NA SAME 102:2 - Vakavakadewa Makawa

² Kakua ni vunia vei au na matamuni e na siga ka'u sa rarawa kina; Mo ni vakatu daligamuni mai vei au. E na siga ka'u sa tagi kina mo ni rogoci au vakasauri kina.

Ai Vola Tabu (Vakadewa Makawa Vakavoutaki 2021)

² Kakua ni vunia vei au na matamuni e na siga ka'u sa rarawa kina. Mo ni vakatu daligamuni mai vei au; e na siga ka'u sa tagi kina mo ni rogoci au vakasauri kina.

AI VOLA TABU

² Kakua ni vunia vei au na matamu e na siga kaʼu sa rarawa kina; mo vakatu daligamu mai vei au: e na siga kaʼu kaci kina mo rogoci au vakasauri kina.

Vakavakadewa Vou kei na iVola tale eso

² Ni kakua ni vunitaki kemuni vei au, Ena gauna au sa leqa tu kina! Ni rogoci au, Ka sauma mai vakatotolo na noqu masu, Ni'u masu yani vei kemuni.

Ai Vola Tabu Ena Vakavakadewa Vou

² Ni kakua ni vunitaki kemuni vei au, Ena gauna au sa leqa tu kina! Ni rogoci au, Ka sauma mai vakatotolo na noqu masu, ni'u masu yani vei kemuni.

NA SAME 102:2 Iomraidhean Croise

Jope 34:29

Ni sa solia na vakacegu ko koya, ko cei me qai ia na veivakararawataki? Ni sa vunia na matana ko koya, ko cei me qai raici koya? Se sa caka ki na vanua, se vua na tamata e dua bauga:

Jope 7:21

Ia ka cava ko ni sa sega kina ni bokoca na noqu caka cala, ka kauta tani na noqu i valavala ca? Ni'u na qai koto sobu e na kuvu-ni-soso; Ia kemuni na qarai au vagumatua, ia ka'u na yali ga.

NA SAME 104:29

O ni sa vunia na matamuni, era sa qai leqa: O ni sa kauta tani na nodra i cegu, era sa qai mate, Ka ra lesu tale me kuvu-ni-soso.

NA SAME 13:1

I Jiova, sa vakaevei na kena dede na nomuni guilecavi au? ena tawa mudu beka? Ena vakaevei na kena dede na nomuni vunia na matamuni vei au?

NA SAME 143:7

Mo ni rogoci au vakusarawa, Jiova: sa ciba na yaloqu: Mo ni kakua ni vunia vei au na matamuni, De'u na vakataki ira era sa lako sobu ki nai bulubulu.

NA SAME 17:1

I Jiova, mo ni rogoca na kena dodonu, ni vakarorogo ki na noqu tagi, Ni rogoca na noqu masu, sa sega ni lako mai na tebenigusu lasulasu.

NA SAME 22:19

Ia koi kemuni, Jiova, mo ni kakua ni yawa tani vei au: Na vu ni noqu kaukauwa, mo ni kusarawa me vukei au.

NA SAME 27:9

Ni kakua ni vunia na matamuni vei au; Kakua ni biuta tani na nomuni tamata e na nomuni cudru: Koi kemuni ga na noqu i vukevuke; Kakua ni vakatalai au tani, se laivi au, na Kalou na noqu i vakabula.

NA SAME 31:2

Ni vakalakala na daligamuni vei au; mo ni vakabulai au kusarawa: Mo ni noqu uluvatu kaukauwa, na noqu i drodro me'u vakabulai kina.

NA SAME 40:13

Mo ni yalovinaka, Jiova, mo ni vakabulai au: I Jiova, mo ni kusarawa mai mo ni vukei au.

NA SAME 69:17

Ia mo ni kakua ni vunia na matamuni vua na nomuni tamata: Ni'u sa vakararawataki: mo ni rogoci au kusarawa.

NA SAME 70:1

Mo ni kusarawa, na Kalou, mo ni vakabulai au; Mo ni kusarawa, Jiova, ni vukei au.

NA SAME 71:2

Mo ni vakabulai au e na nomuni yalododonu, ka me'u dro rawa: Mo ni vakatu daligamuni kivei au, ka vakabulai au.

Lako Yani 2:23

Ia ni sa oti e vuqa na yabaki, sa qai mate na tui Ijipita; a ra sa vutugu na Isireli e na vuku ni nodra veivakasaurarataki, a ra sa tagi; a sa lako cake vua na Kalou na nodra tagi, e na vuku ni nodra veivakasaurarataki.

Lako Yani 2:24

A sa rogoca na nodra vutugu na Kalou, a sa nanuma na Kalou na nona vosa ni yalayala vei Eparaama, vei Aisake, kei Jekope.

Aisea 43:2

Ni ko sa lako e loma ni wai, ka'u na tiko kei iko; kei na loma ni veiuciwai, ena sega ni luvuci iko: ni ko sa lako e loma ni bukawaqa, ena sega ni kani iko; ena sega talega ni kati iko na yameyame ni buka.

Aisea 65:24

Ia ena yaco ni sa bera na nodra masu vei au, ka'u na rogo yani; ni ra sa vosa tiko, ka'u na rogoci ira.

Aisea 8:17

Ia ka'u na waraki Jiova, ko koya sa tabonaka na matana mai na mataqali i Jekope, ka'u na waraki koya tiko.

1 Korinica 10:13

Sa sega na vere tani sa yaco vei kemudou, o koya ga sa vorata rawa na tamata: ia sa yalodina na Kalou o koya ena sega ni laivi kemudou mo dou dauveretaki vakalevu cake, me vaka ga na nomudou kaukauwa; ka na cakava talega kei na vere na sala mo dou dro kina, mo dou vosota rawa.