Malakai 3:3 - Vakavakadewa Makawa

³ ia ena tiko ko koya me vakawaicalataka ka vakasavasavataka na siliva: ia ena vakasavasavataki ira na Livai, ka savai ira me vaka na koula kei na siliva, me ra vakacabora vei Jiova nai madrali sa dodonu.

Ai Vola Tabu (Vakadewa Makawa Vakavoutaki 2021)

³ ia ena tiko ko koya me vakawaicalataka ka vakasavasavataka na siliva: ia ena vakasavasavataki ira na Livai, ka savai ira me vaka na koula kei na siliva, me ra vakacabora vei Jiova nai madrali sa dodonu.

AI VOLA TABU

³ ia ena tiko ko koya me vakawaicalataka ka vakasavasavataka na siliva: ia ena vakasavasavataki ira na luve i Levi, ka savai ira me vaka na koula kei na siliva, me ra cabora vei Jiova nai madrali e dodonu.

Vakavakadewa Vou kei na iVola tale eso

³ Ena lako mai o koya me mai daunilewa me vakataki koya e daulewa na vakasavasavataki kei na vakabutai ni siliva. Me vaka na nona dau vakasavasavataki siliva kei na koula na daucaka kaukamea, ena mai vakasavasavataki ira vaka talega kina na bete o koya na i talatala ni Turaga, me rawa kina ni ra mai vakacabora vua na Turaga na i madrali e dodonu.

Ai Vola Tabu Ena Vakavakadewa Vou

³ Ena lako mai o koya me mai daunilewa me vakataki koya e daulewa na vakasavasavataki kei na vakabutai ni siliva. Me vaka na nona dau vakasavasavataki siliva kei na koula na daucaka kaukamea, ena mai vakasavasavataki ira vaka talega kina na bete o koya na i talatala ni Turaga, me rawa kina ni ra mai vakacabora vua na Turaga na i madrali e dodonu.

Malakai 3:3 Iomraidhean Croise

NA SAME 116:17

Au na vakacabora vei kemuni nai madrali ni vakavinavinaka, Ka'u na masuta na yaca i Jiova.

NA SAME 4:5

Dou vakacabora nai soro e dodonu, Ka vakararavi ga vei Jiova.

NA SAME 4:6

Era lewe vuqa era sa kaya, Ko cei ena vakaraitaka vei keda na ka vinaka? Kemuni Jiova, mo ni vakacilava vei keitou nai serau ni matamuni.

NA SAME 50:14

Mo vakacabora vua na Kalou na vakamolimoli; Ka vakayacora na ka ko a bubului kina vei Koya sa Cecere sara:

NA SAME 50:23

O koya sa vakacabora na vakavinavinaka sa vakacaucautaki au: Ia ko koya sa lewa vakavinaka na nonai valavala Ka'u na vakaraitaka vua na bula sa mai vua na Kalou.

NA SAME 51:19

Kemuni na qai donuya nai soro dodonu, nai soro kama, kei nai soro sa kama taucoko: Ia era na qai vakacabora na pulumokau e na nomuni cabocabo-ni-soro.

NA SAME 66:10

Ni kemuni sa vakatovolei keimami, na Kalou. O ni sa vakatovolei keimami, me vaka sa vakatovolei na siliva.

Vosavakaibalebale 17:3

A kuro sa yaga me vakatovolei kina na siliva, kei na lovo me vakatovolei kina na koula: Ia sa vakatovolea na yalo ko Jiova.

Vosavakaibalebale 25:4

Kauta tani na kena butubutu mai na siliva, Ena qai dua na kena bilo na dauriri siliva.

Aisea 1:25

Ia ka'u na tarai iko mada, ka sava tani laivi na nomu de ni kaukamea, ka kauta tani kecega na nomu ca:

Aisea 48:10

Raica, ka'u a vakatovolei iko e na buka, ka sa sega ni vaka na siliva; ka'u a digitaki iko e na kuro qele ni veivakararawataki.

Aisea 61:6

Ia koi kemudou, dou na vakatokai na bete i Jiova, dou na vakayacani nai talatala ni noda Kalou: dou na kania na nodra i yau na veimatanitu, ia dou na taukena talega na nodra lagilagi.

Jeremaia 9:7

O koya oqo sa kaya kina ko Jiova ni lewe vuqa, Raica, au na vakaririgi ira me vaka na siliva, ka vakatovolei ira; se cava me'u cakava e na vukuna na goneyalewa ni noqu tamata?

Isikeli 20:38

ia ka'u na wasei ira tani maivei kemudou ko ira na dauvuki, kei ira sa talaidredre vei au: ia ka'u na kauti ira tani mai na vanua era sa dui tiko vulagi kina, ka ra na sega ni curuma na nodra vanua na Isireli: ia dou na kila ni sai au ko Jiova.

Taniela 11:35

Ia eso vei ira era yalomatua era na bale, me vakatovolei ira, ka vakasavasavataka, ka vakavulavulataka, ka yacova nai otioti; ni sa bera na gauna sa lokuci.

Taniela 12:10

Era na lewe vuqa ena vakasavasavataki, ka vakavulavulataki, ka vakatovolei; ia ko ira na tamata ca era na caka ca ga: ka ra na sega sara ni kila rawa ko ira na tamata ca; ia ko ira sa vuku era na kila rawa.

Osea 14:2

Vakarautaka mada na nomu vosa, ka lesu vei Jiova: ka kaya vua, Mo ni kauta tani kece na neitou caka cala, ka mo ni yalovinaka mai vei keitou: keitou na qai cabora nai madrali ni tebenigusu i keitou.

Sakaraia 13:9

Ia ka'u na vakauta nai katolu ni wase e loma ni bukawaqa, ka vakasavasavataki ira me vaka sa vakasavasavataki na siliva, ka vakatovolei ira me vaka sa vakatovolei na koula: era na masuta na yacaqu ko ira, ia koi au talega ka'u na rogoci ira: au na kaya, Era sa noqu tamata ko ira: ia ko ira talega era na kaya, sa neimami Kalou Ko Jiova.

Malakai 4:1

Ia raica, sa lako mai na siga ko ya, ena waqa me vaka na lovo; ia ko ira kece era viavialevu, kei ira kece sa caka ca, era na vaka na vu-ni-sila: ia ena vakamai ira na siga ko ya sa lako mai, sa kaya ko Jiova ni lewe vuqa, me kakua kina ni vo vei ira na wakana se na tabana.

Tiko mai na Lekutu 8:6

Mo kauti ira na Livai maivei ira na Isireli, ka vakasavasavataki ira.

Luke 3:16

sa vosa ko Joni, ka kaya vei ira kecega, E dina ka’u sa papitaisotaki kemudou e na wai: a sa lako mai ko koya sa levu cake vei keirau, ia na wa ni nonai vava ka’u sa sega ni yaga me’u sereka: ena papitaisotaki kemudou ko koya e na Yalo Tabu kei na bukawaqa:

Roma 12:1

O koya oqo, au sa vakamamasu vei kemudou, na veiwekani, e na vuku ni loloma vakavuqa ni Kalou, mo dou solia na yagomudou mei madrali bula, me savasava, me vinaka vua na Kalou, me nomudou i soro vakayalo.

Roma 15:16

me'u yaco mei talatala i Jisu Karisito vei ira na veimatanitu tani, me'u kitaka na cakacaka e nai tukutuku-vinaka ni Kalou, me vinakati nai cabocabo ni veimatanitu tani, ni sa vakasavasavataki ira na Yalo Tabu.

Filipai 2:17

Ia kevaka kau sa sovaraki yani e na nomudou vakabauta niu sa cabori mei madrali, au sa reki kina, ka marau vata kei kemudou kecega.

Filipai 4:18

Ia sa tu vei au na ka kecega, ia kau sa vutuniyau: au sa mamau, niu sa rawata maivei Epafirotaito na veika maivei kemudou, a ka boi vinaka, ai madrali sa vinakati, sa vinaka sara vua na Kalou.

2 Timoci 4:6

Niu sa vakarau tu meu liviraki, ka sa voleka na siga ni noqu toki yani.

Vei Taito 2:14

o koya ka soli koya e na vukuda, me voli keda mai nai valavala ca kecega, me vakasavasavataki keda vua me da nona tamata talei, ka lomakatakata e na cakacaka vinaka.

Iperiu 12:10

Ia ko ira oqori era a daucudruvi keda e na veisiga eso me vaka era sa vinakata; ia ko koya me bau yaga vei keda, me da vakataki koya kina e na yalosavasava.

1 Pita 1:7

me sa kune kina na nomudou vakabauta ni sa vakatovolei, me talei vakalevu sara ka talei vakalailai na koula sa caca rawa ni sa vakatovolei e na bukawaqa, me ka ni vakavinavinaka, ka me dokai ka me vakacaucautaki, ni na rairai mai ko Jisu Karisito:

1 Pita 2:5

oi kemudou talega, me vaka dou sa veivatu bulabula, dou sa tara cake mo dou vale vakayalo, me matabete yalosavasava, mo dou cabora kina nai madrali vakayalo, sa vinaka vua na Kalou e na vuku i Jisu Karisito.

1 Pita 2:9

Ia koi kemudou nai tabatamata digitaki, a matabete vakaturaga, a matanitu yalosavasava, a tamata sa taukena na Kalou, mo dou vakaraitaka kina na nona vinaka sara o koya ka kacivi kemudou mai na butobuto ki nona rarama e veivakurabuitaki:

Vakatakila 1:6

a sa qisi keda me da tui ka bete vua na Kalou kei Tamana; me sa ia vei koya na vakarokoroko kei na lewa ka tawa mudu. Emeni.

Vakatakila 3:18

au sa vakavulici iko mo mai volia vei au na koula sa vakatovolei e na bukawaqa, mo vutuniyau kina; kei nai sulu vulavula, mo vakaisulu kina, me kakua ni rairai na nomu luvawale e veivakamaduataki; mo lumuta talega na matamu e nai lumu ni mata, mo rai rawa.

Vakatakila 5:10

ia kemuni sa lesi keimami me keimami tui, me keimami bete talega, vua na neimami Kalou; ia keimami na lewa tiko e vuravura.