Maika 2:3 - Vakavakadewa Makawa

³ O koya oqo sa kaya kina ko Jiova; Raica, au sa bukia na kedra ca na mataqali oqo, dou na sega ni kauta rawa maikina na domomudou; dou na sega talega ni lako voli vakaviavialevu: ni sa gauna ca oqo.

Ai Vola Tabu (Vakadewa Makawa Vakavoutaki 2021)

³ O koya oqo sa kaya kina ko Jiova: Raica, au sa bukia na kedra ca na vuvale oqo, dou na sega ni kauta rawa mai kina na domomudou; dou na sega talega ni lako voli vakaviavialevu ni sa gauna ca oqo.

AI VOLA TABU

³ O koya o qo sa vosa vakaoqo kina ko Jiova; Raica, au sa bukia na kedra ca na mataqali o qo, a ya dou na tawa vakaseavutaka rawa maikina na domomudou; dou na tawa viavialevu lako talega: ni na gauna ca ko ya.

Vakavakadewa Vou kei na iVola tale eso

³ A sa qai kaya kina o Jiova, “Au sa nakita tiko me'u na vakarusai kemudou, ka na sega sara ni rawa mo dou dro bula. Ena dua na gauna ca vei kemudou ka na qai muduki vakadua kina na nomudou lako voli ena dokadoka.

Ai Vola Tabu Ena Vakavakadewa Vou

³ A sa qai kaya kina ko Jiova, “Au sa nakita tiko me'u na vakarusai kemudou, ka na sega sara ni rawa mo dou dro bula. Ena dua na gauna ca vei kemudou ka na qai muduki vakadua kina na nomudou lako voli ena dokadoka.

Maika 2:3 Iomraidhean Croise

Aisea 29:20

Ni sa vakawaletaki na dauveivakasaurarataki, ka sa oti na dauveivakalialiai, ka sa muduki tani ko ira kecega era dauyadra me ia na ka e sega ni dodonu:

Aisea 3:16

A sa kaya talega ko Jiova, Ni ra sa qaciqacia na goneyalewa ni Saioni, ka sa vakateqateqa na nodra i lakolako, ka sa dauvere na matadra, ka sa lako vakamamada, ka sa taqiriqiri tu na vesa ni yavadra:

Aisea 5:19

O ira era kaya, Me tei kusarawa ko koya, ka me vakusakusataka na nona cakacaka me da raica; ia na ka sa bosea ko koya na Yalosavasava ni Isireli, me toro mada mai ka yaco, me da kila!

Jeremaia 18:11

Ia oqo, mo vosa vei ira na Juta, kei na lewe i Jerusalemi, ka kaya, Sa kaya vakaoqo ko Jiova; Raica, au sa tulia na ca kivei kemudou, ia ka'u sa vakananuma e dua na lewa e na vukumudou: dou dui lesu mada mai na nomudou i tovo ca, ka vakavinakataka na nomudou i tovo kei na nomudou i valavala.

Jeremaia 27:12

Ia ka'u a cavuta vei Setekaia talega na tui Juta na vosa kecega oqo, ka kaya, Dou vakataqara ki na domomudou nai vua i tui Papiloni, ka qaravi koya kei ira na nona tamata, mo dou bula.

Jeremaia 34:17

O koya oqo sa kaya kina ko Jiova; Koi kemudou, dou sa sega ni vakarorogo vei au, mo dou dui tukuna yadua na veisereki vua na wekana, kei na tamata yadua vua na kai nona: raica, au sa tukuna vei kemudou na veisereki, sa kaya ko Jiova, ki nai seleiwau, kei na mate dauveiveitauvi, kei na viakana, ia ka'u na soli kemudou mo dou kau tani ki na veimatanitu kece e vuravura.

Jeremaia 36:23

Ia ni sa wilika oti ko Jiutai e tolu se va na tikina, sa seleva ko koya na tui e nai sele ni vunivola, ka biuta ki na bukawaqa e na miqa, ka me kama oti nai vola vivigi e na bukawaqa sa tu e na miqa.

Jeremaia 43:2

sa qai vosa ko Asaraia na luve i Osaia, kei Joenani na luve i Karea, kei ira na tamata viavialevu kecega, ka kaya vei Jeremaia, E lasu na ka ko sa vosataka: sa sega ni talai iko ko Jiova na noda Kalou me kaya, Dou kakua ni lako yani ki Ijipita me tiko vulagi ki kea:

Jeremaia 8:3

A ra na digitaka na mate ka besetaka na bula ko ira kecega na kedra vo sa vakavoci e na mataqali ca oqo, ko ira sa vakavoci e na veiyasana kecega ka'u sa dui vakasevi ira kina, sa kaya ko Jiova ni lewe vuqa.

Lele i Jeremaia 1:14

Sa vauca na wa ni savenaki ni noqu talaidredre na ligana: Sa tobe vata, sa viribale ki domoqu; sa vakabalea na noqu kaukauwa: Sa soli au ko Jiova ki na ligadra, au sa sega ni tu cake rawa.

Lele i Jeremaia 2:17

Sa cakava ko Jiova na ka sa nakita; Sa vakayacora na nona vosa ka vakarota e na gauna eliu: Sa talaraka sobu ko koya, ka sega ni lomana: A sa cakava ko koya me ra marautaka na kemu ca ko ira na meca, Sa vakaceceretaka ko koya na nodra i leu ko ira era veimecaki kei iko.

Lele i Jeremaia 5:5

Sa bitaki na domo i keimami: Keimami sa oca, ka sega ni vakacegu.

Taniela 4:37

Ia koi au ko Nepukanesa ka'u sa qai vakavinavinakataka ka vakalevulevuya ka vakarokorokotaka na Tui kei lomalagi, ni sa dinadina kecega na nona cakacaka, ka sa dodonu na nonai valavala: ia ko ira era viavialevu voli sa rawa vua me vakamalumalumutaka.

Emosi 2:14

O koya oqo ena sega ni rawa nai drodro vua sa dautotolo, o koya talega sa kaukauwa ena sega ni gumatua e na nona kaukauwa, se vakabulai koya rawa ko koya sa qaqa:

Emosi 3:1

Dou rogoca na vosa oqo sa vosataka ko Jiova ka baleti kemudou, na Isireli, ka baleta na mataqali kecega ka'u a kauta cake mai na vanua ko Ijipita, ka vaka,

Emosi 3:2

Sai kemudou duaduaga ka'u a kila vei ira na veimataqali kece e vuravura: o koya oqo ka'u na cudruvi kemudou kina e na vuku ni nomudou caka cala kecega.

Emosi 5:13

Ia ko koya sa yalomatua e na gauna ko ya ena tiko lo ga, ni sa gauna ca.

Maika 2:1

E ca vei ira sa nakita me ra caka cala, ka bukia na ka ca e na nodra i mocemoce! ka ni sa kida na mataka era sa qai cakava, ni sa rawata na ligadra.

Roma 16:4

ka rau sa bolea na mate me'u bula kina: keitou sa vakavinavinaka kina vei rau, keitou kei ira kece na veisoqosoqo lewe ni lotu vei ira na veimatanitu tani:

Efeso 5:16

mo dou volia me nomudou na gauna, ni sa ca na veisiga oqo.

Vakarua 28:48

o koya ko ni na qaravi ira kina na nomuni meca sa tala ko Jiova me vala kei kemuni, ni ko sa viakana, ka viagunu, ka sa luvawale, ka sa dravudravua e na ka kecega: ia era na vauca ki domomuni nai vau kaukamea, ka me vakarusai kemuni mada.

Jemesa 2:13

Ni na lewai ka sega ni lomani, ko koya sa sega ni ia na loloma; ia na dauloloma sa rawa na veilewai.