NA SAME 101:3 - Vakavakadewa Makawa

³ Au na sega ni viritura e mataqu e dua na ka ca: Au sa cata na nodra i valavala era sa gole vakatani; Ena sega ni kabiti au.

Ai Vola Tabu (Vakadewa Makawa Vakavoutaki 2021)

³ Au na sega ni viritura e mataqu e dua na ka ca; au sa cata na nodra i valavala era sa gole vakatani; ena sega ni kabiti au.

AI VOLA TABU

³ Au na sega ni viritu e mataqu e dua na ka ca: au sa cata na nodrai valavala era sa vuki; ena sega ni kabiti au.

Vakavakadewa Vou kei na iVola tale eso

³ Au na sega sara ni cakava e dua na ka ca. Au sa cata na nodra i valavala era sa gole tani mai vua na Kalou, Ka'u na sega ni via vakaitavi vata kei ira ena dua na ka.

Ai Vola Tabu Ena Vakavakadewa Vou

³ Au na sega sara ni cakava e dua na ka ca. Au sa cata na nodra i valavala era sa gole tani mai vua na Kalou, Ka'u na sega ni via vakaitavi vata kei ira ena dua na ka.

NA SAME 101:3 Iomraidhean Croise

Jope 31:1

Au sa ia oti na veiyalayalati kei na mataqu; Me'u qai via nanuma vakacava e dua na goneyalewa?

NA SAME 119:113

Au sa cati ira era sa lomaloma rua: Ia ka'u sa lomana na nomuni vunau.

NA SAME 119:37

Mo ni tarova na mataqu me'u kakua ni raica na ka lasu; Mo ni vagumatuataki au e na nomuni sala.

NA SAME 125:5

Ia ko ira era sa vuki tani ki na nodra i valavala tatakelokelo, Ena kauti ira vata kei ira na daucaka cala ko Jiova: Ia me yaco ga na vakacegu vei ira na Isireli!

NA SAME 139:22

Au sa cati ira vakaidina sara: Era sa noqu meca.

NA SAME 14:3

Era sa lesu tani vata kecega, era sa yaco me ra velavela: Sa sega e dua sa caka vinaka, sa sega sara e dua.

NA SAME 36:3

A vosa ni gusuna na veivakaisini kei na ka lasu: Sa mudu ga ni vuku ka me caka vinaka.

NA SAME 39:1

Au a kaya, Ka'u na vakaraica na noqu i valavala Me'u kakua ni cala e na yamequ: Ka'u na tarova na gusuqu e nai tarovi, Ni ra sa tu e mataqu na tamata caka ca.

NA SAME 40:4

Sa kalougata na tamata sa dauvakararavi vei Jiova, Ka sa gole tani maivei ira na yalolevu, maivei ira talega era lesu tani ki na daulasu.

NA SAME 41:9

Io, ko koya sa noqu i tau vakaidina, au vakararavi vua, o koya sa kania na noqu madrai, Sa laqeti au e na bukubuku ni yavana.

NA SAME 78:41

Io, era sa vuki tani ka vakatovolei koya vakaca na Kalou, Ka vakacudrui Koya na Yalosavasava ni Isireli.

NA SAME 78:57

Era sa vuki tani ga, ka cakacaka vakailasu me vaka na nodra qase: A ra sa vakatikitiki tani me vaka na dakai titi e daulasu.

NA SAME 97:10

Oi kemudou sa lomani Jiova, dou cata na ka ca: Sa maroroya ko koya na yalodra na nona tamata yalododonu; Sa vakabulai ira mai na liga ni tamata ca.

Lako Yani 20:17

Mo kakua ni kocova na nona vale na kai nomu; mo kakua ni domona na watina na kai nomu, se kocova nona tamata, se nona vada, se nona pulumokau, se nona asa, se dua na ka sa nona na kai nomu.

Lako Yani 32:8

era sa lako tani vakatotolo mai na sala ka'u a vakarota vei ira: era sa bulia e dua na nodra luve ni pulumokau sa vakawaicalataki, a ra sa qarava, ka vakacabora kina nai soro, ka kaya, I Isireli, oqo na nomu kalou, sa kauti kemudou cake mai na vanua ko Ijipita.

Vosavakaibalebale 6:12

A tamata wale io, na daucaka ca, Sai valavala tiko ko koya e na gusu takelo:

Vosavakaibalebale 6:13

Sa sauriva e na matana, sa vosa tiko e na yavana, Sa vakavuvuli e nai qaqalo ni ligana;

Vosavakaibalebale 6:25

Kakua ni domona e lomamu na nona matavinaka; Me kakua talega ni rawai iko ko koya e na dakudaku-ni-matana:

Vosavakaibalebale 8:13

Oqo na rerevaki Jiova me cata na ka ca: Na qaciqacia, kei na viavialevu, kei na sala ca, Kei na gusu vosaveve, ka'u sa cata.

Dauvunau 6:9

Sa vinaka ni sa rai na mata da ka ca ni sa lako sese na lomada: oqo talega na ka wale kei na ka ni oca ki na yalo.

Aisea 30:11

dou lako tani e na sala, vakatikitiki tani mai na salatu, me kua so ni tu e na mata i keimami ko Koya na Yalosavasava ni Isireli.

Aisea 33:15

Ko koya sa dodonu na nonai lakolako, ka sa vosataka na ka dodonu; ko koya sa beca nai yau sa kovei; ka sa bese na ligana ni taura nai tautauri ni vere, ka sa tabonaka na daligana mai nai rogorogo ni dra, ka sa vakabobo na matana me kakua ni raica na ca;

Jeremaia 22:17

Ia na matamu kei na lomamu sa goleva ga na nomu kocokoco, kei na vakadave dra sa sega ni cala, kei na veivakasaurarataki, kei nai valavala kaukauwa, mo cakava.

Maika 2:2

A ra kocova na veiwere, ka kovea; kei na veivale, ka taura: a ra sa vakacacana na tamata kei na nona mataqali, io, na tamata kei na ka e taukena.

Sakaraia 8:17

ia mo dou kakua ni dui nanuma ca e na lomamudou vua na kai nona; ka mo dou kakua ni vinakata na bubului vakailasu: ni ka'u sa cata na ka kecega oqo sa kaya ko Jiova.

Maciu 5:28

ia koi au, kau sa kaya vei kemudou, O koya yadua ena raica na yalewa me dodomo kina, sa dauyalewa oti kaya e lomana.

Roma 12:9

Me kakua ni vakailasu na loloma. Mo dou cata sara na ka ca; mo dou kabita sara na ka vinaka.

Kalatia 4:9

Ia edaidai, ni dou sa qai kila na Kalou, se dina ga ni sa qai kilai kemudou na Kalou, dou sa qai lesu tale vakacava ki na veivu ni ka, sa malumalumu ka ka wale, ka dou sa vinakata mo dou qarava tale?

Vakarua 13:17

Ia me kakua ni kabita na ligamuni e dua na ka sa lesi me vakarusai: me cegu kina ko Jiova mai na nona cudru waqawaqa, ka me caka vinaka vei kemuni, ka lomani kemuni, ka vakalewevuqataki kemuni, me vaka sa bubului kina vei ira na nomuni qase;

Vakarua 15:9

Mo ni qarauni kemuni de dua na nanuma ca e na yalomuni, ka vaka, Sa voleka mai nai kavitu ni yabaki, na yabaki ni veisereki; ka sa ca na matamuni vua na wekamuni dravudravua, ka ko ni sega ni cakacaka vakayalololoma vua; a sa tagi vei Jiova e na vukumuni ko koya, ka ko ni sa cala kina.

Iperiu 10:39

Ia koi keda, eda sega ni vakataki ira sa suka tale yani ki na rusa; eda sa vakataki ira ga era sa vakabauta tiko me bula na yalo.

Josua 23:6

Ia mo ni kaukauwa sara mo ni vakabauta ka kitaka na ka kecega sa volai e nai vola ni vunau i Mosese, mo ni kakua ni vuki tani maikina ki nai matau se ki nai mawi;

2 Pita 2:21

Ni sa vinaka cake vei ira me ra kakua ni kila nai valavala dodonu, ka ca me ra kila mada, ka qai lesu tani mai na vunau tabu sa soli vei ira.

1 Joni 2:19

Era a lako tani vei keda ko ira oqori, ia era a sega ga ni nodai tokani; ke ra sa nodai tokani, ke ra sa tiko ga kei keda: ia era sa lako tani me ra vakaraitaki ni ra a sega ni nodai tokani ko ira kecega ko ya.

1 Samuela 15:11

Au sa veivutuni ni ka'u sa buli Saula me tui; ni sa vuki tani ko koya me kakua ni muri au, ka sega ni vakayacora na noqu vosa. A sa rarawa ko Samuela; a sa tagi vei Jiova e na bogi taucoko.