Malakai 1:6 - Vakavakadewa Makawa

⁶ Sa vakarokorokotaki tamana na gone; ka sa vakakina na tamata vua na nona turaga: ia ke'u sa tamamudou koi au, ko cei sa vakarokorokotaki au? ia ke'u sa turaga koi au, ko cei sa rerevaki au? sa taroga ko Jiova ni lewe vuqa vei kemudou, na bete, ka sa beca na yacaqu. Ia dou sa kaya, Keitou sa beca vakaevei na yacamuni?

Ai Vola Tabu (Vakadewa Makawa Vakavoutaki 2021)

⁶ “Sa vakarokorokotaki tamana na gone, ka sa vakakina na tamata vua na nona turaga. Ia ke'u sa tamamudou koi au, ko cei sa vakarokorokotaki au? Ia ke'u sa turaga koi au, ko cei sa rerevaki au? Sa taroga oqo ko Jiova-ni-lewevuqa vei kemudou na bete, oi kemudou ka sa beca na yacaqu. Ia dou sa kaya, ‘Keitou sa beca vakaevei na yacamuni?’

AI VOLA TABU

⁶ A GONE, sa vakarokorokotaki tamana; kei na tamata, na nona turaga: ia ke sa tamamudou koi au, ke sa evei na qau vakarokorokotaki? ia ke sa turaga koi au, ke sa evei na qau rerevaki? sa kaya ko Jiova ni lewe vuqa vei kemudou, na bete, dou sa beca na yacaqu. Ia dou sa kaya, E keitou sa beca na yacamu vakaevei?

Vakavakadewa Vou kei na iVola tale eso

⁶ A sa vosa vakaoqo na Turaga o Jiova ni lewevuqa vei ira na bete, “Era dau vakarokoroko na gone vei ira na nodra i tubutubu, o ira talega na tamata vei ira na nodra turaga. Oi au na tamamuni, a cava o ni sa sega ni rokovi au kina? Oi au na nomudou i vakavuvuli, a cava dou sa sega ni dokai au kina? O ni sa beca na yacaqu, ia o ni qai taroga ga, “Kemami sa beca vakacava na yacamuni?”

Ai Vola Tabu Ena Vakavakadewa Vou

⁶ A sa vosa vakaoqo na Turaga ko Jiova ni lewevuqa vei ira na bete, “Era dau vakarokoroko na gone vei ira na nodra i tubutubu, o ira talega na tamata vei ira na nodra turaga. Oi au na tamamuni, a cava o ni sa sega ni rokovi au kina? Oi au na nomudou i vakavuvuli, a cava dou sa sega ni dokai au kina? O ni sa beca na yacaqu, ia o ni qai taroga ga, “Kemami sa beca vakacava na yacamuni?”

Malakai 1:6 Iomraidhean Croise

NA SAME 123:2

Raica, me vaka sa rai mai na mata ni tamata ki na liga ni nodra turaga, Kei na mata ni vada ki na liga i koya na nona marama; Sa rai vakakina na mata i keimami vei Jiova na neimami Kalou, Ka me yalololoma mada vei keimami ko koya.

Lako Yani 20:12

Mo vakarokorokotaki rau na tamamu kei na tinamu; me dede kina na nomu bula e na vanua sa solia vei iko ko Jiova na nomu Kalou.

Vosavakaibalebale 17:6

Sa nodra i sala vakaturaga na qase na mokubudra; Ka sa nodra i ukuuku na gone na tamadra.

Vosavakaibalebale 30:11

Sa dua na mataqali sa vatonaka na tamadra, Ka sega ni vosavakalougatataka na tinadra.

Vosavakaibalebale 30:17

Na mata sa vakalialiai tamana, Ka sa beca me talairawarawa vei tinana, Ena covuta na reveni ni uciwai, Ka kania na luve ni ikeli.

Aisea 1:2

Dou rogoca, na lomalagi, ka vakatu daliga, na vuravura, ni sa kaya mai ko Jiova, Ka'u a susuga ka vakalevulevui ira na luvequ, ia ko ira, era sa vuki tani vei au.

Aisea 43:23

Ko sa sega ni kauta mai vei au na sipi me nomu i soro kama; ko sa sega talega ni vakarokorokotaki au e na nomuni madrali. Au a sega ni lavaka vei iko mo ia na vakacaboi soro se'u vakaocataki iko e na cakai madrali boi vinaka.

Aisea 45:10

Ena ca ko koya sa kaya vei tamana, A cava ko sa vakatubura? se vua na yalewa, A cava ko sa vakasucuma?

Aisea 64:7

ka sa sega e dua sa masuta na yacamuni, se uqeti koya me tauri kemuni: ni kemuni sa tabonaka na matamuni maivei keimami, ka sa vakawaicalataki keimami e na neimami valavala ca.

Aisea 64:8

Ia oqo, kemuni Jiova, ko ni sa tamai keimami; koi keimami na tete, ia koi kemuni na keimami dautuli kuro; ia koi keimami kecega na cakacaka ni ligamuni:

Jeremaia 23:11

Ko ira na parofita kei na bete talega era sa tamata ca, io, e na noqu vale ka'u sa kunea na nodra ca, sa kaya ko Jiova.

Jeremaia 3:4

Ko na sega beka ni tagici au mai na siga oqo, ka vaka, Na tamaqu, sai kemuni sa tuberi au ni'u a gone?

Jeremaia 31:9

Era na lako mai ka tagi tu, ia ka'u na tuberi ira mai ka ni ra vakamamasu tu: au na vakalakovi ira mai e na bati ni wai drodro e na sala dodonu, era na sega ni tarabe kina: ni keirau sa veitamani kei Isireli, ia ko Ifireimi, sa noqu ulumatua.

Jeremaia 35:16

Ka ni ra sa vakayacora na luve i Jionatapi na luve i Rekapi nai vakaro ni tamadra, ka vakarota vei ira ko koya; ia na tamata oqo era sa sega ni vakarorogo vei au:

Isikeli 22:26

O ira na nona bete era sa vakacataka na noqu vunau, ka vakacacana na noqu ka tabu: era sa vakatautauvatataka na ka sa tabu kei na ka sa sega ni tabu; kei na ka sa sega ni savasava kei na ka sa savasava, ka ra sa tabonaka talega na matadra mai na noqu siga tabu, ia ka'u sa vosavakacacataki vei ira.

Osea 12:8

A sa kaya ko Ifireimi, Au sa vutuniyau ga, au sa rawata ga eso na noqu i yau: e na noqu cakacaka kecega era na sega ni kunea vei au na caka cala mei valavala ca.

Osea 4:6

Era sa rusa ko ira na noqu tamata ni sa yali vei ira na vuku: ni ko sa biuta na vuku, au na biuti iko talega, mo kakua ni bete tiko vei au: ni ko sa guilecava na vunau ni nomu Kalou, koi au talega, ka'u na guilecavi ira na luvemu.

Osea 5:1

Dou rogoca na ka oqo, na bete, ka vakarorogo, na mataqali i Isireli; ia dou vakatu daliga mai, na mataqali ni tui; ni sa baleti kemudou na vosa ni veilewai, ni dou sai cori mai Misipa, kei na lawa sa tevuki mai Tepori.

Vunau ni Soro 19:3

Dou rerevaka na tamata yadua na tinana kei na tamana, ka vakatabuya na noqu veisiga ni vakacecegu: Koi au ko Jiova na nomudou Kalou.

Sefanaia 3:4

O ira na nona parofita era sa yalodauveidokadokai, era sa tamata dauveivakaisini: ko ira na nona bete era sa vakacataka na ka e tabu, era sa kauta vakatani na vunau.

Malakai 2:1

Ia koi kemudou mada na bete, sa baleti kemudou nai vakaro oqo.

Malakai 2:10

Sa dua bau ga na tamada kecega, se segai? sa dua bau ga na Kalou sa buli keda, se segai? a cava eda sa dui cakacaka vakailasu kina vua na kai noda, ni da vakacacana na veiyalayalati sa ia kei ira na noda qase?

Malakai 2:8

Ia koi kemudou, dou a lesu tani mai na sala; dou a vakatarabetaki ira na lewe vuqa e na vunau; dou a vakacacana na veiyalayalati kei Livai, sa kaya ko Jiova ni lewe vuqa.

Malakai 3:5

Ia ka'u na toro voleka vei kemudou me ia na veilewai, ia ka'u na kusarawa ni tukuna na nodra ca na daucakaisausau, kei na dauveibutakoci, kei na daububului vakailasu, kei ira era butakoca nai voli ni tamata cakacaka, kei na yada, kei na luveniyali, kei ira era bureitaka vua na vulagi na ka sa dodonu me nona, ka ra sega ni rerevaki au, sa kaya ko Jiova ni lewe vuqa.

Maciu 15:4

Ni sa vakarota na Kalou, ka kaya, Vakarokoroko vei rau na tamamu kei na tinamu: ia, Ko koya sa vosavakacacataka na tamana se na tinana, me sa vakamatei.

Maciu 15:6

me sa qai sega ni vakarokoroko vei tamana se tinana. Ia dou sa vakawaletaka na vunau ni Kalou e na nomudoui vakavuvuli.

Maciu 19:19

Vakarokoroko vei rau na tamamu kei na tinamu: ka, Mo lomana na kai nomu me vaka ko lomani iko.

Maciu 6:9

O koya mo dou qai masu vakaoqo: Tama i keimami mai lomalagi, Me vakarokorokotaki na yacamuni.

Maciu 7:21

Ena sega ni curu ki na matanitu vakalomalagi ko ira kecega sa kaya vei au, Turaga, Turaga; ko koya ga sa cakava na loma i Tamaqu sa tiko mai lomalagi.

Marika 10:19

Ko sa kila na vunau, Kakua ni ia na veibutakoci, Kakua ni laba, Kakua ni butako, Kakua ni veibeitaki vakailasu, Kakua ni kovekove, Vakarokoroko vei rau na tamamu kei na tinamu.

Marika 7:10

Ni sa kaya ko Mosese, Vakarokoroko vei rau na tamamu kei na tinamu; ia, Ko koya sa vosavakacacataka na tamana se na tinana, me sa vakamatei.

Luke 10:29

Ia ko koya, ni sa via vakadonui koya, sa tarogi Jisu, Ko cei na kai noqu?

Luke 18:20

Ko sa kila na vunau, Mo kakua ni ia na veibutakoci, Mo kakua ni laba, Mo kakua ni butako, Mo kakua ni veibeitaki vakailasu, Mo vakarokoroko vei rau na tamamu kei na tinamu.

Luke 6:36

O koya mo dou qai yalololoma, me vaka sa yalololoma na Tamamudou.

Luke 6:46

Ia ka vakaevei ni dou sa vakatokai au me Turaga, Turaga, ka sega ni cakava na ka ka’u sa kaya?

Efeso 6:2

Mo vakarokoroko vei rau na tamamu kei na tinamu; (oqo na vunau taumada sa dua kina na vosa ni yalayala);

Vakarua 1:31

kei na vanua liwa, ko ni a raica kina ni sa keveti kemuni ko Jiova na nomuni Kalou, me vaka sa keveta na luvena na tamata, e na sala kece ko ni a lako kina, ko ni a yaco mada kina ki na yasana oqo.

Vakarua 32:6

Kemuni sa saumi Jiova vakaoqo, ne, Oi kemuni na tamata lialia ka sega ni vuku? Sa sega beka ni tamamuni ko koya, na kemuni taukei? Sa buli kemuni, ka vakataudeitaki kemuni.

Vakarua 5:16

Mo vakarokoroko vei rau na tamamu kei na tinamu, me vaka sa vakaroti iko ko Jiova na nomu Kalou; me dede kina na nomu bula, ia me yacovi iko kina na ka vinaka, e na vanua sa solia vei iko ko Jiova na nomu Kalou.

1 Pita 1:17

Ia kevaka dou sa masu vua, me vaka sa Tamamudou, o koya sa lewai ira yadua me vaka na ka era a cakava, ka sega ni digitaka vakailoa e dua, me sa ia e na rere na nomudou i valavala, e na gauna dou sa vulagi tu kina;