NA SAME 143:3 - Vakavakadewa Makawa

³ Ni sa vakacacana na yaloqu na meca; Sa buturaka sobu na noqu bula ki na soso; Sa lewai au me'u tiko e na vanua butobuto, me vakataki ira era sa mate makawa.

Ai Vola Tabu (Vakadewa Makawa Vakavoutaki 2021)

³ Ni sa vakacacana na yaloqu na meca; sa buturaka sobu na noqu bula ki na soso; sa lewai au me'u tiko e na vanua butobuto, me vakataki ira era sa mate makawa.

AI VOLA TABU

³ Ni sa vakacacana na yaloqu na meca; sa yavita ki na soso na noqu bula; sa cakavi au meʼu tiko e na vanua butobuto, me vakataki ira era sa mate makawa.

Vakavakadewa Vou kei na iVola tale eso

³ Sa vakararawataki au na kequ meca Ka vakadrukai au sara vakadua. Sa biuti au o koya ena vale ni veivesu butobuto, Ka'u sa vakataki ira era sa mate makawa sara.

Ai Vola Tabu Ena Vakavakadewa Vou

³ Sa vakararawataki au na kequ meca Ka vakadrukai au sara vakadua. Sa biuti au o koya ena vale ni veivesu butobuto, Ka'u sa vakataki ira era sa mate makawa sara.

NA SAME 143:3 Iomraidhean Croise

2 Samuela 18:11

A sa kaya ko Joapi vua na tamata ka tukuna vua, Oi, ko a kunea, ka cava ko a sega kina ni mokuti koya maikea ki na qele? ka'u a qai solia vei iko e tini na siliva, ka dua nai vau ni tolo.

2 Samuela 2:22

A sa kaya tale vei Asaeli ko Apineri, Mo lako tani mo kakua ni muri au: a cava me'u mokuti iko kina ki na qele? au na qai ta cake vakaevei vua na tuakamu ko Joapi?

NA SAME 142:6

Mo ni vakarogoca na noqu tagi; ni'u sa vakamalumalumutaki sara: Vakabulai au maivei ira era sa vakacacani au; ni ra sa gumatua vei au.

NA SAME 35:4

Me ra vakidroataki ka vakamaduataki era sa saga na yaloqu; Me ra vakasukai ki muri ka vakataqayataki era bosea na ka me'u ca kina.

NA SAME 54:3

Ni ra sa tu mai me noqu meca na kai tani, A ra sa segata me'u mate ko ira era dauvakacaca; Era sa sega ni raici koya na Kalou ni tu e matadra. Sela.

NA SAME 7:5

Me qai vakasava na yaloqu na meca, ka vauca; Io, me buturaka na noqu bula ki na soso, Ka viritaka na noqu totoka ki na kuvu-ni-soso. Sela.

NA SAME 7:6

I Jiova, ni tu cake e na nomuni cudru, Vakalevui kemuni cake e na vuku ni nodra cudru na noqu meca; Mo ni yadra e na vukuqu me yaco na lewa ko ni a vosa kina.

Lele i Jeremaia 3:6

Sa vakatikori au ko koya e na veitikina butobuto, me'u vakataki ira sa mate makawa.

Isikeli 37:11

Sa qai kaya vei au ko koya, Ko iko na luve ni tamata, na suidra oqo sai koya na mataqali kecega i Isireli: raica, era sa kaya, Sa mamaca na suida, ka sa yali na ka eda a nuinui kina: eda sa drutimudulaki koi keda.

Maika 7:8

Kakua ni ko reki, ko iko na noqu meca, ni'u sa ca: ke'u sa bale, ka'u na tu cake tale; ke'u sa tiko e na butobuto, ena noqu rarama ko Jiova.