NA SAME 41:9 - Vakavakadewa Makawa

⁹ Io, ko koya sa noqu i tau vakaidina, au vakararavi vua, o koya sa kania na noqu madrai, Sa laqeti au e na bukubuku ni yavana.

Ai Vola Tabu (Vakadewa Makawa Vakavoutaki 2021)

⁹ Ko koya mada ga na noqu i tokani voleka ka'u dauvakararavi vua, o koya sa kania na kequ madrai, sa laqeti au e na bukubuku ni yavana.

AI VOLA TABU

⁹ Io, ko koya sa noqui tau vakaidina, au vakararavi vua, o koya sa kania na qau, sa vakalaqetaki au e nai bukubuku ni yavana.

Vakavakadewa Vou kei na iVola tale eso

⁹ O koya mada ga na noqu i tokani vinaka, o koya au dau vakadinata ka vota vata na kequ, Sa saqati au tale.

Ai Vola Tabu Ena Vakavakadewa Vou

⁹ O koya mada ga na noqu i tokani vinaka, o koya au dau vakadinata ka vota vata na kequ, Sa saqati au tale.

NA SAME 41:9 Iomraidhean Croise

2 Samuela 15:12

A sa talatala ko Apisalomi, me lako mai na nona koro mai Kilo, ko Eitofeli na kai Kilo, na tamata erau daubose kei Tevita, ka ni sa vakacabora tiko nai soro ko koya. A sa ka tani sara na vere; ni ra sa lewe levu cake tikoga na tamata era sa vuki vei Apisalomi.

Jope 19:13

Sa vakaveiyawakitaki ira na wekaqu vei au, Ka ra sa qai lomavakatani vei au ko ira nai kai noqu.

Jope 19:19

Sa vakasisilataki au ko ira kece na tamata keitou a bose vata: Ia ko ira ka'u a lomana era sa vuki rubu vei au.

NA SAME 101:3

Au na sega ni viritura e mataqu e dua na ka ca: Au sa cata na nodra i valavala era sa gole vakatani; Ena sega ni kabiti au.

Jeremaia 20:10

Ni'u sa rogoca na nodra vosa ca na lewe vuqa, sa vakavolivoliti au na rere. Era kaya, Dou tukuna mai, ia keitou na qai tukuna. Ko ira kece na wekaqu era sa yadrava na noqu bale, ka kaya, Ena vecei beka ko koya, keimami na qai rawai koya, ka vakayacora na neimami cudru vua.

Opetaia 1:7

Era sa kauti iko ko ira kece na nomu i to ki nai yalayala ni vanua: era vakaisini iko, ka rawai iko, ko ira na wekamu; ko ira era kana vata kei iko era cakava nai cori e rukumu; sa sega vua na vuku.

Maika 7:5

Kakua ni dou vakadinata e dua nai tokani, kakua ni vakararavi vua na wekamu dina: mo qarauna ga nai sogo ni gusumu mai vua sa koto e na lomaseremu.

Maciu 26:23

A sa vosa ko koya, ka kaya, O koya keirau sa tokoca vata kaya na ligana e na bilo, sai koya ena soli au yani:

Joni 13:18

Au sa sega ni vosataki kemudou kecega: au sa kilai ira kau sa digitaka; ia me vakayacori kina nai Vola Tabu, O koya keirau sa kana madrai vata kaya, sa leqeti au e nai bukubuku-ni-yavana.

Vakarua 32:15

Ia sa levulevu mai ko Jesuruni, ka caqe: O ni sa levulevu mai, ko ni sa yagolevu, ko ni sa tabonaki e na uro; Era sa qai biuta na Kalou ka buli ira, Ka ra beci koya na Uluvatu era sa bula kina.