NA SAME 127:3 - Vakavakadewa Makawa

³ Raica, na gone era sa nonai solisoli na Kalou: Kei na vua ni kete sa kenai sau ni ka vinaka.

Ai Vola Tabu (Vakadewa Makawa Vakavoutaki 2021)

³ Raica, na gone era sa nona i solisoli na Kalou, kei na vua ni kete sa kenai sau ni ka vinaka.

AI VOLA TABU

³ Raica, na gone era sa nonai solisoli na Kalou kei na vua ni kete nai sau ni ka vinaka.

Vakavakadewa Vou kei na iVola tale eso

³ Era sai solisoli mai vua na Kalou na gone, Era sa ka ni veivakalougatataki dina.

Ai Vola Tabu Ena Vakavakadewa Vou

³ Era sai solisoli mai vua na Kalou na gone, Era sa ka ni veivakalougatataki dina.

NA SAME 127:3 Iomraidhean Croise

Vakatekivu 1:28

A sa vosavakalougatataki rau na Kalou, a sa kaya vei rau na Kalou, Drau vakaluveni, ka tubu me lewe vuqa, ka vakatawai vuravura, ka vakamalumalumutaka; ka lewa na ika ni waitui, kei na manumanu vuka, kei na ka bula kecega sa qasi voli e dela i vuravura.

Vakatekivu 24:60

A ratou sa vosavakalougatataki Repeka, ka kaya vua, Ko iko sa wekai i keitou, me ra oba vakaudolu na nomu kawa, ia me ra rawa na matamata-ni-koro ni nodra meca ko ira na nomu kawa.

Vakatekivu 33:5

A sa ta cake, ka kunei iratou na yalewa kei na gone; a sa kaya, Ko cei ko ira oqo era tiko kei iko? A sa kaya, Na gone sa solia e na loloma na Kalou vua na nomuni tamata.

Vakatekivu 4:1

A rau sa veiyacovi ko Atama kei Ivi na watina; a sa kunekune ko koya, a sa vakasucumi Keni, a sa kaya, Au sa rawata e dua na tagane maivei Jiova.

Vakatekivu 48:4

a sa kaya vei au, Raica, au na vakatubura na nomu kawa, ka vakalewevuqataki iko, ka vakatuburi iko mo matanitu e vuqa; ka'u na solia talega na vanua oqo vei ira na nomu kawa, me ra taukena ka tawa mudu.

2 Samuela 3:5

kei na kenai kaono, ko Iciriami, o koya sa sucu vei Ekila na wati i Tevita. O iratou oqo, na luve i Tevita, ka ra sa sucu mai Epironi.

1 Veigauna 28:5

Ia vei ira kece na luvequ, (ni ra sa lewe vuqa na gonetagane sa solia vei au ko Jiova,) sa digitaki Solomoni na luvequ me tiko e nai tikotiko vakaturaga ni matanitu i Jiova, me lewai ira na Isireli.

1 Veigauna 8:40

Ia ko iratou na tagane na luve i Ulami eratou tamata kaukauwa ka qaqa, era dauvanavana, a sa le vuqa na luvedra tagane, kei na mokubudra tagane, era le dua na drau ka limasagavulu. Sa vakatuburi ira kecega oqo ko ira na luve i Penijamini era tagane.

Jope 1:2

Sa sucu e le vitu na luvena tagane ka le tolu na luvena yalewa.

Aisea 13:18

A nodra dakai titi ena vakabalei ira na cauravou ki na vatu; na vua ni kete era na sega ni lomana; ena sega ni loloma na matadra vei ira na gone.

Aisea 8:18

Raica, koi au kei ira na gone sa solia mai vei au ko Jiova, keitou sa solia mei vakatakilakila kei na ka e veivakurabuitaki vei ira na Isireli maivei Jiova ni lewe vuqa, ko koya sa tiko mai na ulu-ni-vanua ko Saioni.

Vakarua 28:11

Ia ena vakalevutaka na nomuni yau ko Jiova, e na vua ni ketemuni, kei na vua ni nomuni manumanu e yavai va, kei na vuata ni nomuni vanua, e na vanua sa bubului kina ko Jiova vei ira na nomuni qase me solia vei kemuni.

Vakarua 28:4

Ena kalougata na vua ni ketemuni, kei na vuata ni nomuni vanua, kei na vua ni nomuni manumanu e yavai va, na luve ni nomuni pulumokau, kei na nomuni qele ni sipi.

Dauveilewai 12:9

A sa le tolusagavulu na luvena tagane, ka sa le tolusagavulu na luvena yalewa, o ira sa tala tani ko koya; a sa kauta mai e le tolusagavulu na goneyalewa me watidra na luvena tagane. A sa lewai ira na Isireli ko koya ka yabaki vitu.

1 Samuela 1:27

au a kerea na gone oqo; a sa solia mai vei au ko Jiova na ka ka'u a kerea vua: