Maika 4:3 - Vakavakadewa Makawa

³ Ia ena ia na veilewai e na vukudra na veimataqali e vuqa, kei na veivunauci e na vuku ni veimatanitu kaukauwa e tu vakayawa; ka ra na tukitukia na nodra i seleiwau mei bati ni siviyara, kei na nodra moto mei sele ni samaki: ena sega ni lavei seleiwau e dua na matanitu ki na matanitu tani, a ra na sega tale ni vulica nai valu.

Ai Vola Tabu (Vakadewa Makawa Vakavoutaki 2021)

³ Ia ena ia na veilewai e na vukudra na veimataqali e vuqa, kei na veivunauci e na vuku ni veimatanitu kaukauwa e tu vakayawa; ka ra na tukitukia na nodra i seleiwau me bati ni siviyara, kei na nodra moto mei sele ni samaki; ena sega ni lave i seleiwau e dua na matanitu ki na matanitu tani, a ra na sega tale ni vulica nai valu;

AI VOLA TABU

³ Ia ena ia na veilewai e na vukudra na veimataqali e vuqa, kei na veivunauci e na vuku ni veimatanitu kaukauwa e tu vakayawa; a ra na tukitukia na nodrai seleiwau mei sivi ni siviyara, kei na nodra moto mei sele ni samaki: ena sega ni lavei seleiwau na matanitu ki na matanitu, a ra na sega ni vulica tale nai valu.

Vakavakadewa Vou kei na iVola tale eso

³ Ena walia o koya na nodra veileti na veivanua, Ena kedra maliwa sa matanitu rogo sa tu yawa. Era na tukia na nodra i seleiwau me bati ni siviyara, Kei na nodra moto me i sele ni sasamaki. Ena oti vakadua na veivaluvaluti ni veivanua, Me mudu vakadua na vakarautaki ni i valu.

Ai Vola Tabu Ena Vakavakadewa Vou

³ Ena walia o koya na nodra veileti na veivanua, Ena kedra maliwa sa matanitu rogo sa tu yawa. Era na tukia na nodra i seleiwau me bati ni siviyara, Kei na nodra moto me i sele ni sasamaki. Ena oti vakadua na veivaluvaluti ni veivanua, Me mudu vakadua na vakarautaki ni i valu.

Maika 4:3 Iomraidhean Croise

NA SAME 46:10

Dou tiko lo, mo dou kila ni'u sa Kalou: Ka'u na vakalevulevui e na veimatanitu, ka'u na vakalevulevui e vuravura.

NA SAME 46:9

Sa vakaotia nai valu mai nai yalayala kei vuravura: Sa musuka na dakai titi ko koya, ka tayamusuka na moto, Ka sa vakama na qiqi-ni-valu e na bukawaqa.

NA SAME 72:3

Ena tubura na kedra sautu na tamata na veiulu-ni-vanua, Kei na veiulu-ni-koro, e na lewa dodonu.

NA SAME 72:7

Ena tubu vinaka mai e na nona gauna ko ira na yalododonu; Kei na sautu levu, ka yacova na gauna e oti kina na vula.

NA SAME 82:8

Mo ni tu cake, na Kalou, mo ni lewai vuravura: Ni kemuni na taukena Na veimatanitu kecega.

NA SAME 96:13

E na mata i Jiova; ni sa lako mai ko koya, Ni sa lako mai me lewai vuravura: Ena lewai vuravura e na yalododonu, Kei na veimatanitu e na nona lomadina.

NA SAME 98:9

E na mata i Jiova; ni sa lako mai me lewai vuravura: Ena lewai vuravura e na yalododonu, Kei ira na tamata e na lewa dodonu.

Aisea 2:4

Ia ena ia na veilewai e na vuku ni veimatanitu, ka na vunauci ira na veimataqali e vuqa: ka ra na tukitukia na nodra i seleiwau mei bati ni siviyara, kei na nodra moto mei sele ni samaki: ena sega ni lavei seleiwau e dua na matanitu ki na dua na matanitu, a ra na sega ni vulica tale nai valu.

Aisea 25:3

O koya oqo era na dokai kemuni kina na mataqali kaukauwa, ena rerevaki kemuni na nodra koro na veimatanitu rerevaki.

Aisea 51:5

Sa voleka na noqu lewa dodonu, sa lako yani na veivakabulai ka'u sa cakava, ia na ligaqu ena lewai ira na veimataqali; era na waraki au na veiyanuyanu, ka ra na vakararavi ki na ligaqu.

Aisea 60:12

Ia na vanua kei na matanitu ena bese ni qaravi iko ena rusa; io, na veimatanitu ko ya ena vakalalataki sara ga.

Aisea 65:25

A wolifa kei na lami, erau na kana vata; ia na laioni, ena kania na lolo ni sila me vaka na pulumokau; ia na kuvu-ni-soso ena kena kakana na gata. Era na sega ni ia na veivakacacani se na veivakarusai e na noqu ulu-ni-vanua tabu kecega, sa kaya ko Jiova.

Aisea 9:7

Ena sega ni oti na kena tubu na nona lewa kei na sautu, e nai tikotiko vakaturaga i Tevita, kei na nona matanitu, me vakataudeitaka, ka vakaukauwataka e na lewa dodonu kei nai valavala dodonu mai na gauna oqo ka yacova na gauna kecega. A lomakatakata i Jiova ni lewe vuqa ena vakayacora na ka oqo.

Taniela 2:44

Ia e na nodra gauna na tui ko ya ena qai vakatura na Kalou ni lomalagi e dua na matanitu, ena sega sara ni vakarusai rawa: ia na matanitu ko ya ena sega ni biu tu me nodra na tamata tani, ia ena vurumemeataka ga ka vakaotia na veimatanitu oqori, ka na tu ga ka sega ni mudu.

Osea 2:18

Ia e na siga ko ya ka'u na ia na veiyalayalati e na vukudra, kei na manumanu ni vanua, kei na manumanu vuka, kei na ka sa qasi voli e na qele; ia ka'u na musuka tani mai na vanua na dakai kei nai seleiwau kei nai valu, ka lewa me ra koto sobu e na vakacegu.

Osea 2:20

Io, ka'u na tauri iko mo noqu e na lomadina: ia ko na kilai Jiova.

Joeli 3:2

ka'u na qai vakasoqoni ira vata na lewe ni veimatanitu kecega, ka kauti ira sobu ki na buca i Jiosafati, ka totaki ira maikea na noqu tamata kei na noqu i votavota na Isireli, o ira sa ra dui veiseyaki ki na veivanua, ka ra sa vota talega na noqu vanua:

Maika 5:15

Ia ka'u na ia e na cudru kei na lesa na veisausaumi ki na veimatanitu, sa sega ni vakarorogo.

Sakaraia 14:3

Ena qai lako yani ko Jiova, me veivala kei na veimatanitu ko ya, me vaka sa vala kina ko koya e na siga ni valu.

Sakaraia 8:20

Sa kaya vakaoqo ko Jiova ni lewe vuqa; Ena lako mai na veimataqali, kei na lewe ni veikoro e vuqa;

Sakaraia 9:10

Ia ka'u na muduka tani na qiqi-ni-valu mai Ifireimi, kei na ose mai Jerusalemi; ena muduki tani talega na dakai ni valu; ena tukuna ko koya na veivinakati ki na lewe ni veivanua; ia ena lewa ko koya mai na wasawasa e dua ki na wasawasa e dua, mai na Uciwai talega ka yaco ki nai yalayala kei vuravura.

Cakacaka 17:31

ni sa lokuca ko koya na siga, ena lewai vuravura kina e na lewa dodonu, vei koya na tamata sa lesia ko koya; a sa vakadinadina kina vei ira na tamata kecega, e na nona vakaturi koya cake tale mai na mate.

Vakatakila 19:11

Ia ka'u a raici lomalagi ni sa dola tu, ka raica sa dua na ose vulavula; o koya sa vodo kina sa vakatokai ko Dodonu ka Dina, a sa lewa vakadodonu ko koya ka kitaka nai valu.

1 Samuela 2:10

Ena raramusumusu na meca i Jiova: Ena kurukuru mai lomalagi ko koya vei ira: Ena lewa nai yalayala kei vuravura ko Jiova; Ia ena solia na kaukauwa vua na nona tui, Ka laveta cake na ka vakaturaga nei koya sa lumuta.