Maciu 6:19 - Vakavakadewa Makawa

¹⁹ Dou kakua ni kumuna vata vei kemudou nai yau e vuravura, e dauvakacacana kina na sarasara kei na veveka, a sa ravabasuka kina na daubutako ka butakoca:

Ai Vola Tabu (Vakadewa Makawa Vakavoutaki 2021)

¹⁹ “Dou kakua ni kumuna vata vei kemudou nai yau e vuravura, e dauvakacacana kina na sarasara kei na veveka, a sa ravabasuka kina na daubutako ka butakoca,

AI VOLA TABU

¹⁹ Dou kakua ni kumuna vata vei kemudou nai yau e vuravura, e dauvakacacana kina na sarasara kei na veveka, a sa ravabasuka kina na daubutako ka butakoca:

Vakavakadewa Vou kei na iVola tale eso

¹⁹ “Dou kakua ni kumuna vata vei kemudou na i yau e vuravura ena vanua e dau vakacacana na sarasara kei na veveka, ka ra dau curu botea kina na daubutako ka butakoca,

Ai Vola Tabu Ena Vakavakadewa Vou

¹⁹ “Dou kakua ni kumuna vata vei kemudou na i yau e vuravura ena vanua e dau vakacacana na sarasara kei na veveka, ka ra dau curu botea kina na daubutako ka butakoca,

Maciu 6:19 Iomraidhean Croise

Jope 24:16

Ni sa butobuto era kelirukuta na vale, Era sa digitaka oti e na siga: Era sega ni kila na rarama.

Jope 31:24

Kevaka ka'u a vakararavi ki na koula, Se'u kaya ki na koula talei, Ka'u sa vakadinati iko;

NA SAME 39:6

E dina ni ra yaloyalo walega na tamata ni ra bula voli; E dina ni ra lomaocaoca e na ka walega: Sa daukumuna vata nai yau, ka sa sega ni kila, se ko cei ena taukena.

NA SAME 62:10

Dou kakua ni vakararavi e nai valavala vakasausa, Ka kakua ni viavialevu e na daubutako: Kevaka sa levu mai nai yau, dou kakua ni daunanuma kina.

Lako Yani 22:2

Kevaka sa kune na butako ni sa basuka tiko na vale, a sa moku mate, ena sega ni tarogi na nona mate:

Vosavakaibalebale 11:4

Sa sega ni yaga nai yau e na siga ni cudru: Ia nai valavala dodonu sa ia na veivakabulai mai na mate.

Vosavakaibalebale 16:16

Na kena vinaka me rawata na vuku, ka ca me rawata na koula! Kei na rawata na yalomatua sa ka me digitaki, ia na rawata na siliva e sega ni vakakina.

Dauvunau 2:26

Ni sa dausolia na Kalou vua na tamata sa vinaka vua na vuku, kei na yalomatua, kei na marau: ia ka sa vota vua nai valavala ca na oca, me kumuna ka binia vata, me mani solia vei koya sa vinaka vua na Kalou. Oqo talega sa ka wale ka sa ka ni oca ga ki na yalo.

Sefanaia 1:18

Io, na nodra siliva kei na nodra koula ena sega ni vakabulai ira rawa e na siga ni cudru i Jiova; ia ena kania na vanua taucoko na bukawaqa ni nona vuvu: ni na vakidacala sara na nona vakaoti ira laivi na lewe ni vanua.

Maciu 19:21

Sa kaya vua ko Jisu, Kevaka ko sa vinakata mo vinaka sara, mo lako, mo volitaka na nomui yau, ka solia vei ira sa dravudravua, ko na qai vakaiyau mai lomalagi: ia mo lako mai, mo muri au.

Maciu 6:20

ia mo dou kumuna vata na nomudou i yau mai lomalagi, sa sega ni vakacacana kina na sarasara se na veveka, a sa sega ni ravabasuka kina na daubutako me butakoca:

Luke 12:21

Sa vakakina ko koya sa daubinia nai yau me nona, a sa sega ni vutuniyau e na ka ni Kalou.

Luke 12:33

Dou volitaka na ka sa tu vei kemudou, ka solia nai loloma; vakarautaka vei kemudou na taga-ni-lavo ena sega ni madra, ai yau mai lomalagi ena sega ni oti rawa, sa sega na daubutako sa torova, se na sarasara sa kania.

Luke 12:39

Ia dou kila ga oqo, kevaka e kila nai taukei ni vale na tiki-ni-bogi e lako mai kina na daubutako, sa vakatawa ga, ka sega ni laiva na nona vale me ravabasuki.

Luke 18:22

Ia ni sa rogoca na ka oqo ko Jisu, sa kaya vua, E dua na ka sa sega vei iko, mo volitaka na ka kecega sa tu vei iko, ka solia vei ira sa dravudravua, ko na qai vakaiyau mai lomalagi: ia mo lako mai, mo muri au.

Luke 18:24

Ia ni sa raica ko Jisu ni sa rarawa sara na lomana, sa kaya, E dredre sara vei ira sa vutuniyau me curu ki na matanitu ni Kalou!

1 Timoci 6:17

Vakarota vei ira era sa vutuniyau e na gauna oqo, me ra kakua ni dokadokai ira se vakararavi e nai yau sa sega ni tu dei, vua ga na Kalou bula, o koya sa solia vakalevu vei keda na ka kecega eda marau kina;

Iperiu 13:5

Mo dou kakua ni daukocova nai lavo: ia dou lomavinaka e na ka sa tu vei kemudou: ni sa kaya ko koya, Au na sega sara ni biuti iko, se vakalaivi iko.