A sa tagi ko Esa vei Jiova na nona Kalou, ka kaya, Kemuni Jiova, sa ka rawarawa vei kemuni me veivuke kei ira na lewe vuqa, se me veivuke kei ira sa sega vei ira na kaukauwa: mo ni vukei keimami, kemuni Jiova na neimami Kalou; ni keimami sa vakararavi vei kemuni, ka sa mai vala e na yacamuni ga kei ira na lewe vuqa oqo. I Jiova, ko ni sa neimami Kalou; me kakua ni gumatua na tamata vei kemuni.
Era a sega li ni lewe vuqa sara ko ira na kai Iciopea kei na kai Lipea, ka levu sara na qiqi-ni-valu kei na tamata era vodo ose? ia ni kemuni a vakararavi vei Jiova, sa soli ira ko koya ki na ligamuni.
Au a qai kaya, Me dro li na tamata e vakataki au? ia ko cei beka, ni sa vakataki au tiko, me via curu ki na vale ni soro me vakabulai koya? Au na sega ni curu kina.
A sa tala yani ko Saula eso na tamata ki na vale i Tevita, me vakatawai koya, ka me ratou vakamatei koya e na mataka: ia sa tukuna vei Tevita ko Maikali na watina, ka kaya, Kevaka ko sa sega ni vakabulai iko e na bogi edaidai, ko na qai vakamatei e na mataka.
A sa kaci vua na gonetagane ko Jonacani, Mo kusarawa, mo vakatotolo, kakua ni wawa. A sa kumuna vata na gasau na gonetagane i Jonacani, ka lako mai vua na nona turaga.
A sa lako tani maikea ko Tevita ki Misipe mai Moapi: a sa kaya vua na tui Moapi ko koya, Me rau lako mada mai na tamaqu kei tinaqu, me rau tiko kei kemudou, me'u kila mada se cava na ka ena cakava vei au na Kalou.
A sa tiko mai veikau ko Tevita e na veitikina kaukauwa, a sa tiko e na ulu-ni-vanua e na veikau mai Sifi. A sa qarai koya e na veisiga kecega ko Saula, ia na Kalou sa sega ni soli koya ki na ligana.
A sa kaya e lomana ko Tevita, Au na mate ga e na dua na siga e na liga i Saula; sa sega na ka e vinaka cake vei au, ka me'u dro ga ki na nodra vanua na kai Filisitia; ena qai sega tale ni via qarai au ko Saula e na dua na nodra yasana na Isireli: au na qai bula mai na ligana.