NA SAME 11:4 - Vakavakadewa Makawa

⁴ Sa tiko e na nona vale tabu ko Jiova, Ai tikotiko vakaturaga nei Jiova sa tu mai lomalagi, Sa vakaraica tiko na matana, Sa vakatovolei ira na luve ni tamata na dakudaku ni matana.

Ai Vola Tabu (Vakadewa Makawa Vakavoutaki 2021)

⁴ Sa tiko ko Jiova e na nona vale tabu; ai tikotiko vakaturaga nei Jiova sa tiko mai lomalagi. Sa vakaraica tiko na matana, sa vakatovolei ira na tamata na dakudaku ni matana.

AI VOLA TABU

⁴ Sa tiko e na nona vale tabu ko Jiova, ai tikotiko vakaturaga nei Jiova sa tu mai lomalagi, sa vakaraica tiko na matana, sa vakatovolei ira na luve ni tamata na daku-daku ni matana.

Vakavakadewa Vou kei na iVola tale eso

⁴ Sa tiko o Jiova, Ena nona i tikotiko vakatui mai lomalagi. Sa wanonovi ira tiko mai na tamata kecega, Ka sa kila vinaka na veika era cakava.

Ai Vola Tabu Ena Vakavakadewa Vou

⁴ Sa tiko ko Jiova, Ena nona i tikotiko vakatui mai lomalagi. Sa wanonovi ira tiko mai na tamata kecega, Ka sa kila vinaka na veika era cakava.

NA SAME 11:4 Iomraidhean Croise

1 Veigauna 17:5

ni sa sega e dua na vale ka'u sa tiko kina mai na siga ka'u a kauti ira cake kina na Isireli, ka yacova na siga oqo; ia ka'u a lako voli mai na vale laca e dua ki na vale laca e dua, kei na veivale tani:

2 Veigauna 16:9

Ni sa veiraiyaki na mata i Jiova e vuravura taucoko, me totaki ira vakaidina sa dodonu na lomadra vua. O ni sai valavala vakalialia e na ka oqo: ia e na gauna emuri ena ia vei kemuni nai valu.

Jope 24:23

Sa soli vua me tiko vakacegu, a ra sa vakararavi kina; Ia sa vakaraica na nodra sala na matana.

NA SAME 103:19

Sa vakataudeitaka ko Jiova na nonai tikotiko vakaturaga mai lomalagi; Ka sa lewa na ka kecega na nona matanitu.

NA SAME 113:5

O cei sa tautauvata kei Jiova na noda Kalou, O koya sa tiko maicake,

NA SAME 139:23

Mo ni dikevi au, na Kalou, mo ni kila na lomaqu: Mo ni vakatovolei au, ka kila na nanuma ni lomaqu:

NA SAME 14:2

Sa rai sobu mai lomalagi ko Jiova kivei ira na tamata, Me raica se dua sa kila, Se vakasaqara na Kalou.

NA SAME 18:6

E na noqu rarawa ka'u sa masu vei Jiova, Ka tagi vua na noqu Kalou: Sa rogoca na domoqu ko koya mai na nona vale tabu, Ka sa yaco sara vua na noqu tagi, io, ki na daligana.

NA SAME 2:4

Ko koya sa tiko mai lomalagi ena dredre: Ena vakalialiai ira na Turaga:

NA SAME 33:13

Sa rai sobu mai lomalagi ko Jiova; Sa raici ira kecega na luve ni tamata.

NA SAME 44:21

Ena sega beka ni qaqa oqo na Kalou? Ni sa kila ko koya na ka ni yalo sa vuni tu.

NA SAME 66:7

Sa lewa ko koya e na nona kaukauwa ka sega ni mudu; Sa raica tiko na veimatanitu na matana: Me ra kakua ni vakalevulevui ira na yalovakatani. Sela.

NA SAME 9:11

Dou sere vei Jiova, vei koya sa tiko mai Saioni: Tukuna vei ira na tamata na nona cakacaka.

Vosavakaibalebale 15:3

Sa tiko ga na mata i Jiova e na veiyasana kecega, Ka sa vakaraici ira tiko na ca kei ira na vinaka.

Aisea 66:1

Sa kaya vakaoqo ko Jiova, Sa noqu i tikotiko vakaturaga, ko lomalagi, ia ko vuravura, sai tutu-ni-yavaqu: a vale cava dou na tara me noqu? se tikina cava me noqu i vakavakacegu?

Jeremaia 17:10

Koi au ko Jiova ka'u sa dikeva na loma ni tamata, ka'u sa vakatovolea na kenai ivi, me'u solia ki na tamata yadua me vaka na nonai valavala, me vaka na vua ni nona cakacaka.

Jeremaia 23:24

Me vunitaki koya rawa beka e dua e na yasana vuni, me'u kakua ni raici koya? sa kaya ko Jiova. Au sa sega li ni roboti lomalagi kei vuravura? sa kaya ko Jiova.

Maika 1:2

Oi kemudou na veimataqali kecega dou rogoca; ka mo vakarorogo, na vuravura, kei na ka kecega sa tu kina: ia me vakadinadina ki na nomudou ca na Turaga ko Jiova, io na Turaga, mai na nona vale tabu.

Apakuki 2:20

Ia ko Jiova sa tiko e na nona vale tabu: me vakadirorogo e matana ko vuravura kecega.

Sakaraia 2:13

Dou tiko lo na tamata kecega e na mata i Jiova: ni sa tu cake ko koya mai na nonai tikotiko tabu.

Maciu 23:21

ia ko koya sa bubului ki na vale ni soro, sa bubului kina, vei koya talega sa tiko kina:

Maciu 5:34

ia koi au, kau sa kaya vei kemudou, Dou kakua sara ni bubului: kakua, ki lomalagi; ni sai tikotiko vakaturaga ni Kalou:

Cakacaka 7:49

A noqui tikotiko-vakaturaga ko lomalagi, Kei nai tutu-ni-yavaqu ko vuravura: A vale cava dou na tara me noqu? sa taroga ko Jiova: Se na tikina cava me na noqui vakavakacegu?

2 Cesalonaika 2:4

o koya sa dauvorata, a sa vakalevui koya me uasivi cake e na ka kecega sa vakatokai me kalou, se dauqaravi; a sa tiko kina ko koya e na vale ni Kalou, a sa vakaraitaki koya me kalou.

Iperiu 4:13

A sa sega talega e dua na ka e sega ni rairai e matana: ia sa luvawale ga na ka kecega, ka vakarairaitaki sara, e na mata i koya eda na vakatusai keda vua.

Vakatakila 4:2

Sa qai curumi au vakasauri na Yalo Tabu: ka raica, sa caka nai tikotiko-vakaturaga mai lomalagi, a sa dua sa tiko kina.