NA SAME 100:2 - Vakavakadewa Makawa

² Dou qaravi Jiova e na marau; Dou toro mai vua ni dou sa sere tiko.

Ai Vola Tabu (Vakadewa Makawa Vakavoutaki 2021)

² Dou qaravi Jiova e na marau; dou toro mai vua ni dou sa sere tiko.

AI VOLA TABU

² Dou marau ni dou qaravi Jiova; dou toro mai ki na matana ni dou sa ia na meke.

Vakavakadewa Vou kei na iVola tale eso

² Ni qaravi Jiova ena yalo marau; Ka toro mai vua ni o ni laga sere tiko!

Ai Vola Tabu Ena Vakavakadewa Vou

² Ni qaravi Jiova ena yalo marau; Ka toro mai vua ni o ni laga sere tiko!

NA SAME 100:2 Iomraidhean Croise

1 Tui 8:66

E nai kawalu ni bogi sa talai ira yani na tamata ko koya: a ra sa vosavakalougatataki koya na tui, a ra sa lako ki na nodra veivale, ka sa reki ka marau na yalodra e na vuku ni ka vinaka kecega sa cakava ko Jiova vei Tevita na nonai talatala, kei ira talega na Isireli na nona tamata.

2 Veigauna 29:30

A sa vakarota ko Esekaia na tui kei ira na nona tamata turaga kivei ira na Livai, me ra seretaka na vakavinavinaka vei Jiova e na vosa i Tevita, kei Esafa na rairai. A ra sa seretaka na vakavinavinaka e na marau, ka ra sa vakacuva na uludra ka lotu.

2 Veigauna 31:2

A sa lesia ko Esekaia na nodra veivuke na matabete kei ira na Livai, me vaka na nodra dauveivuke, na tamata yadua ki na nonai tavi, ko ira na bete kei ira na Livai me ra vakacabora nai soro kama, kei nai soro ni veivinakati; me ra qarava tiko, ka me vakavinavinaka, me ia talega na sere e na matamata-ni-koro e na veivale i Jiova.

NA SAME 42:4

Ni'u sa nanuma na ka oqo, sa luvu na yaloqu e lomaqu: Ni'u a lako vata kei ira na le vuqa, au a lako vata kei ira ki na vale ni Kalou, E na domo ni reki kei na vakavinavinaka, kei ira na le vuqa era ia na so levu tabu.

NA SAME 71:23

Ena marau vakalevu na tebenigusuqu ni'u sa sere vei kemuni; Kei na yaloqu, o koya ko ni sa vakabula.

NA SAME 95:2

Tou lako mada vua ni da vakavinavinaka, Ka reki ni da mai ia vua na same.

Vakarua 12:12

ia kemuni na reki e na mata i Jiova na nomuni Kalou, koi kemuni, kei ira na luvemuni tagane, kei ira na luvemuni yalewa, kei ira na nomuni tamata, kei ira na nomuni vada; kei na Livai sa tiko e na nomuni lomanibai, ka ni sa sega na nona tikina se nonai votavota vata kei kemuni.

Vakarua 16:11

ia ko ni na reki e na mata i Jiova na nomuni Kalou, koi kemuni, kei na luvemuni tagane, kei na luvemuni yalewa, kei na nomuni tamata, kei na nomuni vada, kei na Livai sa tiko e nomuni lomanibai, kei na vulagi, kei ira sa sega na tamadra, kei na yada, era sa tiko kei kemuni, e na yasana sa digitaka ko Jiova na nomuni Kalou me vakatikora kina na yacana.

Vakarua 16:14

ia ko ni na reki e na nomuni so levu, koi kemuni, kei na luvemuni tagane, kei na luvemuni yalewa, kei na nomuni tamata, kei na nomuni vada, kei na Livai, kei na vulagi, kei ira sa sega na tamadra, kei na yada, era sa tiko e nomuni lomanibai.

Vakarua 28:47

Ni kemuni a sega ni qaravi Jiova na nomuni Kalou e na marau, kei na reki ni yalomuni, e na vuku ni sa levu tu na ka kecega;

Filipai 4:4

Dou reki tikoga vua na Turaga: au sa kaya tale, Dou reki.