ka levu, ka sa cakava na ka e veivakurabuitaki: Sai kemuni duaduaga na Kalou.

NA SAME 87:1

A nona yavu sa tu mai na ulu-ni-vanua tabu.

NA SAME 87:3

Sa dautukuni voli na nomuni lagilagi, O iko na koro ni Kalou. Sela.

NA SAME 96:4

Ni sa levu ko Jiova, ka sa dodonu me vakavinavinakataki vakalevu: Me rerevaki vakalevu talega ka vakalailai na kalou kecega.

NA SAME 99:9

Dou vakalevulevui Jiova na noda Kalou, Ka cuva mai na nona ulu-ni-vanua tabu; Ni sa yalosavasava ko Jiova na noda Kalou.

Aisea 27:13

Ia ena yaco e na siga ko ya, ena uvu na davui levu, ka ra na lako mai na vanua ko Asiria ko ira era voleka ni rusa, kei ira era tiko se mai na vanua ko Ijipita, a ra na mai cuva vei Jiova e na ulu-ni-vanua tabu mai Jerusalemi.

Jeremaia 31:23

Sa kaya vakaoqo ko Jiova ni lewe vuqa, na nodra Kalou na Isireli; Era na cavuta tale na vosa oqo e na vanua ko Juta kei na kena veikoro, ni'u na kauti ira tale mai era a vakabobulataki; Mo vakalougatataki iko ko Jiova, nai tikotiko ni lewa dodonu, na ulu-ni-vanua tabu.

Opetaia 1:17

Ia e na ulu-ni-vanua ko Saioni ena tiko na kena vo era dro bula, ena yalosavasava talega; ia na mataqali i Jekope ena taukena na nodra vanua.

Maika 4:1

Ia ena yaco e na gauna maimuri, ena vakataudeitaki na ulu-ni-vanua ni vale i Jiova me sivia na veiulu-ni-vanua, ena vueti me cecere ka lolovira na veiulu-ni-koro; a ra na drodro kina na veimataqali.

Sakaraia 8:3

Sa kaya vakaoqo ko Jiova; Au sa qai lesu mai ki Saioni, ia ka'u na tiko ga e na loma i Jerusalemi: ena vakatokai talega ko Jerusalemi, me koro daudina; kei na ulu-ni-vanua i Jiova ni lewe vuqa, me ulu-ni-vanua tabu.

Maciu 24:15

Ia ni dou sa raica sa tu e na vale tabu na ka vakasisila sa dauveivakarusai, o koya sa vosa kina ko Taniela na parofita, (me kila mada ko koya sa wilika:)

Iperiu 12:22

ia dou sa lako mai ki na ulu-ni-vanua ko Saioni ga, kei na koro ni Kalou bula, ki Jerusalemi vakalomalagi, kei na nodra i soqosoqo na agilose e sega ni wili rawa,

Vakatakila 19:5

A sa dua na vosa sa lako mai nai tikotiko-vakaturaga, sa kaya, Vakavinavinaka ki na noda Kalou, oi kemudou kecega na nona tamata, kei kemudou sa rerevaki koya, se dou tamata lalai se dou turaga.

Vakatakila 21:2

Ia koi au ko Joni, au a raica na koro tabu, ko Jerusalemi vou, sa lako sobu mai vua na Kalou mai lomalagi, a sa ukucavu me vaka na goneyalewa sa ukucavu me lako vua na watina.