NA SAME 18:2 - Vakavakadewa Makawa

² A noqu uluvatu ko Jiova, kei na noqu i drodro, kei na noqu i vakabula; A noqu Kalou, o koya na noqu kaukauwa, ka'u na vakararavi vua; A noqu i sasabai, kei na noqu kaukauwa ka'u sa vakabulai kina, kei na noqu vale ni valu cecere.

Ai Vola Tabu (Vakadewa Makawa Vakavoutaki 2021)

² A noqu uluvatu ko Jiova, kei na noqu i drodro, kei na noqu i vakabula, a noqu Kalou, o koya na noqu kaukauwa, ka'u na vakararavi vua, a noqu i sasabai, kei na noqu kaukauwa ka'u sa vakabulai kina, kei na noqu vale ni valu cecere.

AI VOLA TABU

² A noqu Uluvatu ko Jiova, kei na noqui drodro, kei na noqui vakabula; a noqu Kalou, o koya na noqu kaukauwa, kaʼu na vakararavi vua; a noqui sasabai, kei na ka kaukauwa kaʼu sa vakabulai kina, kei na noqu tikina cecere.

Vakavakadewa Vou kei na iVola tale eso

² Sa noqu i vakabula na Kalou, Ka sai koya na noqu bainivalu kaukauwa. Sa noqu dauveitaqomaki na Kalou; Ka'u sa maroroi vinaka mai vua. Sa taqomaki au me vaka e dua na i sasabai; Sa maroroi au ka taqomaki au vinaka.

Ai Vola Tabu Ena Vakavakadewa Vou

² Sa noqu i vakabula na Kalou, Ka sai koya na noqu bainivalu kaukauwa. Sa noqu dauniveitaqomaki na Kalou; Ka'u sa maroroi vinaka mai vua. Sa taqomaki au me vaka e dua na i sasabai; Sa maroroi au ka taqomaki au vinaka.

NA SAME 18:2 Iomraidhean Croise

2 Samuela 22:3

Na Kalou, o koya sa noqu kaukauwa; au na vakararavi vua; A noqu i sasabai, kei na ka kaukauwa ka'u sa vakabulai kina, a noqu vale ni valu cecere, kei na noqu i drodro; A noqu i vakabula; ni sa vakabulai au mai nai valavala kaukauwa.

NA SAME 116:1

Au sa lomani Jiova, ni sa rogoca ko koya Na domo ni noqu masu.

NA SAME 132:17

Au na cakava me kubu maikina nai leu i Tevita: Au sa vakarautaka na cina me nei koya ka'u sa lumuta.

NA SAME 144:2

O koya sa lomani au, ka sa noqu i drodro; Na noqu vale ni valu cecere, kei na noqu i vakabula; A noqu i sasabai, kei koya ka'u sa vakararavi kina; O koya sa vakamalumalumutaki ira na noqu tamata vei au.

NA SAME 19:14

Me vinaka vei kemuni na vosa ni gusuqu, kei na vakanananu ni yaloqu, I Jiova, na noqu uluvatu, kei na noqu i vakabula.

NA SAME 28:1

Au na tagi vei kemuni Jiova: Na noqu uluvatu, ni kakua ni galuvi au; De ko ni galu vei au, Ka'u na vakataki ira era sa lako sobu ki nai bulubulu.

NA SAME 59:11

Mo ni kakua ni vakamatei ira, de ra guilecava ko ira na noqu tamata: Mo ni vakasevi ira e nomuni kaukauwa; ka vakamalumalumutaki ira sobu; Kemuni na Turaga na neimami sasabai.

NA SAME 62:2

O koya ga na noqu uluvatu kei na noqu i vakabula; Na noqu vale cecere ko koya; ka'u na sega ni yavalati vakalevu.

NA SAME 62:7

Sa vu mai vua na Kalou na noqu bula kei na noqu vakarokoroko: Na noqu uluvatu kaukauwa, kei na noqu i drodro na Kalou.

NA SAME 75:10

Au na tamusuka laivi talega na nodra i leu nai valavala ca: Ia ena vakaceceretaki ga na nodra i leu na yalododonu.

NA SAME 91:2

Au na kaya e na vuku i Jiova, O koya ga na noqu i drodro kei na noqu bai ni valu: Na noqu Kalou; au na vakararavi vua.

NA SAME 91:4

Ena vakarurugi iko e na lawena, Ia ko na vakararavi ki na ruku ni tabana: Ena nomu i sasabai kei na nomu i vakaruru na nona yalodina.

Lako Yani 15:2

Sa noqu kaukauwa ko Jiova ko koya ka'u sa seretaka, A sa noqu vu-ni-bula ko koya: Sa noqu Kalou ko koya, ka'u na vakavinavinaka vua; Na Kalou nei tamaqu, ka'u na vakalevulevui koya.

Vosavakaibalebale 18:10

Na yaca i Jiova sa vale-cecere kaukauwa: Sa dro kina na yalododonu, ka sa bula.

Vosavakaibalebale 2:7

Sa binia na vuku dina me nodra na yalododonu: Ai sasabai ko koya vei ira era sa lako vakadodonu;

Aisea 32:2

Ia ena dua na tamata ena vaka nai vunivuni mai na cagi, kei nai vakaruru mai na cava; ena vaka na uciwai e na vanua dravuisiga, ka vaka na yaloyalo ni vatu levu e na vanua dauveivakaocataki.

Jeremaia 16:19

Kemuni Jiova, na noqu kaukauwa, kei na noqu koro ni valu, kei na noqu i vakaruru e na siga ni rarawa, era na lako mai kivei kemuni ko ira na veimatanitu mai na veiyalayala kei vuravura, ka ra na kaya, E dina, era sa taukena ko ira na neimami qase na ka lasu, kei na ka wale, kei na ka sa sega ni yaga.

Iperiu 2:13

Sa kaya tale, Au na vakararavi vei koya. Sa kaya talega, Raici au, kei ira na gone sa solia mai vei au na Kalou.