NA SAME 143:8 - Vakavakadewa Makawa

⁸ Mo ni vakarogoya mai kivei au na nomuni loloma e na mataka; Ni'u sa vakararavi vei kemuni; Mo ni vakatakila vei au na sala me'u lako kina; Ni'u sa laveta cake na yaloqu vei kemuni.

Ai Vola Tabu (Vakadewa Makawa Vakavoutaki 2021)

⁸ Mo ni vakarogoya mai kivei au na nomuni loloma e na mataka, ni'u sa vakararavi vei kemuni. Mo ni vakatakila vei au na sala me'u lako kina, ni'u sa laveta cake na yaloqu vei kemuni.

AI VOLA TABU

⁸ Mo vakarogotaka mai vei au na nomu loloma e na sabogibogi; niʼu sa vakararavi vei iko: vakatakila vei au na sala meʼu lako kina; niʼu sa laveta cake na yaloqu vei iko.

Vakavakadewa Vou kei na iVola tale eso

⁸ Au sa vakanuinui vei kemuni, Ni vakadeitaka vei au ena veimataka lailai ena nomuni loloma tudei. Sa lako cake yani vei kemuni na noqu masu; Ni qai vakaraitaka vei au na sala me'u muria.

Ai Vola Tabu Ena Vakavakadewa Vou

⁸ Au sa vakanuinui vei kemuni, Ni vakadeitaka vei au ena veimataka lailai ena nomuni loloma tudei. Sa lako cake yani vei kemuni na noqu masu; Ni qai vakaraitaka vei au na sala me'u muria.

NA SAME 143:8 Iomraidhean Croise

NA SAME 119:34

Mo ni vakavukui au kina, ka'u na qai cakava na nomuni vunau; Io, ka'u na vakabauta e na lomaqu taucoko.

NA SAME 119:73

Sa cakavi au na ligamuni, ka buli au: Mo ni vakavukui au me'u vulica na nomuni vunau.

NA SAME 143:10

Ni vakavulici au me'u cakava na nomuni lewa; ni sai kemuni na noqu Kalou: Sa yalololoma na Yalomuni; me tuberi au ko koya e na vanua dodonu.

NA SAME 25:20

Mo ni maroroya na yaloqu, ka vakabulai au; Me'u kakua kina ni madua; ni'u sa vakararavi vei kemuni.

NA SAME 27:11

Ni vakavulici au, Jiova, e na nomuni sala, Ka tuberi au e na sala dodonu, E na vukudra na noqu meca.

NA SAME 30:5

Na nona cudru sa ka lekaleka sara; E na nona loloma sa tu kina na bula: Sa ia na tagi e na bogi Ia sa yaco e na mataka na marau.

NA SAME 32:8

Au na vakavulici iko ka vakatakila vei iko na sala mo lako kina: Ka'u na rai tiko vei iko ka tuberi iko.

NA SAME 42:8

Ia ena lewa ga ko Jiova na nona yalololoma me yaco mai kei na siga, Ia e na bogi ena tu ga vei au na nona sere, Kei na noqu masu vua na Kalou ni noqu bula.

NA SAME 46:5

Sa tiko e na kena loma-ni-koro na Kalou; ena sega ni vakayavalati: Ena sou na Kalou e na mataka me vukei koya.

NA SAME 5:8

I Jiova, ni tuberi au e na nomuni yalododonu e na vukudra na noqu meca; Ni vakadodonutaka e mataqu na nomuni sala.

NA SAME 59:16

Ia koi au, ka'u na seretaka na nomuni kaukauwa; Io, ka'u na seretaka vakadomoilevu na nomuni loloma kei na mataka: Ni kemuni sa noqu vale ni valu cecere Kei na noqu i drodro e na siga ka'u sa rarawa kina.

NA SAME 86:4

Mo ni vakamarautaka na yalona na nomuni tamata: Ni'u sa vagolea cake vei kemuni na Turaga, na yaloqu.

NA SAME 90:14

Mo ni vakamamautaki keimami e na mataka e na nomuni loloma; Me keimami reki kina ka marau e na neimami siga kecega.

Aisea 30:21

Ia ni dou gole tani vaka ki nai matau se ki nai mawi, dou na qai rogoca e dua na vosa mai dakumudou ka vaka, oqo na sala, dou mai lako tu ga kina.

Aisea 48:17

Sa kaya vakaoqo ko Jiova, na nomu i Vakabula, ko Koya na Yalosavasava ni Isireli; Koi au ko Jiova na nomu Kalou ka'u sa vakavulici iko mo vinaka kina, ka'u sa tuberi iko e na sala mo lakova.

Lele i Jeremaia 3:41

Me da masu cake e na lomada ni da dodoka na ligada vua na Kalou ni lomalagi.

Osea 6:3

Eda na qai kila, kevaka eda na gumatua me kilai Jiova: sa vakarau tu na nona lako mai me vaka na mataka; io, ena lako mai vei keda me vaka na uca, me vaka sa tau na uca, io, na uca taumuri sa vakasuasuataka na vuravura.

Dauveilewai 13:12

A sa kaya ko Manoa, Me yaco ga na nomu vosa: ia me na vakaevei na neirau i valavala vua na gone, ka cava na ka me caka vua?

1 Samuela 23:12

A sa kaya ko Tevita, Era na soli au yani, kei ira na noqu tamata, ki na liga i Saula, ko ira na kai Kiila, se segai? A sa kaya ko Jiova, Era na soli kemudou yani.