Malakai 2:2 - Vakavakadewa Makawa

² Kevaka dou sa bese ni vakarogoca, ia kevaka dou sa bese ni vakasara ki na lomamudou, mo dou vakarokorokotaka na yacaqu, sa kaya ko Jiova ni lewe vuqa, ka'u na vakayacora sara na cudru ko ya kivei kemudou, ka vakacataka na ka dou sa vakalougatataki kina: io, ka'u sa vakacataka oti na ka oqo, ni dou sa sega ni vakasara ki na lomamudou.

Ai Vola Tabu (Vakadewa Makawa Vakavoutaki 2021)

² Kevaka dou sa bese ni vakarogoca, ia kevaka dou sa bese ni vakasara ki na lomamudou, mo dou vakarokorokotaka na yacaqu, sa kaya ko Jiova-ni-lewevuqa, ka'u na vakayacora sara na cudru ko ya kivei kemudou, ka vakacataka na ka dou sa vakalougatataki kina. Io, ka'u sa vakacataka oti na ka oqo, ni dou sa sega ni vakasara ki na lomamudou.

AI VOLA TABU

² Kevaka dou sa bese ni vakarogoca, ia kevaka dou sa bese ni vakasara ki na lomamudou, mo dou vakarokorokotaka na yacaqu, sa kaya ko Jiova ni lewe vuqa, kaʼu na vakayacora sara na cudruvi ko ya vei kemudou, ka vakacacataka na ka dou sa vakalougatataki kina: io, kaʼu na dui vakacacataka na ka o qori, e na vuku ni dou sa tawa vakasara vi na lomamudou.

Vakavakadewa Vou kei na iVola tale eso

² E dodonu mo ni dau vakarokorokotaki au ena veika o ni sa vakayacora. Kevaka o ni sa sega ni vakarorogo ki na veika au sa tukuna, au na cudruvi kemuni. Au na vagolea na noqu cudru ki na veika o ni sa dau vakararavi kina. Ia na kena dina, o ya ni'u sa cudruva oti na veika oqori, baleta ni o ni sa dau taura tu ga vakamamada na noqu i vakaro.

Ai Vola Tabu Ena Vakavakadewa Vou

² E dodonu mo ni dau vakarokorokotaki au ena veika o ni sa vakayacora. Kevaka o ni sa sega ni vakarorogo ki na veika au sa tukuna, au na cudruvi kemuni. Au na vagolea na noqu cudru ki na veika o ni sa dau vakararavi kina. Ia na kena dina, o ya ni'u sa cudruva oti na veika oqori, baleta ni o ni sa dau taura tu ga vakamamada na noqu i vakaro.

Malakai 2:2 Iomraidhean Croise

NA SAME 69:22

Me kenai cori vei ira ga na nodra tepeli: Kei na nodra tiko vinaka, me sa tudai.

Vosavakaibalebale 3:33

Na cudru i Jiova sa tiko e na nodra vale nai valavala ca: Ia sa vakalougatataka ko koya na nodra i tikotiko na yalododonu

Aisea 42:25

A sa sova kina vei koya na nona cudru katakata, kei nai valu kaukauwa: ka sa vakama vakavolivoliti koya, ka sa sega ni kila ko koya; a sa kati koya, ia sa sega ni vakasara ki na lomana.

Aisea 47:7

Ia ko a kaya, Ka'u na Ranadi tikoga ka sega ni mudu; ko sa sega kina ni vakasara ki lomamu na ka oqo, se vakananuma na kenai tinitini.

Aisea 57:11

Ko cei ko a domobula kina, ka rerevaka, mo lasu kina? ia ka sa sega ni nanumi au, ko sa sega talega ni vakasara ki lomamu. Ni'u a galu ga, io mailiu sara, sai koya ga ko sa sega ni rerevaki au kina, ne?

Jeremaia 34:17

O koya oqo sa kaya kina ko Jiova; Koi kemudou, dou sa sega ni vakarorogo vei au, mo dou dui tukuna yadua na veisereki vua na wekana, kei na tamata yadua vua na kai nona: raica, au sa tukuna vei kemudou na veisereki, sa kaya ko Jiova, ki nai seleiwau, kei na mate dauveiveitauvi, kei na viakana, ia ka'u na soli kemudou mo dou kau tani ki na veimatanitu kece e vuravura.

Isikeli 3:7

Ia na mataqali i Isireli era na sega ni vakarorogo vei iko; ni ra na sega ni vakarorogo vei au: ni ra sa mataviavialevu ga ka yalokaukauwa ko ira kece na mataqali i Isireli.

Akeai 1:6

Sa ka levu dou sa kaburaka, ia sa ka lailai dou sa yauta mai; dou sa kana, ka sega ni mamau kina; dou sa gunu, ka sega ni vakacegu kina; dou sa vakaisulu, ka sa sega e dua e katakata kina; ia ko koya sa saumi e na nona cakacaka sa tugana ki na taga sa cicila.

Akeai 1:9

Dou a nuitaka na ka levu, ka raica, sa ka lailai ga; ia ni dou sa kauta mai ki vale, ka'u sa uvuca. E na vuku ni cava? sa kaya ko Jiova ni lewe vuqa. E na vuku ni noqu vale sa rusa koto, ia koi kemudou, dou sa dui cici yadua ki nona vale.

Malakai 2:1

Ia koi kemudou mada na bete, sa baleti kemudou nai vakaro oqo.

Malakai 3:9

E na dua na veicudruvi dou sa cudruvi kina: ni dou sa butako vei au, io, koi kemudou na matanitu taucoko oqo.

Luke 17:18

sa sega ni kune e dua me lesu tale mai me vakarokorokotaka na Kalou, ko koya duaduaga na kai tani oqo.

Josua 7:19

A sa kaya vei Ekani ko Josua, Na luvequ, mo vakavinavinaka mada vei Jiova na Kalou ni Isireli, ka vakatusa mada vua; ka tukuna mai vei au na ka ko sa cakava; kakua ni vunia vei au.

1 Pita 4:11

Kevaka e dua sa vosa, me ia me vaka na vosa ni Kalou: kevaka e dua sa kitaka na cakacaka, me ia ga me vaka na kaukauwa sa solia na Kalou: me vakarokorokotaki kina na Kalou e na ka kecega e na vuku i Jisu Karisito, o koya sa nona na vakarokoroko kei na lewa e na gauna kecega ka sega ni mudu. Emeni.

Vakatakila 14:7

ka sa kaya e na domo levu, Dou rerevaka na Kalou, ka vakarokoroko vei koya; ni sa yaco na nona gauna me lewa: ia dou vakarokoroko vei koya ka buli lomalagi, kei vuravura, kei na wasawasa, kei na veivurevure-ni-wai.

Vakatakila 16:9

A ra sa qesa na tamata ni sa katakata vakalevu, a ra sa vosavakacacataka na Kalou, o koya sa lewa rawa na veimate ca oqo: a ra sa sega ni veivutuni me ra vakarokorokotaki koya.