NA SAME 47:5 - Vakavakadewa Makawa

⁵ Sa lako cake na Kalou kei na kaikaila, Ko Jiova kei na rorogo ni davui.

Ai Vola Tabu (Vakadewa Makawa Vakavoutaki 2021)

⁵ Sa lako cake na Kalou kei na kaikaila, ko Jiova kei na rorogo ni davui.

AI VOLA TABU

⁵ Sa lako cake na Kalou kei na qoqolou, o Jiova kei na rorogo ni davui.

Vakavakadewa Vou kei na iVola tale eso

⁵ Sa lako cake na Kalou ki na nona i dabedabe vakatui. Sa rogo na kaila ni marau kei na domo ni davui Ni sa lako cake o Jiova.

Ai Vola Tabu Ena Vakavakadewa Vou

⁵ Sa lako cake na Kalou ki na nona i dabedabe vakatui. Sa rogo na kaila ni marau kei na domo ni davui Ni sa lako cake ko Jiova.

NA SAME 47:5 Iomraidhean Croise

NA SAME 68:33

Vei koya sa vodo tu e na dela ni lomalagi e cake sara, io na lomalagi ka tu mailiu; Raica, sa tabalaka na domona, io, na domona kaukauwa.

1 Cesalonaika 4:16

Ni na lako sobu mai lomalagi ko koya na Turaga e na kaila, kei na domo ni agilose turaga, kei na davui ni Kalou: ena qai tu cake taumada ko ira na mate era sa tu vata kei Karisito:

1 Korinica 15:52

ena vakasauri sara, ena vaka na sauriva ni matada, ni sa uvu na davui sa muri sara: ena uvuci na davui, ena qai vakaturi cake tale ko ira na mate me sega ni vuca tale, ia koi keda eda na vakamataliataki talega.

NA SAME 150:3

Dou vakavinavinaka vua e na domo ni davui: Dou vakavinavinaka vua e na soliteri kei na api.

NA SAME 78:65

Sa qai yadra mai na Turaga me vaka e dua mai na moce, Ka vaka na tamata qaqa ni sa kaila e na vuku ni waini.

2 Samuela 6:15

A sa kauta cake na kato i Jiova ko Tevita, kei na mataqali kece i Isireli, e na kaila kei na uvu davui.

Josua 6:5

Ia ni ratou sa uvuca vakadede na davui vakajupeli, ka kemuni sa rogoca na domo ni davui, era na qai kailavaka na kaila levu na tamata kecega, ia ena qai vale sara na bai ni koro, ka ra na lako cake na tamata yadua e na tikina sa dui donui koya.

Tiko mai na Lekutu 23:21

Sa sega ni raica ko koya na cala vei ira na Jekope, Ia sa sega ni raica ko koya na yalovakatani vei ira na Isireli: Sa tiko kaya ko Jiova na nodra Kalou, Ia sa dua na tui sa kailavaki e na kedra maliwa.

Vakatakila 11:15

SA qai uvu davui nai kavitu ni agilose; a sa muri eso na vosa sa domo levu mai lomalagi, sa kaya, Na matanitu kei vuravura oqo sa qai yaco me nona na noda Turaga, a nei koya na nona Karisito; ia ena lewa ko koya ka sega ni mudu.

1 Timoci 3:16

Ia na ka oqo sa sega ni veiletitaki ni sa ka levu na ka ni Kalou ka vuni tu eliu: Sa rairai vakatamata na Kalou, sa vakadinadina vei koya na Yalo Tabu, sa raici koya na agilose eso, sa vunautaki ko koya vei ira na veimatanitu, sa vakabauti koya eso na kai vuravura, sa kau cake ki na vanua vakaiukuuku.

NA SAME 98:6

E na davui kei na domo ni koneti, Dou ia na sere e na mata i Jiova, na Tui.

NA SAME 81:3

Uvuca na davui e na vula vou, E na gauna sa loku, e na siga ni noda solevu.

1 Veigauna 16:42

a sa tu vata kei rau, ko Imani kei Jitucuni, e na davui kei na sibali me rogo levu, ka so tale na ka sa yaga ni ra sa qiriqiri ka sere vua na Kalou. Ka sai vakatawa ni katuba ko iratou na luve i Jitucuni.

1 Veigauna 15:28

A ra sa kauta mai na kato ni veiyalayalati i Jiova ko ira kece na Isireli e na kaikaila, kei na domo ni koneti kei na davui, kei na sibali kei na soliteri, kei na api.

1 Veigauna 15:24

Ia ko Sipanaia, kei Jiosafati, kei Nicaneli, kei Amasai, kei Sakaraia, kei Pinaia, kei Eliesa, ko iratou na bete, eratou sa uvu davui e na mata ni kato ni Kalou: ka sai vakatawa ni katuba ni kato ko Opeti-itomi kei Jiaia.

Isikeli 20:6

e na siga ka'u a dulaka cake kina na ligaqu vei ira, me'u kauti ira tani mai na vanua ko Ijipita ki na dua na vanua ka'u a vakaraica me nodra, sa dave kina na wai-ni-sucu kei na oni, na vanua ka uasivi cake e na veivanua kecega:

Emosi 8:7

Sa bubului ko Jiova, a sa cavuti koya na lagilagi i Jekope, Au na sega sara ni guilecava e dua na nodra cakacaka ka sega ni mudu.

Malakai 2:3

Raica, au na vakacacana nai tei vei kemudou, ka'u na kaburaka talega na de-ni-manumanu ki na matamudou, io, na de-ni-manumanu ni nomudou i soro tabu; dou na kau tani vata kaya talega.