Maciu 6:2 - Vakavakadewa Makawa

² O koya oqo, ni ko sa kitaka nai loloma, mo kakua ni uvuca na davui e matamu, me vaka era daukitaka na dauveivakaisini e na veivale ni lotu kei na veigaunisala, me ra dokai kina vei ira na tamata. Au sa kaya vakaidina vei kemudou, Sa tu ga vei ira na kenai sau.

Ai Vola Tabu (Vakadewa Makawa Vakavoutaki 2021)

² “O koya oqo, ni ko sa kitaka nai loloma, mo kakua ni uvuca na davui e matamu, me vaka era daukitaka na dauveivakaisini e na veivalenilotu kei na veigaunisala, me ra dokai kina vei ira na tamata. Au sa kaya vakaidina vei kemudou, Sa tu ga vei ira na kenai sau.

AI VOLA TABU

² O koya o qo, ni ko sa kitaka nai loloma, mo kakua ni uvuca na davui e matamu, me vaka era daukitaka na dauveivakaisini e na veivale ni lotu kei na veigau-ni-sala, me dokai ira ko ira na tamata. Au sa kaya vakaidina vei kemudou, Sa tu ga vei ira na kenai sau.

Vakavakadewa Vou kei na iVola tale eso

² “O koya oqo, ni o sa soli ka ni loloma, kakua ni uvu davui e matamu me vaka era dau cakava na dauveivakaisini ena veivalenilotu kei na veigaunisala, me ra dokai ira kina na tamata. Au sa kaya vakaidina vei kemudou, era sa taura oti na kedra i sau.

Ai Vola Tabu Ena Vakavakadewa Vou

² “O koya oqo, ni o sa soli ka ni loloma, kakua ni uvu davui e matamu me vaka era dau cakava na dauveivakaisini ena veivalenilotu kei na veigaunisala, me ra dokai ira kina na tamata. Au sa kaya vakaidina vei kemudou, era sa taura oti na kedra i sau.

Maciu 6:2 Iomraidhean Croise

NA SAME 112:9

Sa duibiubiuta ko koya, sa dausoli ka vei ira na dravudravua; Sa sega ni mudu na nona cakacaka dodonu; Ena vue na nona totoka ka na dokai.

NA SAME 37:21

Sa daukerekere na tamata ca, ka sa sega ni sauma tale: Ia na tamata dodonu sa yalololoma, ka daulomasoli.

Vosavakaibalebale 19:17

Sa ia na soli ka vei Jiova ko koya sa lomani ira na dravudravua; Ia na ka sa solia ko koya ena saumi tale vua.

Vosavakaibalebale 20:6

Era lewe vuqa na tamata era na dui tukuna yadua na nodra yalovinaka: Ia ko cei me kunea rawa e dua na tamata lomadina.

Dauvunau 11:2

Mo vota vei ira na lewe vitu, io vei ira na lewe walu; ni ko sa sega ni kila na ca ena tubu e vuravura.

Aisea 10:6

Au na talai koya ki na matanitu dauveivakaisini, ia ka'u na vakaroti koya e na vuku ni tamata ka'u sa cudruva, me ia na veitokitaki, kei na veikoveraki, ka me buturaki ira sobu me vaka na lolobu e na salatu.

Aisea 58:7

Sa vaka ne, se segai, me soli madrai vua sa viakana? ia ko ira sa rarawa ka luveniyali mo kauta ga ki na nomu vale; ni ko sa kunea e dua sa luvawale, mo vakasulumi koya, ia mo kakua ni vunitaki iko mai vua na wekamu dina?

Aisea 9:17

Ia na Turaga ena sega kina ni rekitaki ira na nodra cauravou, ena sega talega ni yalololoma vei ira na gone era luveniyali kei na nodra yada: ni ra sa dui veivakaisini kai valavala ca, a gusudra kece sa daucavuta ga na ka lialia. Ia ni sa caka kece oqo sa sega ga ni mudu kina na nona cudru, ka sa dodo tikoga na ligana.

Osea 8:1

Me toka ki na gusumu na davui, ka kaya, Ena lako mai ko koya, me vaka na ikeli, ki na vale i Jiova, ni ra sa vakacataka na noqu veiyalayalati, ka ra sa talaidredre ki na noqu vunau.

Maciu 15:7

A dauveivakaisini koi kemudou! sa tukuni kemudou vakavinaka eliu ko Aisea, ni sa kaya,

Maciu 16:3

ia e na mataka, Ena siga ca edaidai; ni sa damudamu ka loaloa na lomalagi. Oi kemudou na dauveivakaisini, dou sa kila rawa na mata ni lomalagi; ia dou sega beka ni kila rawa na veivakatakilakila ni gauna oqo?

Maciu 22:18

A sa kila na nodra yaloca ko Jisu, ka kaya, Dou sa dauveretaki au e na vuku ni cava, koi kemudou na dauveivakaisini?

Maciu 23:5

Ia na nodra cakacaka kecega era sa kitaka me raici ira kina na tamata: era sa vakarabailevutaka na nodra veivakananumi tabu, ka ra sa vakalevutaka na tutu ni nodrai sulu,

Maciu 23:6

a ra sa vinakata nai tikotiko vakaturaga ni ra kana vata, kei nai tikotiko ni qase e na veivale ni lotu,

Maciu 24:51

ena qai varomusuka rua, ka vota vua mei votavota vata kei ira na dauveivakaisini: ena dautagi kina, ka vakasequruquru bati.

Maciu 5:18

Niu sa kaya vakaidina vei kemudou, Ena takali mada ko lomalagi kei vuravura, ia ena sega ni takali mai na vunau e dua na mata-ni-vola lailai se dua na tikina lailai sara, ena yaco mada kecega.

Maciu 6:16

Ia ni dou sa lolo, kakua ni vakaveveku mata, me vakataki ira na dauveivakaisini; ni ra sa vakatanitaka na matadra, me rairai vei ira na tamata na nodra lolo. Au sa kaya vakaidina vei kemudou, Sa tu ga vei ira na kenai sau.

Maciu 6:3

Ia ko iko, ni ko sa soli ka ni loloma, me kakua ni kila na ligamu i mawi na ka sa kitaka na ligamu i matau:

Maciu 6:5

Ia ni ko sa masu, mo kakua ni vakataki ira na dauveivakaisini: ni ra sa vinakata me ra tu e na veivale ni lotu kei na veitutu-ni-sala ni ra masu, me raici ira kina ko ira na tamata. Au sa kaya vakaidina vei kemudou, Sa tu ga vei ira na kenai sau.

Maciu 7:5

Na dauveivakaisini, mo cavuta mada eliu na kau mai na matamu; ia ko na qai raica vinaka mo leuta na malamala mai na mata ni wekamu.

Marika 12:39

kei nai tikotiko ni qase e na veivale ni lotu, kei nai tikotiko vakaturaga e na kana magiti;

Marika 7:6

A sa vosa ko koya, ka kaya vei ira, Sa tukuni kemudou vinaka eliu ko Aisea, koi kemudou na dauveivakaisini, me vaka sa volai, Ko ira na tamata oqo, era sa vakarokorokotaki au e na belenigusudra, Ia na yalodra sa yawa tani vei au;

Luke 11:41

Ia mo dou solia na ka ni loloma me vaka dou sa rawata, ka raica, ena savasava vei kemudou na ka kecega.

Luke 11:43

E ca vei kemudou, na Farisi! ni dou sa dauvinakata nai tikotiko ni qase e na veivale ni lotu, kei na veikidavaki e na veirara ni veivoli.

Luke 12:33

Dou volitaka na ka sa tu vei kemudou, ka solia nai loloma; vakarautaka vei kemudou na taga-ni-lavo ena sega ni madra, ai yau mai lomalagi ena sega ni oti rawa, sa sega na daubutako sa torova, se na sarasara sa kania.

Luke 12:56

Na dauveivakaisini! dou sa kila rawa na mata i vuravura kei lomalagi: ia ka vakaevei ni dou sa sega ni kila na gauna oqo?

Luke 13:15

A sa vosa vei koya na Turaga, ka kaya, Na dauveivakaisini, dou sa sega li ni dui sereka, koi kemudou yadua, na nona pulumokau kei na nona asa e na siga ni vakacecegu mai na nona tikina, ka kauta me vagunuva?

Luke 20:46

Dou qarauni kemudou maivei ira na vunivola, era sa vinakata na lako voli e nai sulu balavu, ka sa vinakata na veikidavaki e na veirara ni veivoli, kei nai tikotiko ni qase e na veivale ni lotu, kei nai tikotiko vakaturaga e na kana vata:

Luke 6:24

Ia dou na ca, koi kemudou sa vutuniyau! ni dou sa qai rawata na nomudou vakacegu.

Luke 6:42

Se ko na kaya vakacava vua na wekamu, Na wekaqu, laiva me’u leuta tani mada na malamala sa tu e matamu, ia ko sa sega ni kunea na kau sa tu e matamu? A dauveivakaisini, mo cavuta mada eliu na kau mai na matamu, ia ko na qai raica vinaka mo leuta na malamala sa tu e na mata ni wekamu.

Joni 13:29

Era vakasama eso, ni sa taura na taga i lavo ko Jutasa, sa kaya vua ko Jisu, Volia na veika ena yaga vei keda e na kana vata; se me solia na ka eso vei ira era dravudravua.

Joni 5:41

Sa sega ni yaga vei au me ra vakarokorokotaki au ko ira na tamata.

Joni 5:44

Dou sa vakabauta rawa vakaevei, ni dou sa veivakarokorokotaki tiko vakai kemudou, ka sega ni gadreva na vakarokoroko sa lako mai vua na Kalou duaduaga?

Joni 7:18

O koya sa vosa vakai koya ga, sa vinakata me dokai; ia ko koya sa vinakata me dokai ko koya sa talai koya mai, sa dina, a sa sega vua na cala.

Cakacaka 10:2

a tamata daulotu, a sa rerevaka na Kalou, ko koya, kei ira kecega na nona lewe ni vale, a sa dausolia vakalevu na ka-ni-loloma vei ira na tamata, a sa daumasu vua na Kalou e na veisiga.

Cakacaka 10:31

a sa kaya, I Konilio, sa rogo na nomu masu, a sa vakananumi na nomu ka-ni-loloma e na mata ni Kalou:

Cakacaka 10:4

Ia ni sa vakaraica, sa rerevaka, ka kaya, Sa vakaevei noqu Turaga? A sa kaya vua ko koya, A nomu masu kei na nomu ka-ni-loloma sa lako cake ki na mata ni Kalou mo nanumi kina:

Cakacaka 11:29

Ia era sa lewa ko ira sa lotu me ra solia yadua na nodra ka-ni-loloma, me vaka era sa dui rawata, vei ira na veiwekani era sa tiko mai Jutia:

Cakacaka 24:17

Ia ni sa oti e vuqa na yabaki, ka’u a lako mai me’u kauta na ka-ni-loloma ki na noqu vanua, kei nai madrali eso.

Cakacaka 9:36

A sa tiko mai Jopa e dua sa lotu ko Tapaica na yacana, a kenai balebale ko Tokasa: sa dauoga sara na yalewa oqo e na cakacaka vinaka, kei na cakacaka loloma sa kitaka tiko.

Roma 12:8

se ko koya sa dauvunau, me vunau tiko; o koya sa ia na dausolisoli, me dina na lomana; o koya sa daulewa, me gumatua kina; o koya sa dauloloma, me ia e na reki.

1 Korinica 13:3

Ia kevaka kau sa vota na noqu ka kecega, meu vakani ira kina na dravudravua, ia kevaka kau sa solia na yagoqu meu vakamai, ka sa sega vei au na loloma, sa sega ni yaga vei au.

Kalatia 2:10

ia sa lomadra talega oqo, me keirau nanumi ira na dravudravua: a ka talega oqo kau sa gumatua kina.

Efeso 4:28

Me kakua ni butako tiko ko koya ka daubutako, ka me daucakacaka ga, ka kitaka e na ligana na ka sa yaga, me so kina na nona ka me soli vei koya sa dravudravua.

1 Cesalonaika 2:6

keitou sega talega ni qara me ra dokai keitou ko ira na tamata, se koi kemudou, se ko ira na tamata tani, ia sa rawarawa me keitou veivakaocataki, ni keitou sai apositolo i Karisito.

1 Timoci 6:18

me ra caka vinaka, me ra vutu ni cakacaka e yaga, me ra lomasoli, me ra via veivuke;

Filimoni 1:7

Ni sa levu na neitou reki kei na vakacegu e na vuku ni nomu loloma, na wekaqu, ni ko sa vakaceguya na lomadra era sa lotu.

Iperiu 13:16

Kakua talega ni guilecava na caka vinaka kei na dausoli ka: ni sa vinakata sara na Kalou nai madrali vakaoqo.

1 Pita 4:11

Kevaka e dua sa vosa, me ia me vaka na vosa ni Kalou: kevaka e dua sa kitaka na cakacaka, me ia ga me vaka na kaukauwa sa solia na Kalou: me vakarokorokotaki kina na Kalou e na ka kecega e na vuku i Jisu Karisito, o koya sa nona na vakarokoroko kei na lewa e na gauna kecega ka sega ni mudu. Emeni.

1 Samuela 15:30

A sa kaya ko koya, Au sa cala sara: ia oqo, mo vakarokorokotaki au mada e matadra na nodra qase na noqu tamata, kei na matadra na Isireli, ka me daru lesu mada me'u soro vei Jiova na nomu Kalou.