Maciu 7:21 - Vakavakadewa Makawa

²¹ Ena sega ni curu ki na matanitu vakalomalagi ko ira kecega sa kaya vei au, Turaga, Turaga; ko koya ga sa cakava na loma i Tamaqu sa tiko mai lomalagi.

Ai Vola Tabu (Vakadewa Makawa Vakavoutaki 2021)

²¹ “Ena sega ni curu ki na matanitu vakalomalagi ko ira kecega sa kaya vei au, ‘Turaga, Turaga;’ ko koya ga sa cakava na loma i Tamaqu sa tiko mai lomalagi.

AI VOLA TABU

²¹ Ena sega ni curu ki na matanitu vakalomalagi ko ira kecega sa kaya vei au, Turaga, Turaga; ia ko koya ga sa cakava na veitalia i Tamaqu sa tiko mai lomalagi.

Vakavakadewa Vou kei na iVola tale eso

²¹ “Ena sega ni o ira kece era kaya tiko vei au ‘Kemuni na Turaga,’ era na curu ki na matanitu vakalomalagi; ia, o koya ga e cakava na loma i Tamaqu mai lomalagi.

Ai Vola Tabu Ena Vakavakadewa Vou

²¹ “Ena sega ni o ira kece era kaya tiko vei au ‘Kemuni na Turaga,’ era na curu ki na matanitu vakalomalagi; ia, o koya ga e cakava na loma i Tamaqu mai lomalagi.

Maciu 7:21 Iomraidhean Croise

Maciu 12:50

ko koya yadua ena kitaka na loma i Tamaqu sa tiko mai lomalagi, sai koya oqo na taciqu, kei na ganequ, kei na tinaqu.

Maciu 16:17

A sa vosa ko Jisu, ka kaya vua, O sa kalougata, Saimoni Pa-Jona: ni sa sega ni vakatakila vei iko na lewe kei na dra, na Tamaqu ga sa tiko mai lomalagi.

Maciu 18:10

Lewai kemudou vinaka mo dou kakua ni beca e dua vei ira na lalai oqo; niu sa kaya vei kemudou, A nodra agilose mai lomalagi era sa raica tikoga na mata i Tamaqu sa tiko mai lomalagi.

Maciu 18:19

Au sa kaya tale vei kemudou. Kevaka e lewe rua vei kemudou sa lomavata e vuravura, me kerea e dua na ka, ena vakayacora vei rau na Tamaqu sa tiko mai lomalagi.

Maciu 18:3

ka sa kaya, Au sa kaya vakaidina vei kemudou, Kevaka dou sa sega ni saumaki mai, ka yaco me vaka na gone lalai, dou na sega sara ni curu ki na matanitu vakalomalagi:

Maciu 18:35

Ena kitaka vaka talega kina vei kemudou ko Tamaqu vakalomalagi, kevaka dou sa sega ni dui sereki ira na wekamudou, mai na vu ni yalomudou, mai nai sau ni nodra caka ca.

Maciu 19:24

ia kau sa kaya tale vei kemudou, sa rawarawa me curuma na mata ni cula na kameli, ia ka dredre vua na tamata vutuniyau me curu ki na matanitu ni Kalou.

Maciu 25:10

Ia ni ratou sa lako me ratou volivoli, sa tadu mai na tagane sa qai vakawati; ia ko iratou sa vakarau oti tu, eratou sa curu vata kaya ki na kana magiti ni vakawati: a sa qai sogo na katuba.

Maciu 25:21

A sa kaya vua na nona turaga, E vinaka, a tamata vinaka ka dina; ko sa dina e na ka e vica ga, au na lesi iko mo lewa na ka e vuqa: curu ki na marau ni nomu turaga.

Maciu 26:39

A sa lako vakalailai vaka kiliu ko koya, a sa cuva sobu vakatoboicu, a sa masu, ka kaya, I Tamaqu, kevaka e rawarawa, me lako tani mada vei au na bilo oqo; ia me kakua ga ni vaka na noqu lewa, me vaka ga na nomu lewa.

Maciu 26:42

Sa lako vakarua ko koya ka masu, ka kaya, I Tamaqu, kevaka e sega ni rawa me takali tani vei au na bilo oqo, ka meu gunuva ga, me yaco ga na nomu lewa.

Marika 3:35

ko koya yadua ena muria na loma ni Kalou, sai koya oqo na taciqu, se na ganequ, se na tinaqu.

Marika 9:47

Ia kevaka sa vakacalai iko na matamu, vecuka tani: sa vinaka vei iko mo curu ki na matanitu ni Kalou ka dua bauga na matamu, ka ca me rua na matamu ka mo biu ki eli sa waqa kina na buka:

Luke 11:28

A sa kaya ko koya, Ia sa kalougata vakalevu ko ira sa rogoca na vosa ni Kalou, ka vakabauta.

Luke 13:25

ni na tu cake nai taukei ni vale, ka sogota na katuba, ia dou sa tu etautuba, ka tukituki ki na katuba, ka kaya Kemuni na Turaga, Kemuni na Turaga, ni dolavi keimami: ena qai vosa ko koya, ka kaya vei kemudou Au sa sega ni kila se dou lako maivei:

Luke 18:25

Sa rawarawa me curuma na mata ni cula na kameli, ia ka dredre vua na tamata vutuniyau me curu ki na matanitu ni Kalou.

Luke 6:46

Ia ka vakaevei ni dou sa vakatokai au me Turaga, Turaga, ka sega ni cakava na ka ka’u sa kaya?

Joni 14:7

Kevaka dou sa kilai au, dou sa kilai Tamaqu talega; ia mai na siga oqo dou sa kilai koya, ka raici koya.

Joni 15:23

O koya sa cati au, sa cati Tamaqu talega.

Joni 3:5

Sa kaya ko Jisu, E dina, e dina, au sa kaya vei iko, Kevaka sa sega ni sucu e dua e na wai kei na Yalo Tabu, ena sega ni curu rawa ki na matanitu ni Kalou.

Joni 5:17

A sa kaya vei ira ko Jisu, Sa cakacaka tikoga ko Tamaqu, koi au talega, au sa cakacaka.

Joni 6:40

Ia sai koya oqo na loma i Tamaqu, me ra rawata yadua na bula tawa mudu ko ira sa raica na Luvena, ka vakabauti koya; ia kau na vakaturi koya cake e na siga maimuri.

Joni 7:17

Kevaka e dua na tamata sa via cakava na loma i koya, ena kila se sa ka mai vua na Kalou nai vakavuvuli, seu vosa vakai au ga.

Cakacaka 14:22

a rau sa vakataudeitaka na yalodra era sa lotu, ni rau sa vakarota vei ira me ra tu dei e na vakabauta, ka kaya ni sa kilikili me vuqa na ka rarawa eda sa curu kina ki na matanitu ni Kalou.

Roma 12:2

Ia dou kakua ni vakatauvatani kemudou kei ira era sa vakavuravura: ia dou mataliataki ga ni sa vakavoui na yalomudou, mo dou kila rawa kina na loma ni Kalou, sa yaga, ka vinaka, ka dodonu sara.

Roma 2:13

ni ra sa sega ni dodonu e na mata ni Kalou ko ira era sa rogoca walega na vunau, o ira ga era sa muria na vunau era na vakadonui:

Efeso 6:6

mo dou kakua ni makutu e matadra ga na turaga, mo dou vinakati kina vakatamata; ia me vaka dou sa tamata nei Karisito, mo dou cakava na loma ni Kalou mai na vu ni yalomudou;

Kolosa 4:12

Sa loloma yani vei kemudou ko Epafira, sa dua vei kemudou, ai talatala i Karisito Jisu, sa daugumatua tikoga ni sa masulaki kemudou, mo dou tu dei ka vinaka sara ka vakasinaiti tu e na ka kece sa loma ni Kalou.

1 Cesalonaika 4:3

Ni sa loma ni Kalou oqo, mo dou yalosavasava, mo dou kakua ni dauyalewa:

1 Cesalonaika 5:18

Dou ia na vakavinavinaka e na vuku ni ka kecega: ni sa loma ni Kalou oqo vei kemudou e na vuku i Karisito Jisu.

Vei Taito 1:16

Era kaya era sa kila na Kalou: ia e na nodra i valavala era sa cakitaka, ni ra sa tamata vakasisila, ka talaidredre, ka sega ni yaga ki na dua na cakacaka vinaka.

Iperiu 13:21

me vakavinakataki kemudou mada ko koya e nai valavala vinaka kecega mo dou cakava na nona lewa, ka me cakava ko koya e na lomada na ka sa vinaka vua, e na vuku i Jisu Karisito; me ia vei koya na vakarokoroko ka sega ni mudu. Emeni.

Iperiu 4:6

Ia ni sa qai macala me curu kina eso, ia ko ira ka tukuni taumada vei ira na ka vinaka era sa sega ni curu kina, e na vuku ni nodra talaidredre:

Jemesa 1:22

Ia dou muria na vosa ka kakua ni rogoca walega, ka vakaisini kemudou kina vakai kemudou.

1 Pita 2:15

Ni sai koya na loma ni Kalou, mo dou vagaluya e nai valavala vinaka na nodra sesewa na tamata lialia:

1 Pita 4:2

me kakua kina ni vaka na gagadre ca ni tamata na nona bula e na yagona e na gauna sa vo, me vaka ga na loma ni Kalou.

Vakatakila 2:27

ia ena lewai ira ko koya e nai titoko kaukamea: ena vorolaki ira me ra matailalai me vaka na veibilo ni dautuli bilo: io, me vaka na ka ka'u sa rawata maivei Tamaqu.

Vakatakila 22:14

Sa kalougata na tamata era sa sava na nodra i sulu, me ra kania vakaitaukei na kau ni bula, me ra curu e na matamata-ni-koro ki loma ni koro.

Vakatakila 3:5

O koya sa gumatua, ena vakaisulu e nai sulu vulavula; au na sega ni bokoca na yacana mai nai vola ni bula, ia ka'u na tukuna na yacana e na mata i Tamaqu, e na matadra talega na nona agilose.