Malakai 4:1 - Vakavakadewa Makawa

¹ Ia raica, sa lako mai na siga ko ya, ena waqa me vaka na lovo; ia ko ira kece era viavialevu, kei ira kece sa caka ca, era na vaka na vu-ni-sila: ia ena vakamai ira na siga ko ya sa lako mai, sa kaya ko Jiova ni lewe vuqa, me kakua kina ni vo vei ira na wakana se na tabana.

Ai Vola Tabu (Vakadewa Makawa Vakavoutaki 2021)

¹ “Ia raica, sa lako mai na siga ko ya, ena waqa me vaka na lovo; ia ko ira kece era viavialevu, kei ira kece sa caka ca, era na vaka na vu-ni-sila. Ia ena vakamai ira na siga ko ya sa lako mai, sa kaya ko Jiova-ni-lewevuqa, me kakua kina ni vo vei ira na wakana se na tabana.

AI VOLA TABU

¹ IA, raica, sa lako mai na siga ko ya, ena waqa me vaka na lovo; ia ko ira kece era viavialevu, kei ira yadua sa caka ca, era na vaka na vu-ni-sila: ia ena vakacaudrevi ira na siga ko ya sa lako mai, sa kaya ko Jiova ni lewe vuqa, me kakua kina ni vakalaivi vei ira na wakana se na tabana.

Vakavakadewa Vou kei na iVola tale eso

¹ A sa kaya o Jiova ni lewevuqa, “Sa toro voleka mai na siga me ra na vakamai kina me vaka na qa ni sila o ira kece na tamata dokadoka ka i tovo ca. Era na kama yavu vakadua ena siga o ya, ka na sega sara ni dua na tikidra me vo.

Ai Vola Tabu Ena Vakavakadewa Vou

¹ A sa kaya ko Jiova ni lewevuqa, “Sa toro voleka mai na siga me ra na vakamai kina me vaka na qani sila o ira kece na tamata dokadoka ka i tovo ca. Era na kama yavu vakadua ena siga o ya, ka na sega sara ni dua na tikidra me vo.

Malakai 4:1 Iomraidhean Croise

Jope 18:16

Ena malai na wakana ki ra, Ka tamusuki laivi na tabana ki cake.

NA SAME 119:119

O ni sa biuti ira tani nai valavala ca kecega e vuravura me vaka na de ni kaukamea: O koya ka'u sa lomana kina na nomuni tukutuku.

NA SAME 37:9

Ni na muduki tani na daucaka ca; Ia ko ira sa dauwaraki Jiova, era na taukena na vanua.

Lako Yani 15:7

Ia e na kena levu ni nomuni kaukauwa ko ni sa vukici ira era tu cake me nomuni meca: Ko ni a vakatauca na nomuni cudru waqawaqa, a sa vakamai ira me vaka na vu-ni-sila.

Aisea 40:24

era sega ni tei dina, era sega ni kaburaki dina, sa sega ni tei sobu dina ki na qele na wakadra; ka sa uvuci ira walega ko koya, a ra sa malai, ia na covulaca ena kauti ira tani me vaka na qa ni sila.

Aisea 41:2

Ko cei ka vakauqeta e dua na tamata yalododonu mai na tu-i-cake, ka kacivi koya mai ki na yavana, ka solia na veimatanitu vua, ka lesi koya me lewai ira na tui? ko cei ka soli ira me vaka na kuvu-ni-soso ki na nonai seleiwau, ka vaka na vu-ni-sila e cagina ki na nona dakai titi?

Aisea 47:14

Raica, era na vaka na vu-ni-sila; ena vakamai ira na bukawaqa, era na sega ni vakabulai ira rawa vakataki ira mai na kaukauwa ni yameyame ni bukawaqa; ena sega na qilaiso waqa me ia kina na tatalai, se na bukawaqa me tiko voleka kina.

Aisea 5:24

Ia me vaka sa kama na vu-ni-sila e na yameyame ni bukawaqa, ka sa yavu sara na co madu ni sa caucaudre, ena vuca sara vakakina na wakadra, ia na sedra ena vuka cake me vaka na kuvu-ni-soso: ka ni ra sa biuta tani na vunau i Jiova ni lewe vuqa, ka beca na vosa i Koya na Yalosavasava ni Isireli.

Aisea 9:18

Ni sa waqa na yaloca me vaka na bukawaqa; ena kania na kau vakavotona kei na soni; ena vakacaudreva na kau ni veikau, ka na kuvu cake me vaka na kubou.

Aisea 9:19

Sa vakabutobutotaki na vanua e na cudru i Jiova, ia na tamata era na vaka na buka ni bukawaqa: ena sega e dua me yalololoma vua na tacina.

Isikeli 20:38

ia ka'u na wasei ira tani maivei kemudou ko ira na dauvuki, kei ira sa talaidredre vei au: ia ka'u na kauti ira tani mai na vanua era sa dui tiko vulagi kina, ka ra na sega ni curuma na nodra vanua na Isireli: ia dou na kila ni sai au ko Jiova.

Isikeli 21:32

Ko na kena buka me bukani kina na bukawaqa; ia na kemu dra ena tu ga e na loma ni vanua; ko na sega ni nanumi tale: ni sai au ko Jiova ka'u sa cavuta.

Isikeli 24:11

Me qai toka ni sa lala e na kena qilaiso sa waqa, me katakata, ka kama na kena parasa, ka vakawaicalataki e loma ni kuro na kena duka, me yavu na kena de-ni-kuro.

Isikeli 34:17

Ia koi kemudou, na noqu qele ni sipi, sa kaya na Turaga ko Jiova; Raica, au na veilewayaka na sipi eso kei na sipi eso, kei na sipi tagane kei na me tagane.

Isikeli 7:10

Dou raica na kena siga, raica, sa yaco mai: sa lako tu yani na mataka; sa seraki mai na taba ni kau, sa kubu mai na viavialevu.

Joeli 2:1

Dou uvuca na davui e Saioni, ka kacivaka nai valu e na noqu ulu-ni-vanua tabu; me ra sautaninini ko ira kecega na lewe ni vanua: ni sa lako mai na siga i Jiova, ka ni sa voleka mai;

Joeli 2:31

a mata-ni-siga ena vuki me butobuto, kei na vula me dra, ena qai yaco mai emuri na siga i Jiova, e levu ka rerevaki.

Emosi 2:9

Ia koi au ga, ka'u a vakarusai koya na Amoraiti e matadra, o koya sa balavu vaka na balavu ni sitari, ka kaukauwa ko koya me vaka na oki; ia ka'u a vakarusa na vuana e cake, kei na wakana e ra.

Opetaia 1:18

Ia na mataqali i Jekope ena yaco me bukawaqa, kei na mataqali i Josefa me yameyame ni bukawaqa, kei na mataqali i Iso me vu-ni-sila, ka ra na vakawaqa, ka vakayavuna; ena sega talega e vo vei ira na mataqali i Iso; ni ka tukuna na ka oqo ko Jiova.

Neumi 1:10

Ia ke ra coko veidre me vaka na soni, ka mateni sara e na waini, era na vakayavuni ga me vaka na vu-ni-sila e mamaca sara.

Sefanaia 1:14

Sa voleka mai na siga i Jiova na siga ka uasivi, sa voleka mai, io sa kusa sara mai; a domo ni siga i Jiova, sa ka rarawa na nona tagi kina na tamata qaqa.

Sefanaia 1:18

Io, na nodra siliva kei na nodra koula ena sega ni vakabulai ira rawa e na siga ni cudru i Jiova; ia ena kania na vanua taucoko na bukawaqa ni nona vuvu: ni na vakidacala sara na nona vakaoti ira laivi na lewe ni vanua.

Sakaraia 14:1

Raica, sa lako mai na siga i Jiova, ena qai votai kina na kemui toki ni valu e na kemu maliwa.

Malakai 3:15

Ia eda sa qai kaya era sa kalougata ko ira na viavialevu; ka ni ra tamata yaco talega ko ira na daucaka ca; ka sa bula ga ko ira era vakatovolea vakaca na Kalou.

Malakai 3:18

Ia dou na qai kunea sara ni sa dua tani na yalododonu ka dua tani na tamata ca, ni sa dua tani ko koya sa qarava na Kalou ka dua tani ko koya sa sega ni qaravi koya.

Malakai 3:2

Ia ko cei me na yalo dei e na siga ni nona lako mai? ia ko cei me na tu rawa ni sa rairai mai ko koya? ni sa vaka na nona bukawaqa na dausava koula ko koya, ka vaka na nodra sovu na dausavai sulu:

Malakai 3:3

ia ena tiko ko koya me vakawaicalataka ka vakasavasavataka na siliva: ia ena vakasavasavataki ira na Livai, ka savai ira me vaka na koula kei na siliva, me ra vakacabora vei Jiova nai madrali sa dodonu.

Malakai 4:5

Raica, au na talai Ilaija na parofita vei kemudou eliu, ena qai lako mai emuri na siga i Jiova e levu ka rerevaki:

Maciu 3:12

a sa tu e ligana na nonai sivi ni sila, ka na vakasavasavataka sara ko koya na sila ni nona rara, ka binia vata na nona sila ki na lololo; ka na vakama ko koya na qana e na bukawaqa e sega ni bokoci rawa.

Luke 19:43

Ni na yaco mai na siga, ena viribaiti iko kina ko ira na nomu meca, ka buku druadrua ka sogolati iko e na veiyasana kecega,

Luke 21:20

Ia ni dou sa raica sa buku na druadrua mai Jerusalemi e na mataivalu eso, dou kila kina ni sa qai voleka na kena ca sara:

Luke 6:23

Dou reki e na siga ko ya, ka rika e na marau: raica, sa levu na kenai sau vei kemudou mai lomalagi: era kitaka vakakina ko ira na nodra qase vei ira na parofita.

2 Cesalonaika 1:8

e na yameyame ni bukawaqa, me cudruvi ira era sa sega ni kila na Kalou, a sa sega ni vakabauta nai tukutuku-vinaka ni noda Turaga ko Jisu Karisito:

2 Pita 3:7

ia na lomalagi kei na vuravura sa tu edaidai, sa maroroi ga e na vosa talega ko ya, sa maroroi ki na bukawaqa me yaco mada na siga ni lewa kei na veivakarusai ni tamata tawa-lotu.