Malakai 3:2 - Vakavakadewa Makawa

² Ia ko cei me na yalo dei e na siga ni nona lako mai? ia ko cei me na tu rawa ni sa rairai mai ko koya? ni sa vaka na nona bukawaqa na dausava koula ko koya, ka vaka na nodra sovu na dausavai sulu:

Ai Vola Tabu (Vakadewa Makawa Vakavoutaki 2021)

² Ia ko cei me na yalo dei e na siga ni nona lako mai? Ia ko cei me na tu rawa ni sa rairai mai ko koya? Ni sa vaka na nona bukawaqa na dausava koula ko koya, ka vaka na nodra sovu na dausava-i-sulu:

AI VOLA TABU

² Ia ko cei me na rawata na siga ni nona lako mai? ia ko cei me na tu rawa ni sa raici mai ko koya? ni sai koya e vaka na nona buka na dausava koula, ka vaka na nodra vuso na dausavai sulu:

Vakavakadewa Vou kei na iVola tale eso

² Ia o cei na tamata ena yalodei rawa ena siga sa lako mai kina? O cei ena tudei rawa e matana ni sa rairai mai o koya? Ena vakataka e dua na sovu kaukauwa o koya, ka vaka na bukawaqa sa dauvakasavasavataka na kaukamea.

Ai Vola Tabu Ena Vakavakadewa Vou

² Ia o cei na tamata ena yalodei rawa ena siga sa lako mai kina? O cei ena tudei rawa e matana ni sa rairai mai o koya? Ena vakataka e dua na sovu kaukauwa o koya, ka vaka na bukawaqa sa dauvakasavasavataka na kaukamea.

Malakai 3:2 Iomraidhean Croise

Vakatekivu 19:28

a sa rai yani vaka ki Sotoma kei Komora, kei na vanua taucoko mai na Buca, ka dikeva, ka raica, sa lako cake na kubou ni vanua ko ya me vaka na kubou ni lovo.

Jope 28:1

E dina sa dua nai keli ni siliva, Kei na yasana sa vakasavasavataki kina na koula.

NA SAME 130:3

Kevaka ko ni sa nanuma, Jiova, nai valavala ca O cei kemuni na Turaga, me na bula rawa?

NA SAME 2:7

Au na tukuna nai lesilesi, Sa kaya vei au ko Jiova, Ko iko na luvequ: Au sa vakatuburi iko e na siga oqo:

NA SAME 76:7

Oi kemuni, io, sai kemuni ga, sa rerevaki: O cei sa tu rawa e matamuni ni kemuni sa cudru mai?

Vosavakaibalebale 25:4

Kauta tani na kena butubutu mai na siliva, Ena qai dua na kena bilo na dauriri siliva.

Aisea 1:18

Dou mada mai, me tou veivosaki vata, sa kaya ko Jiova; ke sa vaka na ka kulakula na nomudou i valavala ca, sa na vulavula me vaka na uca-vulavula; ke sa damuvakula sa na vaka na vutika ni sipi.

Aisea 33:14

Sa rere mai Saioni ko ira nai valavala ca; sa sautaninini ko ira na dauveivakaisini. Ko cei vei keda me na tiko e na bukawaqa daukana voli? ko cei vei keda me na tiko e na bukawaqa ka tawa mudu?

Aisea 4:4

Ni na sa qai savata tani na Turaga na nodra dukadukali na goneyalewa ni Saioni, ka vuya tani na dra mai na loma ni koro ko Jerusalemi e na yalo daulewa dodonu, kei na yalo sa waqa tu.

Jeremaia 2:22

Ia kevaka ko sa savai iko e na lase, ka vakalevutaka vei iko na sovu, sa volai tu ga e mataqu na nomu caka cala, sa kaya na Turaga ko Jiova.

Isikeli 22:14

Ena dei beka na lomamu, se kaukauwa na ligamu, e na gauna ka'u na tarai iko kina? Oi au ko Jiova ka'u sa cavuta, ka'u na cakava talega.

Taniela 11:35

Ia eso vei ira era yalomatua era na bale, me vakatovolei ira, ka vakasavasavataka, ka vakavulavulataka, ka yacova nai otioti; ni sa bera na gauna sa lokuci.

Joeli 2:11

ia ko Jiova ena tabalaka na domona ni sa liutaki ira na nona mataivalu: ni sa ka levu sara na nonai valu: sa kaukauwa talega ko koya sa vakayacora na nona vosa: sa ka levu na siga i Jiova ka rerevaki sara; ia ko cei me na vosota rawa?

Neumi 1:6

Ko cei me tiko rawa e na mata ni nona cudru? ia ko cei me vosota rawa ni sa waqawaqa na nona cudru? a nona cudru sa sovaraki yani me vaka na bukawaqa, ia na uluvatu sa talaraka sobu ko koya.

Sakaraia 13:9

Ia ka'u na vakauta nai katolu ni wase e loma ni bukawaqa, ka vakasavasavataki ira me vaka sa vakasavasavataki na siliva, ka vakatovolei ira me vaka sa vakatovolei na koula: era na masuta na yacaqu ko ira, ia koi au talega ka'u na rogoci ira: au na kaya, Era sa noqu tamata ko ira: ia ko ira talega era na kaya, sa neimami Kalou Ko Jiova.

Malakai 4:1

Ia raica, sa lako mai na siga ko ya, ena waqa me vaka na lovo; ia ko ira kece era viavialevu, kei ira kece sa caka ca, era na vaka na vu-ni-sila: ia ena vakamai ira na siga ko ya sa lako mai, sa kaya ko Jiova ni lewe vuqa, me kakua kina ni vo vei ira na wakana se na tabana.

Maciu 25:10

Ia ni ratou sa lako me ratou volivoli, sa tadu mai na tagane sa qai vakawati; ia ko iratou sa vakarau oti tu, eratou sa curu vata kaya ki na kana magiti ni vakawati: a sa qai sogo na katuba.

Marika 9:3

A sa lumilumisa mai na nonai sulu, sa vulavula sara me vaka na uca-vulavula; sa sega na dausavai sulu e vuravura e vakavulavulataka rawa me vakakina.

Luke 2:34

A sa vosavakalougatataki rau ko Simioni, a sa kaya vei Meri na tinana, Raica, ko koya oqo sa viritoka me bale sobu kina, se tu cake kina e lewe vuqa vei ira na Isireli; ka mei vakatakilakila ena vosavakacacataki;

Luke 21:36

O koya mo dou qai vakatawa, ka daumasu tikoga, mo dou vakabau kina mo dou yaga me bula mai na ka kecega oqo ena yaco mai, ka tu e na mata ni Luve ni tamata.

Luke 3:17

ia sa taura e ligana na nonai sivi ni sila, ka na vakasavasavataka sara ko koya na sila ni nona rara, ka binia vata na sila ki na nona lololo: ka na vakama ko koya na qana e na bukawaqa e sega ni bokoci rawa.

Luke 3:9

Ia na matau sa no edaidai e na vu ni kau, ka sa ta laivi kina na kau kecega sa sega ni vuataka na vua vinaka, a sa biu ki na bukawaqa.

Luke 7:23

a sa kalougata ko koya ena sega ni tarabe e na vukuqu.

Joni 8:55

ia dou sa sega ni kilai koya, ia kau sa kilai koya koi au; ia kevaka kau sa kaya, Au sa sega ni kilai koya, au na lasulasu ga me vakataki kemudou: ia kau sa kilai koya ga ka vakabauta tikoga na nona vosa.

Iperiu 12:25

Dou raica, mo dou kakua ni bese vua sa vosa. Ia kevaka era a sega ni dro bula ko ira era a bese vua sa vosa e vuravura, ena dredre vakalevu cake vei keda, kevaka eda sa vuki tani mai vua sa vosa mai lomalagi:

Vakatakila 19:8

A sa soli vua me vakaisulu e na lineni matailalai, sa savasava ka lumilumisa: ia na lineni matailalai na nodra i valavala dodonu na tamata yalosavasava.

Vakatakila 2:23

Ia ka'u na vakamatei ira na luvena e na mate; ia ena kila kina na veisoqosoqo lewe ni lotu kecega ni'u sa dikeva na ivi kei uto ni tamata; ia ka'u na solia talega vei kemudou yadua me vaka na nomudou i valavala.

Vakatakila 6:17

ni sa qai yaco mai na siga dina ni nona cudru; ia ko cei ena yatedei me na tu dei rawa?

Vakatakila 7:14

Au sa qai kaya vua, O iko, saka, ko sa kila. A sa kaya vei au ko koya, O ira oqo era sa lako mai na veivakararawataki levu, ia era sa sava nodra i sulu, ka vakavulavulataka e na dra ni Lami.

1 Samuela 6:20

A ra sa kaya na kai Peci-semesi, O cei sa rawata me tu e na mata i Jiova na Kalou yalosavasava oqo? ia ena lako cake vei cei ko koya maivei keda?