Maciu 6:9 - Vakavakadewa Makawa

⁹ O koya mo dou qai masu vakaoqo: Tama i keimami mai lomalagi, Me vakarokorokotaki na yacamuni.

Ai Vola Tabu (Vakadewa Makawa Vakavoutaki 2021)

⁹ O koya mo dou qai masu vakaoqo: “Tama i keimami mai lomalagi, me vakarokorokotaki na yacamuni.

AI VOLA TABU

⁹ O koya mo dou qai masu vakaoqo: Tama i keimami mai lomalagi, Me vakarokorokotaki na yacamu.

Vakavakadewa Vou kei na iVola tale eso

⁹ Mo dou qai masu kina vakaoqo: ‘Tama i keimami mai lomalagi, Me vakarokorokotaki na yacamuni,

Ai Vola Tabu Ena Vakavakadewa Vou

⁹ Mo dou qai masu kina vakaoqo: ‘Tama i keimami mai lomalagi, me vakarokorokotaki na yacamuni.

Maciu 6:9 Iomraidhean Croise

2 Samuela 7:26

Ia me vakalevulevui na yacamuni ka tawa mudu, ka vaka, Ko Jiova ni lewe vuqa sa nodra Kalou na Isireli; ia me vakataudeitaki e matamuni na mataqali i Tevita na nomuni tamata.

1 Tui 8:43

mo ni qai rogoca mai lomalagi, na yasana ko ni sa tiko kina, ka mo ni cakava me vaka na ka kecega sa masu kina vei kemuni ko ira na kai tani: me ra kila na yacamuni ko ira kecega na kai vuravura, ka me ra rerevaki kemuni, me vakataki ira na nomuni tamata na Isireli; me ra kila ni sa vakatokai e na yacamuni na vale oqo ka'u sa tara.

1 Veigauna 17:24

ka me vakataudeitaki, ka me vakacaucautaki kina na yacamuni ka tawa mudu, ka vaka, Sa nodra Kalou na Isireli ko Jiova ni lewe vuqa, io sa Kalou vei ira na Isireli: ia me vakataudeitaki e matamuni na mataqali i Tevita na nomuni tamata.

2 Veigauna 20:6

a sa kaya, Kemuni Jiova na nodra Kalou na neimami qase, ko ni sa sega li ni Kalou mai lomalagi? ko ni sa sega li ni lewa na veimatanitu kecega ni veivanua? sa sega beka e ligamuni na kaukauwa kei na qaqa, ka sega kina e dua me vorati kemuni rawa?

Niemaia 9:5

Sa qai kaya ko ira na Livai, ko Jesua, kei Katimieli, ko Pani, ko Esapinaia, ko Serepaia, ko Otaia, ko Sipanaia, ko Pecaaia: Ni tu cake; ni vakavinavinaka vei Jiova na nomuni Kalou ka tawa mudu: ia me vakavinavinakataki na yacamuni vakaiukuuku, sa uasivi cake a sa uasivi sobu na vosa ni veivakarokorokotaki kei na vakavinavinaka kecega.

NA SAME 111:9

Sa vakayacora na bula ko koya vei ira na nona tamata: Sa lesia na nona veiyalayalati me sega ni mudu: Sa ka savasava ka rerevaki na yacana.

NA SAME 115:3

Ia na noda Kalou sa tiko mai lomalagi: Sa cakava oti na ka kecega sa vinakata ko koya.

NA SAME 72:18

Me vakavinavinakataki ko Jiova na Kalou, na Kalou ni Isireli, O koya duaduaga sa cakava na ka e veivakurabuitaki.

Aisea 37:20

Ia oqo, Jiova na neimami Kalou, mo ni vakabulai keimami mada mai na ligana, me kila kina na veimatanitu kecega e vuravura ni sai kemuni duaduaga ko Jiova.

Aisea 57:15

Ni sa kaya vakaoqo ko Koya sa cecere ka levu, ka sa tikotiko ga e na gauna tawa mudu, na yacana ko Koya ka Yalosavasava; Au sa tiko e na tikina cecere ka tabu, kei koya talega sa ramusu ka malumalumu na yalona, me vakabula na yalo i koya sa yalomalumalumu, ka vakabula na lomadra sa bibivoro.

Aisea 6:3

A ra sa veikaciyaki, ka kaya, E dodonu, e dodonu, e dodonu, ko Jiova ni lewe vuqa: sa sinai ko vuravura taucoko e na nona serau.

Aisea 63:16

Koi kemuni na tamai keimami; ia ko Eparaama sa lecavi keimami, ka sa sega ni kilai keimami ko Isireli; sai kemuni Jiova, na tamai keimami, na neimami vakabula; sa mailiu sara na yacamuni:

Aisea 64:8

Ia oqo, kemuni Jiova, ko ni sa tamai keimami; koi keimami na tete, ia koi kemuni na keimami dautuli kuro; ia koi keimami kecega na cakacaka ni ligamuni:

Aisea 66:1

Sa kaya vakaoqo ko Jiova, Sa noqu i tikotiko vakaturaga, ko lomalagi, ia ko vuravura, sai tutu-ni-yavaqu: a vale cava dou na tara me noqu? se tikina cava me noqu i vakavakacegu?

Isikeli 36:23

Ia ka'u na vakatabuya na yacaqu levu, o koya ka vakacacani e na veimatanitu tani, o koya dou a vakacacana e na kedra maliwa; ka ra na kila na veimatanitu ni sai au ko Jiova, sa kaya na Turaga ko Jiova, ni'u sa vakatabui vei kemudou e matadra.

Isikeli 38:23

Ia ka'u na vakalevulevui au, ka vakarokorokotaki au, ni'u sa vakatakilai e matadra na veimatanitu e vuqa, ka ra na kila ni sai au ko Jiova.

Vunau ni Soro 10:3

A sa kaya vei Eroni ko Mosese, Oqo ka vosataka ko Jiova, ni sa kaya, Au na vakatabui vei ira era sa toro voleka vei au, ia ka'u na vakarokorokotaki e na matadra kecega na tamata. A sa galu ko Eroni.

Apakuki 2:14

Ni na roboti vuravura na kena kilai na lagilagi i Jiova, me vaka sa ubia na wasa titobu na wai.

Sakaraia 14:9

Ia ena kilai ko Jiova ni sa tui ni vuravura kecega: e na siga ko ya ena sai Jiova duaduaga, kei na yacana duaduaga.

Malakai 1:11

Io, mai nai cadracadra ni mata-ni-siga ka yacova na kenai dromudromu ena vakalevulevui na yacaqu vei ira na lewe ni veivanua; ia e na veiyasana kecega ena vakacabori ki na yacaqu nai madrali boi vinaka, io, nai madrali savasava: ni na vakalevulevui na yacaqu vei ira na lewe ni veivanua, sa kaya ko Jiova ni lewe vuqa.

Maciu 10:29

Sa sega li ni volitaki na separo e rua e na dua na facigi? ia ka sega e dua vei rau ena lutu walega ki na qele, me tabogo vua na Tamamudou.

Maciu 23:9

Dou kakua talega ni vakatoka e dua me tamamudou e vuravura; ni sa dua bauga na Tamamudou, ko koya mai lomalagi.

Maciu 26:29

Ia kau sa kaya vei kemudou, Au na sega ni gunuva emuri na vua ni vaini oqo, ka malua me yaco mada na siga kau na gunuva vou kina kei kemudou e na matanitu nei Tamaqu.

Maciu 26:42

Sa lako vakarua ko koya ka masu, ka kaya, I Tamaqu, kevaka e sega ni rawa me takali tani vei au na bilo oqo, ka meu gunuva ga, me yaco ga na nomu lewa.

Maciu 5:16

Me caudre vakakina na nomudou rarama e na matadra na tamata, me ra raica na nomudou i valavala vinaka, ka vakarokorokotaka na Tamamudou sa tiko mai lomalagi.

Maciu 5:48

O koya mo dou qai vinaka sara, me vaka sa vinaka sara na Tamamudou sa tiko mai lomalagi.

Maciu 6:14

Ia kevaka dou sa sega ni cudruvi ira na tamata sa caka cala, ena sega talega ni cudruvi kemudou na Tamamudou vakalomalagi:

Maciu 6:6

Ia ko iko, ni ko sa masu, curu ki na nomu loqi, ia ni ko sa sogota na kena katuba, masu vua na Tamamu sa tabogo; ia na Tamamu sa raica na ka e vuni ena sauma votu vei iko.

Maciu 7:11

Ia kevaka dou sa kila koi kemudou na tamata ca, mo dou solia na ka vinaka vei ira na luvemudou; sa na gu vakalevu cake, me solia na veika vinaka na Tamamudou mai lomalagi vei ira sa kerekere vua.

Luke 15:18

au na ia, ka lako vei tamaqu, ka’u na kaya vua, Tamaqu, au sai valavala ca ki lomalagi, vei kemuni talega,

Luke 15:21

A sa kaya na luvena kivei koya, I Tamaqu, au sai valavala ca ki lomalagi, vei kemuni talega, ka’u sa sega kina ni yaga me’u vakatokai tale me luvemuni.

Luke 2:14

Sa nona na Kalou na vakarokoroko e na veiyasana ecake sara! A sa veivinakati rawa ko ira e vuravura: sa lomani ko ira na tamata.

Joni 20:17

Sa kaya vua ko Jisu, Kakua ni tarai au; niu sa bera ni lako cake vei Tamaqu: ia mo lako vei ira na wekaqu, ka kaya vei ira, Au sa lako cake vei koya sa Tamaqu, ka Tamamudou; vei koya sa noqu Kalou, ka nomudou Kalou.

Roma 1:7

Vei kemudou kecega sa tiko mai Roma, oi kemudou sa daulomana na Kalou, oi kemudou sa kacivi me yalosavasava: Me nomudou na loloma kei na vakacegu mai vua na Kalou ko Tamada, kei Jisu Karisito na Turaga.

Roma 8:15

Ni dou sa sega ni rawata tale na yalo ni bobula mo dou rere; ia dou sa rawata na Yalo Tabu dou sa vakabauti kina me gone, o koya eda sa kaci kina, Apa, Tamada.

Kalatia 1:1

O Paula nai apositolo, (e segai maivei ira na tamata, se e nai lesilesi vakatamata, e nai lesilesi ga i Jisu Karisito, kei na Kalou ko Tamana, o koya ka vakaturi koya cake mai na mate;)

Kalatia 4:6

Ia ni dou sa qai luvena, sa tala na Kalou na Yalo ni Luvena ki na lomada, o koya sa daukaci, Apa, Tama i keimami.

1 Timoci 6:16

o koya sa tu vei koya duaduaga na bula tawa mudu, sa tiko e na rarama sa sega ni torovi rawa: sa sega na tamata sa raica, se raica rawa: me nona ga na vakarokoroko kei na kaukauwa e sega ni mudu. Emeni.

1 Pita 1:17

Ia kevaka dou sa masu vua, me vaka sa Tamamudou, o koya sa lewai ira yadua me vaka na ka era a cakava, ka sega ni digitaka vakailoa e dua, me sa ia e na rere na nomudou i valavala, e na gauna dou sa vulagi tu kina;

Vakatakila 4:11

Kemuni na neitou Turaga kei na neitou Kalou, sa dodonu me ia vei kemuni na vakarokoroko kei na veidokadokai, kei na kaukauwa: ni sai kemuni ka bulia na ka kecega, era sa buli ga ka tu dei talega e na nomuni lewa.

Vakatakila 5:12

era sa kaya e na domo levu, Sa yaga na Lami ka vakamatei, me soli vua na kaukauwa, kei nai yau, kei na vuku, kei na qaqa, kei na veidokadokai, kei na vakarokoroko, kei na vakavinavinaka.