Maika 3:2 - Vakavakadewa Makawa

² Oi kemudou sa cata na ka vinaka ka vinakata na ka ca; ka vocia tani vei ira na kulidra, kei na lewedra mai na suidra;

Ai Vola Tabu (Vakadewa Makawa Vakavoutaki 2021)

² oi kemudou sa cata na ka vinaka ka vinakata na ka ca, ka vocia tani vei ira na kulidra, kei na lewedra mai na suidra;

AI VOLA TABU

² Oi kemudou sa cata na ka e vinaka ka vinakata na ka e ca; ka vocia tani vei ira na kulidra, kei na lewedra mai na suidra;

Vakavakadewa Vou kei na iVola tale eso

² ia o ni sa besetaka ga na veika vinaka ka sa gadreva tikoga na veika ca. O ni sa drudrugi ira bulabula na noqu tamata ka seleseleta tani na lewedra mai na suidra.

Ai Vola Tabu Ena Vakavakadewa Vou

² ia o ni sa besetaka ga na veika vinaka ka sa gadreva tikoga na veika ca. O ni sa drudrugi ira bulabula na noqu tamata ka seleseleta tani na lewedra mai na suidra.

Maika 3:2 Iomraidhean Croise

Isikeli 22:27

O ira na kena turaga era sa vaka na wolifa e dresulaka na kedra, me ra vakadavea na dra, me vakarusa na yalo, me ia na veikoveraki.

Vosavakaibalebale 28:4

Ko ira sa biuta na vunau era vakacaucautaka na tamata ca: Ia ko ira era vakabauta na vunau era veivunauci kei ira.

NA SAME 53:4

Sa sega beka na nodra vuku ko ira na daukitaka nai valavala ca? Ko ira era sa kania na noqu tamata me vaka era kana madrai: Ka ra sa sega ni masu vua na Kalou.

Roma 12:9

Me kakua ni vakailasu na loloma. Mo dou cata sara na ka ca; mo dou kabita sara na ka vinaka.

Aisea 3:15

A cava dou sa butuki ira sobu kina na noqu tamata, ka butuqaqia na matadra na dravudravua? sa taroga na Turaga ko Jiova ni lewe vuqa.

2 Veigauna 19:2

A sa curu yani ko Jeu na luve i Anani na rairai, me la'ki tavaki koya, a sa kaya vei Jiosafati na tui, E dodonu li mo ni vukea nai valavala ca, ka lomani ira era sa cati Jiova? e na vuku ni ka oqo sa tiko vei kemuni na cudru mai na mata i Jiova:

1 Tui 21:20

A sa kaya vei Ilaija ko Eapi, O sa kunei au beka ko iko, na noqu meca? A sa kaya ko koya, Io, au sa kunei iko; ni ko sa volitaki iko mo caka ca e na mata i Jiova.

2 Timoci 3:3

era na caca veiwekani, era na dauyalayala ka lasu tale, era na dauveibeitaki vakailasu, era na sega ni daurawa na yalodra, era na daucudrucudru, era na daucati ira na tamata vinaka,

Roma 1:32

ia ni ra sa kila tiko na lewa ni Kalou, ni sa dodonu me mate ko ira era sa kitaka na veika vakaoqo, era sa sega ni kitaka walega ko ira, era sa dauvinakati ira talega era sa daukitaka.

Joni 18:40

Era sa qai qoqolou tale, ka kaya, Me kakua ga na tamata oqo, ko Parapa ga. Ia na daubutako ko Parapa.

Joni 7:7

Sa sega ni cati kemudou rawa ko ira na kai vuravura: ia era sa cati au, ni kau sa vakatakila ni sa ca na nodrai valavala.

Luke 19:14

Ia ko ira na nona lewe ni koro era sa cati koya, a ra sa tala na mata me muri koya yani me kaya, Keitou sa sega ni vinakata me lewai keitou ko koya oqo.

Sefanaia 3:3

Era sa laioni dautagi ko ira na nona turaga; ko ira na nona turaga ni lewa era sa wolifa ni yakavi; ni ra quru sui, era sega ni sigavaka.

Isikeli 34:3

Dou sa kania na uro, kei na vutika ni sipi dou sa vakasulumi kemudou kina, dou sa vakamatea na sipi sa vakani: ia dou sa sega ni vakania na qele ni sipi.

NA SAME 15:4

Sa beca na tamata velavela na matana; Ka sa dokai ira era sa rerevaki Jiova. Ke sa bubului ka qai ca kina ko koya, ia sa sega ni veivutunitaka tale.

Aisea 57:12

Au na vakatakila na nomu yalododonu, kei na nomu cakacaka, ia na ka oqori ena sega ni yaga vei iko.

Isikeli 11:7

O koya oqo sa kaya kina na Turaga ko Jiova; A nomudou sa vakamatei dou sa virikotora e loma ni koro, sai ira na lewena, ia na koro oqo na kena kuro: ia ka'u na kauti kemudou tani maikina.

Isikeli 24:4

mo qai biuta kina na lewena na tikina vinaka kecega, na sagana, kei na tabana; vakasinaita e na sui digitaki;

Maika 2:8

Ia oqo era sa tu cake ko ira na noqu tamata me vaka na meca: ai tutuvi kei nai sulu dou sa kauta tani maivei ira era lako vinaka voli mai, io, vei ira era cata nai valu.

Maika 7:2

Sa yali sara mai na vanua na tamata yalololoma: ia na tamata yalododonu sa sega ga vei ira na tamata: o ira kece era lawavaka ga na dra; era dui vakasava na wekana ki na lawa.

Maika 7:3

Me ra qacoya sara e na ligadra ruarua na nodra caka ca. Sa taroga ko koya sa turaga, kei koya talega na turaga ni lewa, na kedrau i sau; ia ko koya sa turaga levu cake sa tukuna sara na gagadre ca ni yalona: ka ra sa bukia vata vakakina.

Aisea 5:20

Era na ca ko ira era vakatoka na ca me vinaka, kei na vinaka me ca; era kaya sa rarama na butobuto, ka butobuto na rarama; era kaya sa kamikamica na ka gaga, ka gaga na ka sa kamikamica!

Emosi 4:1

Dou rogoca na vosa oqo, oi kemudou na pulumokau yalewa ni Pasani, sa tiko e na ulu-ni-vanua ni Samaria, oi kemudou sa dauvakasaurarataki ira na dravudravua, ka butuqaqi ira na luveniyali, ka kaya vei ira na nodra turaga, Kauta mai, me da mai gunu.

Emosi 5:15

Dou cata na ka ca, ka vinakata na ka vinaka, ka vakadeitaka na lewa dodonu e na matamata-ni-koro: ena qai yalololoma beka ko Jiova na Kalou ni lewe vuqa vei ira na kena vo vei Josefa.