Maciu 8:4 - Vakavakadewa Makawa

⁴ A sa kaya vua ko Jisu, Raica, mo kakua mada ni tukuna vua e dua; ia mo laki vakaraitaki iko ga vua na bete, ka vakacabora nai madrali sa vakarota ko Mosese, me kenai vakadinadina vei ira.

Ai Vola Tabu (Vakadewa Makawa Vakavoutaki 2021)

⁴ A sa kaya vua ko Jisu, “Raica, mo kakua mada ni tukuna vua e dua, ia mo laki vakaraitaki iko ga vua na bete, ka vakacabora nai madrali sa vakarota ko Mosese, me kenai vakadinadina vei ira.”

AI VOLA TABU

⁴ A sa kaya vua ko Jisu, Raica, mo kakua ni tukuna vua e dua; ia mo laʼki vakarairaitaki iko ga vua na bete, ka vakacabora nai madrali sa vakarota ko Mosese, mei vakatakilakila vei ira.

Vakavakadewa Vou kei na iVola tale eso

⁴ Sa qai kaya vua o Jisu, “Qarauna mo kakua ni tukuna vua e dua, ia mo lako ga ka vakaraitaki iko vua na bete, ka vakacabora na i solisoli ka vakarota o Mosese, me i vakadinadina vei ira na tamata ni o sa savasava.”

Ai Vola Tabu Ena Vakavakadewa Vou

⁴ Sa qai kaya vua ko Jisu, “Qarauna mo kakua ni tukuna vua e dua, ia mo lako ga ka vakaraitaki iko vua na bete, ka vakacabora na i solisoli ka vakarota o Mosese, me i vakadinadina vei ira na tamata ni o sa savasava.”

Maciu 8:4 Iomraidhean Croise

Aisea 42:21

Sa vinakata ko Jiova, e na vuku ni nona yalododonu, me vakalevulevuya na vunau, ka vakarokorokotaka.

Vunau ni Soro 13:49

ia kevaka sa via karakarawa se via damudamu mai na mate e nai sulu, se na kuli ni manumanu, e ketena se dakuna, se dua na ka sa caka e na kuli ni manumanu; oqo na vukavuka, ia me vakaraitaki vua na bete:

Maciu 10:18

ia dou na kau ki na matadra na kovana kei na tui e na vukuqu, mei vakadinadina vei ira, vei ira talega na veimatanitu tani.

Maciu 16:20

Sa qai vakarota vei ira na nona tisaipeli, me ra kakua ni tukuna vua e dua ni sai Jisu na Karisito ko koya.

Maciu 17:9

Ia ni ratou sa lako sobu tiko mai na ulu-ni-vanua, sa vakarota vei iratou ko Jisu, ka kaya, Kakua ni tukuna vua e dua na veika sa rairai, ka malua me tu cake tale mai na mate na Luve ni tamata.

Maciu 3:15

A sa vosa ko Jisu, ka kaya vua, Mo vosota mada edaidai; ni sa kilikili kei keda me da vakabauta vakaoqo nai valavala dodonu kecega. Sa qai vosota ko koya.

Maciu 5:17

Dou kakua ni vakasama niu sa lako mai meu vakaotia na vunau, se na nodra i vakavuvuli na parofita; au sa sega ni lako mai meu vakaotia, meu vakayacora ga.

Maciu 6:1

Dou raici kemudou vinaka mo dou kakua ni kitaka na nomudou i loloma e na matadra na tamata, me ra raici kemudou kina; kevaka e vakaoqo, ena sega na kemudoui sau mai vua na Tamamudou sa tiko mai lomalagi.

Maciu 9:30

A sa rai na matadrau; a sa vakarota matua vei rau ko Jisu, ka kaya, Raica, me kakua ni kila e dua.

Marika 13:9

Ia dou qarauni kemudou vinaka: ni dou na soli yani ki na mataveilewai, dou na vakanakuitataki e na veivale ni lotu: dou na kau talega ki na matadra na kovana, kei na tui, e na vukuqu, mei vakadinadina vei ira.

Marika 3:12

A sa vakarota matua vei ira ko koya, me ra kakua ni tukuni koya.

Marika 5:43

A sa vakarota matua vei ira ko koya, me kakua ni kila na ka oqo e dua na tamata: a sa kaya me soli vua na goneyalewa e dua na kena.

Marika 6:11

Ia ko ira kecega sa sega ni vakacegui kemudou, se rogoci kemudou, ni dou sa lako tani e na yasana ko ya, dou kuretaka laivi na kuvu-ni-soso mai na yavamudou, mei vakatakilakila vei ira. Au sa kaya vakaidina vei kemudou, Ena ca vakalailai ko Sotoma kei Komora e na siga ni lewa, ena ca vakalevu na koro ko ya.

Marika 7:36

Sa qai vakarota vei ira ko koya, me ra kakua ni tukuna vua e dua na tamata: ia ni sa vakarota vakalevu vei ira ko koya, era sa dautukuna vakalevu sara kina;

Marika 8:30

A sa vakaroti ira matua me ra kakua ni tukuni koya vua e dua.

Marika 9:9

Ia ni ratou sa lako sobu tiko mai na ulu-ni-vanua, sa vakarota ko koya vei iratou me ratou kakua ni tukuna vua e dua na ka eratou a raica, ka malua me tu cake tale mai na mate na Luve ni tamata.

Luke 17:14

Ia ni sa raici ira ko koya, sa kaya vei ira, Dou lako ka vakaraitaki kemudou vei ira na bete. Ia ni ra sa lako tu, era sa vakasavasavataki.

Luke 21:13

Ia na ka oqo ena yaco me nomudou i vakadinadina.

Luke 4:41

Ia era sa lewe vuqa sa lako tani maivei ira eso na tevoro, ni ra sa qoqolou tiko, ka kaya, O iko na Karisito na Luve ni Kalou. A sa vunauci ira ko koya, ka sega ni laiva me ra vosa, ni ra sa kila sa Karisito ko koya.

Luke 5:14

A sa vakarota vua ko koya me kakua ni tukuna vua e dua: ia mo laki vakaraitaki iko vua na bete, ka vakacabora na nomui vakasavasavataki, me vaka na vosa i Mosese, mei vakadinadina vei ira.

Luke 8:56

A rau sa kurabui sara na nona qase; a sa vakarota vei rau ko koya me rau kakua ni tukuna vua e dua na ka sa caka.

Luke 9:21

A sa vakadreta vei ira ko koya, ka vakarota me ra kakua ni tukuna na ka oqo vua e dua:

Joni 5:41

Sa sega ni yaga vei au me ra vakarokorokotaki au ko ira na tamata.

Joni 7:18

O koya sa vosa vakai koya ga, sa vinakata me dokai; ia ko koya sa vinakata me dokai ko koya sa talai koya mai, sa dina, a sa sega vua na cala.

Joni 8:50

ia kau sa sega ni vakasaqara meu vakarokorokotaki: sa dua sa vakasaqara ka lewa.