NA SAME 10:8 - Vakavakadewa Makawa

⁸ Sa lawa koto e na veikoro lalai; E na yasana vuni sa labati ira era sa sega ni cala; Sa vakaraici ira lo na matana me vakacacana na malumalumu.

Ai Vola Tabu (Vakadewa Makawa Vakavoutaki 2021)

⁸ Sa wawa vakavuni koto e na veikoro lalai; e na yasana vuni sa labati ira era sa sega ni cala. Sa vakaraici ira lo na matana me vakacacana na malumalumu;

AI VOLA TABU

⁸ Sa tiko ga e na lawa e na veikoro lalai; e na yasana vuni sa labati ira era sa tawa cala; sa vakaraici ira lo na matana me ra ca na malumalumu.

Vakavakadewa Vou kei na iVola tale eso

⁸ Sa vunitaki koya voli ena veikoro, Sa wawa voli e kea me labati ira na tamata dodonu. A sa dau vakaraici ira lo voli na malumalumu me vakacacani ira;

Ai Vola Tabu Ena Vakavakadewa Vou

⁸ Sa vunitaki koya voli ena veikoro, Sa wawa voli e kea me labati ira na tamata dodonu. A sa dau vakaraici ira lo voli na malumalumu me vakacacani ira;

NA SAME 10:8 Iomraidhean Croise

2 Tui 21:16

A sa vakadavea talega ko Manasa na kedra dra na lewe vuqa sara era sega ni cala, ka me sinai mada kina ko Jerusalemi e na veiyasana kecega: ia oqo sa kenai kuri ni nonai valavala ca sa vakaivalavalacataki ira kina na Juta, ni ra cakava na ka ca e na mata i Jiova.

Jope 24:14

Sa yadra mai na daulaba ni sa kida na mataka, ka sa vakamatea na dravudravua kei na luveniyali: Ka sa vaka na daubutako e na bogi.

NA SAME 17:11

Era sa vakavolivoliti keitou e na neitou i lakolako: Ka sa wanono ki na qele na matadra.

NA SAME 94:6

Era sa vakamatea na yada kei na vulagi, Ka labati ira na gone e sega ni vakatamani.

Vosavakaibalebale 24:15

Ko iko, na tamata ca, kakua ni ko lawavaka na nonai tikotiko na yalododonu; Kakua ni vakacacana na nona lomanibai:

Jeremaia 22:17

Ia na matamu kei na lomamu sa goleva ga na nomu kocokoco, kei na vakadave dra sa sega ni cala, kei na veivakasaurarataki, kei nai valavala kaukauwa, mo cakava.

Apakuki 3:14

O ni a laubasikataki ira e na nona moto dina na ulu ni nona veikoro qali, Sa ra cici vakacovulaca mai me vakasevi au: Sa nodra ka ni reki me ra kani ira lo era vakararawataki.

Luke 10:1

Sa oti na veika oqo, sa qai lesia na Turaga e lewe vitusagavulu tani, ka talai ira me ra lako yayarua ka liu vua ki na veikoro kecega kei na veitikina sa via lako kina ko koya.

Luke 8:1

Sa oti, sa qai lako voli emuri ko koya e na veikoro kecega kei na veikoro lalai kecega, ka vunau, ka tukuna nai tukutuku-vinaka ni matanitu ni Kalou; kei ira vata kaya na lewe tinikarua,

Dauveilewai 9:25

Ia ko ira na kai Sikemi era sa lesia eso me kena lawa mai na dela ni veiulu-ni-vanua, a ra sa daukoveraka na ka vei ira kecega era lako yani e na sala ko ya: a sa tukuni vei Apimeleki.

1 Samuela 22:18

A sa kaya vei Toeki ko koya na tui, Mo ia mada ko iko, ka yaviti ira na bete. A sa ia ko Toeki na kai Itomi, ka yaviti ira na bete, ka vakamatea e na siga ko ya e le walusagavulu ka lima na tamata era sulumaka na efoti lineni:

1 Samuela 23:23

Ia dou rai voli mada, ka kila na tikina vuni kecega sa vunitaki koya kina, mo dou qai lesu tale mai vei au ni dou sa kila na kena dina, ia ka'u na lako vata kei kemudou: ia kevaka sa tiko e na vanua oqo, ka'u na qarai koya e na kedra maliwa na veiudolu kecega i Juta.