Malakai 4:2 - Vakavakadewa Makawa

² Ia ena cadra mai vei kemudou sa rerevaka na yacaqu na Mata-ni-Siga ni yalo dodonu, ia na veivakabulai ena kauta lako e na tabana; ka dou na lako yani ka tubu cake me vaka na luve ni pulumokau e na loma ni bai.

Ai Vola Tabu (Vakadewa Makawa Vakavoutaki 2021)

² Ia ena cadra mai vei kemudou sa rerevaka na yacaqu na Mata-ni-siga ni yalododonu, ka na kauta lako e na tabana na veivakabulai. Dou na lako yani ka lade cake me vaka na luve ni bulumakau e na loma ni bai.

AI VOLA TABU

² Ia ena cadra mai vei kemudou sa rerevaka na yacaqu na Siga ni yalododonu, ia na veivakabulai ena kauta lako e na tabana; a dou na lako yani ka tubu cake me vaka na luve ni karavau e na loma ni bai.

Vakavakadewa Vou kei na iVola tale eso

² Ia vei kemuni sa dau talairawarawa vei au, ena cadra mai vei kemuni na kaukauwa ni noqu veivakabulai me vaka na cadra ni matanisiga, ka na kauta mai na veivakabulai me vaka na rarama ni matanisiga. O ni na galala ka mamarau me vakataki ira na luve ni bulumakau sa vagalalataki mai na valenimanumanu ni sa dolavi na kena katuba.

Ai Vola Tabu Ena Vakavakadewa Vou

² Ia vei kemuni sa dau talairawarawa vei au, ena cadra mai vei kemuni na kaukauwa ni noqu veivakabulai me vaka na cadra ni matanisiga, ka na kauta mai na veivakabulai me vaka na rarama ni matanisiga. O ni na galala ka mamarau me vakataki ira na luve ni bulumakau sa vagalalataki mai na valenimanumanu ni sa dolavi na kena katuba.

Malakai 4:2 Iomraidhean Croise

2 Samuela 23:4

Ia me vaka na rarama e na mataka, ni sa cadra na mata-ni-siga, Na mataka sa sega kina na o; Ni sa tubu mai na qele na co, Ni sa cila vinaka na mata ni siga ni sa oti na uca.

NA SAME 103:3

O koya sa bokoca na nomu i valavala ca kecega, O koya sa vakabulai iko mai na kemu mate kecega;

NA SAME 147:3

Sa vakabulai ira sa ramusu na yalodra, Ka sa vauca na nodra vue.

NA SAME 61:5

Ni kemuni sa rogoca oti, na Kalou, na noqu bubului: Ko ni sa solia vei au na nodra i votavota era rerevaki kemuni.

NA SAME 67:1

Me yalololoma mai vei keimami, na Kalou, ka vakalougatataki keimami; Ka me cilavi keimami na matana. Sela.

NA SAME 84:11

Ia na Kalou ko Jiova na mata-ni-siga kei nai sasabai: Ena solia ko Jiova na loloma kei na vakarokoroko: Ena sega ni bureitaka e dua na ka vinaka vei ira era sa lako vakadodonu.

NA SAME 85:9

E dina sa voleka na nona vakabulai ira era sa rerevaki koya; Me lagilagi tiko kina na noda vanua.

Vosavakaibalebale 4:18

Ia na nodra sala na yalododonu sa vaka na rarama sa cila tu, Sa levu cake tiko na kena rarama ka yacova na siga levu.

Aisea 30:26

Ia na rarama ni vula ena qai tautauvata kei na rarama ni mata-ni-siga, kei na rarama ni mata-ni-siga ena qai vakavitu, me tautauvata kei na rarama ni siga e vitu, e na gauna sa vauca kina ko Jiova na nodra mavoa na nona tamata, ka vakabula na we ni kedra kuita.

Aisea 35:6

Ena qai ladelade na lokiloki me vaka na me kila, ka sere na yamedra na galu: ni na vure cake mai na wai e na lekutu kei na uciwai e na vanua dravuisiga.

Aisea 49:6

Ia sa kaya ko koya, Sa ka lailai mo noqu i talatala mo vueta cake na veimataqali i Jekope, ka vakalesui ira mai na Isireli era maroroi tiko: Ka'u sa soli iko talega mo nodra rarama na veimatanitu, mo yaco talega mo vu ni bula e na vukuqu ki nai yalayala kei vuravura.

Aisea 50:10

Ko cei vei kemudou sa rerevaki Jiova, ka sa vakarorogo ki na vosa ni nonai talatala, ka sa lako e na butobuto, ka sa sega vua na rarama? me vakararavi ko koya ki na yaca i Jiova, ka ravita na nona Kalou.

Aisea 53:5

sa vakamavoataki ko koya e na vuku ni noda talaidredre, ka sa qaqi e na vuku ni noda caka cala: sa tau vua na cudruvi sa vu ni noda veivinakati tale; ia e na we ni kena kuita eda sa vakabulai kina.

Aisea 9:2

Ko ira na tamata ka lako e na butobuto, era sa raica na rarama levu; sa cadra cake na rarama vei ira era sa tiko e na vanua ni yaloyalo ni mate.

Jeremaia 17:14

Mo ni tara na noqu mavoa, kemuni Jiova, ena qai mavo; ni vakabulai au, ka'u na qai bula: ni sai kemuni ka'u sa vakacaucautaka.

Jeremaia 30:17

Ni'u na vakamavotaka na nomu mavoa ia ka'u na vakabulai iko, sa kaya ko Jiova; io, ka ni ra cavuti iko mo luveniyali, Oqo ko Saioni, ka sega e dua e lakova.

Jeremaia 33:6

Raica, au na vakamavotaki ira na nomu mate, ia ka'u na vakabulai ira, ka vakayacora vei ira na sautu levu kei na dina.

Isikeli 47:12

Ia e na bati ni uciwai ruarua ena tubu kece kina na kau sa laukana na vuana, ena sega ni malai na drauna, se oti rawa na vuana: ena vuavuai tikoga e na veivula, ni sa dave na kena wai mai na tikina tabu: ia ena sa daulaukana na vuana, ia na drauna sa na wainimate.

Osea 6:1

Me da mai lesu vei Jiova: ni sa ia na veidresulaki, ka sa na vakabulai keda talega ko koya; sa ia oti na veiyaviti, ia ena vauca talega ko koya na noda mavoa.

Osea 6:3

Eda na qai kila, kevaka eda na gumatua me kilai Jiova: sa vakarau tu na nona lako mai me vaka na mataka; io, ena lako mai vei keda me vaka na uca, me vaka sa tau na uca, io, na uca taumuri sa vakasuasuataka na vuravura.

Malakai 3:16

Sa ra qai dauveivosaki vakataki ira ko ira era sa rerevaki Jiova: a sa vakarorogo ko Jiova, ka rogoca, a sa volai e dua nai vola ni veivakananumi e matana e na vukudra era rerevaki Jiova, ka vakananuma na yacana.

Maciu 11:5

Era sa rai na mataboko, ka lako na lokiloki; sa vakasavasavataki na vukavuka, ka rogo rawa na didivara; sa vakaturi cake tale na mate sara, a sa vunautaki nai tukutuku-vinaka vei ira na dravudravua.

Maciu 23:37

Isa! Jerusalemi, Isa! Jerusalemi, ko iko sa vakamatei ira na parofita, ka vakaviriki ira sa talai yani vei iko, au a nanuma vakavica meu vakasoqoni ira vata na nomu gone, me vaka na toa yalewa sa vakasoqoni ira na luvena e ruku ni tabana, ia dou a sega ni vinakata!

Luke 1:50

A sa tu na nona loloma vei ira sa rerevaki koya, ka yacova nai tabatamata e vuqa.

Luke 1:78

E na vuku ni nona loloma levu na noda Kalou, Sa kida mai kina vei keda na rarama maicake,

Luke 2:32

A rarama me vakararamataki ira na veimatanitu tani, Me nodrai ukuuku talega na nomuni tamata na Isireli.

Joni 1:14

A sa yaco me tamata ko koya na Vosa, ka tiko vata kei keda, (ia keitou a raica na nonai ukuuku, ni sa vaka nai ukuuku ni Le dua bauga sa vakatuburi maivei Tamana,) sa sinai e na loloma kei na dina.

Joni 1:4

Sa tu vei koya na bula; ia na rarama ni tamata na bula.

Joni 1:8

Sa sega ni rarama ko ya ko koya, ia sa nonai tavi me tukuna ga na Rarama.

Joni 12:40

Sa vakamatabokotaka na matadra, ka vakaukauwataka na lomadra ko koya: Me kakua ni rai na matadra, se kila na lomadra, Ka saumaki mai, Ka meu vakabulai ira.

Joni 8:12

Sa qai vosa tale vei ira ko Jisu, ka kaya, Oi au na rarama kei vuravura: ko koya sa muri au ena sega ni lako e na butobuto, ena tu ga vei koya na rarama ni bula.

Joni 9:4

Sa dodonu me da kitaka na cakacaka i koya sa talai au mai, ni sa siga toka: sa voleka mai na bogi, sa sega ni cakacaka rawa kina e dua na tamata.

Cakacaka 13:26

Oi kemuni na veiwekani, na kawa i Eparaama, kei ira kecega vei kemuni sa rerevaka na Kalou, sa talai vei keda na vosa ni bula oqo.

Cakacaka 13:47

ni sa vakarota vakakina vei keitou na Turaga, Au sa vakaturi iko mo nodra rarama na veimatanitu, Mo yaco mo vu ni bula ki nai yalayala kei vuravura.

Cakacaka 26:18

mo laki basuka na matadra, me ra saumaki mai na butobuto ki na rarama, mai na kaukauwa talega nei Setani ki vua na Kalou me ra kakua ni cudruvi e nai valavala ca, me rai taukei vata talega emuri kei ira era yalosavasava, ni ra sa vakabauti au.

2 Cesalonaika 1:3

Sa kilikili kei keitou me keitou ia tikoga na vakavinavinaka vua na Kalou e na vukumudou, na veiwekani, ni sa dodonu ga oqori, ni sa tubu vakalevu sara na nomudou vakabauta, a sa uasivi cake na nomudou veilomani vakataki kemudou yadua;

2 Pita 1:19

A sa tu talega vei keda na vosa sa vakadinadinataki vakalevu cake, a parofisai; ia dou na caka vinaka, kevaka dou sa vakananuma kina, me vaka ki na cina sa serau e na vanua sa butobuto, ka malua me kida mai na mataka, ka cabe mai ki na lomamudou na kalokalo i vola siga;

2 Pita 3:18

Ia dou tubu cake e na loloma, kei na kila na noda Turaga ko Jisu Karisito nai Vakabula. Me ia vua na vakarokoroko e na gauna oqo ka tawa mudu. Emeni.

1 Joni 2:8

E dua tale, na vunau vou kau sa vola vei kemudou, ia na ka oqo sa dina vua, vei kemudou talega: ni sa qai takali na butobuto, a sa cila mai na rarama dina.

Vakatakila 11:18

O ira na veimatanitu era sa cudru, ia sa yaco dina mai na nomuni cudru, kei na nodra gauna na mate, me ra saumi kina, mo ni solia talega vei ira na nomuni talatala na parofita na kedrai sau, vei ira talega na tamata yalosavasava, vei ira talega era rerevaka na yacamuni, se ra turaga se ra tamata lalai; mo ni vakawabokotaki ira era sa vakawabokotaki vuravura.

Vakatakila 2:28

Ia ka'u na solia talega vua na kalokalo i vola siga.

Vakatakila 22:16

Oi au ko Jisu ka'u sa tala na noqu agilose me vakatakila na veika oqo vei kemudou e na veisoqosoqo lewe ni lotu. Oi au na kena vu kei na kawa nei Tevita, kei na kalokalo i vola siga e serau tu.

Vakatakila 22:2

E na loma ni kena sala, kei na batina ruarua talega, sa tei kina na kau ni bula, a sa vuataka na vuana e na veivula e tinikarua ka sa duidui na vuana: ia na drau ni kau oqo sa medra wai ni bula na lewe ni veivanua.

Ruci 2:12

me sauma na nomu cakacaka ko Jiova, ia me vakayacori sara na kemui sau maivei Jiova na Kalou ni Isireli, o koya ko sa mai vakararavi e ruku ni tabana.