Maika 4:2 - Vakavakadewa Makawa

² A ra na lako kina na veimatanitu e vuqa, ka kaya, Me da mai lako cake ki na ulu-ni-vanua i Jiova, io ki na vale ni Kalou i Jekope; ena vakavulica vei keda ko koya na nonai valavala, ia eda na muria na nona sala: ni na rogo yani mai Saioni na vunau, kei na vosa i Jiova mai Jerusalemi.

Ai Vola Tabu (Vakadewa Makawa Vakavoutaki 2021)

² A ra na lako kina na veimatanitu e vuqa, ka kaya, Me da mai lako cake ki na ulunivanua i Jiova, io ki na vale ni Kalou i Jekope; ena vakavulica vei keda ko koya na nona i valavala, ia eda na muria na nona sala. Ni na rogo yani mai Saioni na vunau, kei na vosa i Jiova mai Jerusalemi.

AI VOLA TABU

² A ra na lako na veimatanitu e vuqa, ka kaya, Me da mai laʼki cabe cake ki na ulu-ni-vanua i Jiova, ia ki na vale ni Kalou i Jekope; ena vakavulica vei keda ko koya na nonai valavala, ia eda na muria na nona sala: ni na lako yani mai Saioni na vunau, kei na vosa i Jiova mai Jerusalemi.

Vakavakadewa Vou kei na iVola tale eso

² Era na kaya na lewe ni veivanua oqori, “Me da cabe cake ki na ulunivanua i Jiova, Ki na nona Valenisoro na nodra Kalou na Isireli. Ena vakatavulica o koya na ka me da cakava Eda na lako ena sala sa digitaka o koya. Ni sa lako mai Jerusalemi na vakavuvuli i Jiova; Ka sa vosa vei ira na nona tamata mai Saioni.”

Ai Vola Tabu Ena Vakavakadewa Vou

² Era na kaya na lewe ni veivanua oqori, “Me da cabe cake ki na ulunivanua i Jiova, Ki na nona Valenisoro na nodra Kalou na Isireli. Ena vakatavulica o koya na ka me da cakava Eda na lako ena sala sa digitaka o koya. Ni sa lako mai Jerusalemi na vakavuvuli i Jiova; Ka sa vosa vei ira na nona tamata mai Saioni.”

Maika 4:2 Iomraidhean Croise

NA SAME 110:2

Ena dodoka ko Jiova nai titoko ni nomuni kaukauwa mai Saioni: Mo ni lewa e na kedra maliwa na nomuni meca.

NA SAME 119:1

Sa kalougata ko ira era sa dodonu sara e na sala, Era muria na vunau i Jiova.

NA SAME 119:171

Ena cavuta na vakavinavinaka na tebenigusuqu, Ni kemuni sa vakavulici au e na nomuni lesilesi.

NA SAME 122:1

Au a reki ni ra kaya vei au, Tou mai lako ki na vale i Jiova.

NA SAME 25:12

O cei na tamata sa rerevaki Jiova? Ena vakavulici koya e na sala ena digitaka ko koya.

Aisea 2:3

A ra na lako na tamata e lewe vuqa, ka kaya, Me da mai la'ki cabe cake ki na ulu-ni-vanua i Jiova, ki na vale ni Kalou i Jekope; ena vakavulica vei keda ko koya na nonai valavala, ia eda na muria na nona sala: ni na lako yani mai Saioni na vunau, kei na vosa i Jiova mai Jerusalemi.

Aisea 54:13

A luvemu kecega e na vakavulici ira ko Jiova, ena ka levu talega na nodra vakacegu na luvemu.

Aisea 56:7

ka'u na kauti ira mai ki na noqu ulu-ni-vanua tabu, ka vakamarautaki ira e na noqu vale ni masu; a nodra i soro kama kei na nodra i madrali ena vakadonui e na noqu i cabocabo-ni-soro; ni na vakatokai na noqu vale me nodra vale ni masu na tamata kecega.

Jeremaia 31:6

Ni na yaco e dua na siga, era na kacivaka kina nai vakatawa mai na ulu-ni-vanua ko Ifireimi, Dou cavu tu ka me da lako cake ki Saioni vei Jiova na noda Kalou.

Jeremaia 42:3

ka me vakatakila vei keimami ko Jiova na nomu Kalou na sala me keimami lako kina, kei na ka me keimami cakava.

Osea 6:3

Eda na qai kila, kevaka eda na gumatua me kilai Jiova: sa vakarau tu na nona lako mai me vaka na mataka; io, ena lako mai vei keda me vaka na uca, me vaka sa tau na uca, io, na uca taumuri sa vakasuasuataka na vuravura.

Sakaraia 14:16

Ia ko ira kece yadua sa vo vei ira na veimatanitu kecega sa mai kabai Jerusalemi, era na lako cake e na veiyabaki me ra mai soro vua na Tui, ko Jiova ni lewe vuqa, me ra mai cakava talega na so levu ni vale vakacevaceva.

Sakaraia 2:11

Ia na lewe ni veimatanitu e vuqa ena musuki ira vei Jiova e na siga ko ya, ka yaco me noqu tamata: au na tiko talega e na kemudou maliwa, ia dou na kila ni sai Jiova ni lewe vuqa sa talai au mai vei kemudou.

Sakaraia 9:10

Ia ka'u na muduka tani na qiqi-ni-valu mai Ifireimi, kei na ose mai Jerusalemi; ena muduki tani talega na dakai ni valu; ena tukuna ko koya na veivinakati ki na lewe ni veivanua; ia ena lewa ko koya mai na wasawasa e dua ki na wasawasa e dua, mai na Uciwai talega ka yaco ki nai yalayala kei vuravura.

Marika 16:20

Ia ko ira, era sa lako yani, ka vunau e na veiyasana kecega, a sa cakacaka vata kei ira na Turaga, a sa vakadinadinataka na vosa e na veivakatakilakila sa muri. Emeni.

Luke 24:47

me vunautaki talega na veivutuni, kei na vakabokoci ni valavala ca, e na vuku ni yacana, vei ira na lewe ni veivanua kecega, me vakatekivu e Jerusalemi.

Joni 6:45

Sa vola na parofita eso, Ena vakavulici ira kecega na Kalou. A ra sa lako mai kina vei au ko ira yadua era sa rogoci Tamaqu, ka sa vakavulici.

Joni 7:17

Kevaka e dua na tamata sa via cakava na loma i koya, ena kila se sa ka mai vua na Kalou nai vakavuvuli, seu vosa vakai au ga.

Cakacaka 1:8

ia dou na rawata na kaukauwa, ni sa lako mai vei kemudou na Yalo Tabu; dou na qai dautukuni au mai Jerusalemi, kei Jutia taucoko, kei Samaria, ka yacova nai yalayala kei vuravura.

Cakacaka 13:42

Ia ni ra sa curu tiko yani, era sa kerekere me vunautaki vei ira na vosa oqo e na siga ni vakacecegu sa tarava mai.

Roma 15:19

e na vuku ni sa kaukauwa na veika-mana kei na veika e veivakurabuitaki, sa caka e na kaukauwa ni Yalo Tabu, ia ka'u a vakatekivu kina mai Jerusalemi, ka lako voli ka yaco ki Iliriko, ni'u sa vunautaka kece nai tukutuku-vinaka kei Karisito.

Vakarua 6:1

Sa vakaoqo na vunau, nai lesilesi, kei na lewa, sa vakarota ko Jiova na nomuni Kalou me vakavulica vei kemuni, mo ni cakava e na vanua ko ni sa lako yani kina mo ni taukena: