NA SAME 113:3 - Vakavakadewa Makawa

³ Mai na gauna ka cadra kina na mata-ni-siga ka yacova na gauna ka dromu kina Me vakavinavinakataki na yaca i Jiova.

Ai Vola Tabu (Vakadewa Makawa Vakavoutaki 2021)

³ Mai na i cadracadra ni mata-ni-siga ka yacova na kena i dromudromu, me vakavinavinakataki na yaca i Jiova!

AI VOLA TABU

³ Mai nai cadracadra ni siga ka yacova nai dromudromu ni siga me vakavinavinakataki na yaca i Jiova.

Vakavakadewa Vou kei na iVola tale eso

³ Mai na tokalau me yaco ki na ra Me vakacerecerei na yaca i Jiova!

Ai Vola Tabu Ena Vakavakadewa Vou

³ Mai na tokalau me yaco ki na ra Me vakacerecerei na yaca i Jiova!

NA SAME 113:3 Iomraidhean Croise

NA SAME 18:3

Au na masu vei Jiova, o koya sa dodonu me vakacaucautaki: Ka'u na vakabulai kina maivei ira na noqu meca.

NA SAME 48:10

Me vaka na yacamuni, na Kalou, Sa vakakina na vakavinavinaka me ia vei kemuni ka yacova nai yalayala kei vuravura: Sa sinai na ligamuni matau e na cakacaka dodonu.

NA SAME 50:1

O koya sa Kaukauwa, na Kalou, io, ko Jiova, sa vosa oti, A sa kacivi vuravura mai na yasana sa cadra kina na mata-ni-siga ka yacova na yasana sa dromu kina.

NA SAME 72:11

Ia ko ira kecega na tui, era na cuva vua: Era na qaravi koya na veimatanitu kecega.

NA SAME 86:9

Na veimatanitu kecega ko ni a cakava era na lako mai ka soro vei kemuni na Turaga; Ka ra na vakarokorokotaka na yacamuni.

Aisea 24:16

Mai nai yalayala kei vuravura eda sa rogoca na sere, io na vakavinavinaka vua na yalododonu. Ia ka'u a kaya, Ulei koi au, ulei koi au, au sa ca! era butako na daubutako; io, era butako vakalevu ko ira na daubutako.

Aisea 49:13

Dou ia na sere, na lomalagi; mo marau, na vuravura; dou lagata vata mai na sere, na veiulu-ni-vanua: ni sa vakacegui ira na nona tamata ko Jiova, ena lomani ira na nona era sa rarawa.

Aisea 59:19

Ko ira mai ra era na rerevaka na yaca i Jiova, kei ira mai nai cadracadra ni mata-ni-siga na nonai ukuuku: ni sa lako vakawaluvu mai na meca, ena vakaduria na Yalo i Jiova na kuila me tarovi koya.

Apakuki 2:14

Ni na roboti vuravura na kena kilai na lagilagi i Jiova, me vaka sa ubia na wasa titobu na wai.

Malakai 1:11

Io, mai nai cadracadra ni mata-ni-siga ka yacova na kenai dromudromu ena vakalevulevui na yacaqu vei ira na lewe ni veivanua; ia e na veiyasana kecega ena vakacabori ki na yacaqu nai madrali boi vinaka, io, nai madrali savasava: ni na vakalevulevui na yacaqu vei ira na lewe ni veivanua, sa kaya ko Jiova ni lewe vuqa.

Vakatakila 11:15

SA qai uvu davui nai kavitu ni agilose; a sa muri eso na vosa sa domo levu mai lomalagi, sa kaya, Na matanitu kei vuravura oqo sa qai yaco me nona na noda Turaga, a nei koya na nona Karisito; ia ena lewa ko koya ka sega ni mudu.