Maciu 6:16 - Vakavakadewa Makawa

¹⁶ Ia ni dou sa lolo, kakua ni vakaveveku mata, me vakataki ira na dauveivakaisini; ni ra sa vakatanitaka na matadra, me rairai vei ira na tamata na nodra lolo. Au sa kaya vakaidina vei kemudou, Sa tu ga vei ira na kenai sau.

Ai Vola Tabu (Vakadewa Makawa Vakavoutaki 2021)

¹⁶ “Ia ni dou sa lolo, kakua ni vakaveveku mata, me vakataki ira na dauveivakaisini, ni ra sa vakatanitaka na matadra, me rairai vei ira na tamata na nodra lolo. Au sa kaya vakaidina vei kemudou, Sa tu ga vei ira na kenai sau.

AI VOLA TABU

¹⁶ Ia ni dou sa lolo, kakua ni vakaveveku mata, me vakai ira na dauveivakaisini; ni ra sa cakava vakatani na matadra, me rairai vei ira na tamata na nodra lolo. Au sa kaya vakaidina vei kemudou, Sa tu ga vei ira na kenai sau.

Vakavakadewa Vou kei na iVola tale eso

¹⁶ “Ni dou sa lolo, kakua ni vakaveveku mata me vakataki ira na dauveivakaisini, ni ra dau vukica vakatani na matadra, me laurai vei ira na tamata na nodra lolo voli. Au sa kaya vakaidina vei kemudou, era sa taura oti na kedra i sau.

Ai Vola Tabu Ena Vakavakadewa Vou

¹⁶ “Ni dou sa lolo, kakua ni vakaveveku mata me vakataki ira na dauveivakaisini, ni ra dau vukica vakatani na matadra, me laurai vei ira na tamata na nodra lolo voli. Au sa kaya vakaidina vei kemudou, era sa taura oti na kedra i sau.

Maciu 6:16 Iomraidhean Croise

2 Samuela 12:16

A sa vakamasuta na Kalou ko Tevita e na vuku ni gone; a sa lolo ko Tevita, ka curu, ka koto e na qele ka siga mai.

2 Samuela 12:21

Eratou sa qai taroga vua ko iratou na nona tamata, A cava na ka oqo ko ni sa cakava? ni sa bula tiko na gone, ko ni a lolo ka tagi e na vukuna; ia ni sa qai mate na gone, ko ni a tu cake ka kana.

1 Tui 21:27

Ia ni sa rogoca na vosa oqo ko Eapi, sa dresulaka na nonai sulu, ka vakaisulutaki koya e nai sulu taga, ka lolo, ka koto e nai sulu taga, ka lako voli vakamalumalumu.

Niemaia 1:4

Ia ni'u sa rogoca na vosa oqo, au sa tiko sobu ka tagi, ka yaso bogi vica, ka lolo, ka masu vua na Kalou ni lomalagi, ka kaya,

Esiteri 4:16

Mo lako, mo vakasoqoni ira vata kece na Jiu era tiko e Susani, ka mo dou lolovaki au, ia mo dou kakua ni kana se gunu e na bogi se na siga, ka bogi tolu: koi au talega kei iratou na noqu goneyalewa keitou na lolo talega; ia ka'u na qai lako ga vua na tui, ia sa sega ni vaka na lawa: ia kevaka ka'u sa mate, au sa mate ga.

NA SAME 109:24

Sa malumalumu na duruqu e na daulolo: Ka sa lutu sobu na yagoqu.

NA SAME 35:13

Ia koi au, ni ra sa tauvi mate, ka'u sa vakaisulu e nai sulu taga: Ka'u sa vakamalumalumutaki au e na lolo; Ka sa suka tale ki na lomaserequ na noqu masu.

NA SAME 69:10

Ni'u a tagi, ka vakararawataka na yaloqu ni'u a lolo, Ka'u a vosavakacacataki kina.

Taniela 9:3

Ia ka'u a vaqara na mataqu vua na Turaga na Kalou, me'u vakasaqarai koya e na masumasu, kei na kere loloma, e na lolo, kei nai sulu taga, kei na dravusa:

Malakai 3:14

Dou a kaya, Sa sega ni yaga na qarava na Kalou; ia ka cava na betena na noda vakabauta na ka sa lesia ko koya, ka ni da sa lako vakaloloku voli talega e na mata i Jiova ni lewe vuqa?

Maciu 6:1

Dou raici kemudou vinaka mo dou kakua ni kitaka na nomudou i loloma e na matadra na tamata, me ra raici kemudou kina; kevaka e vakaoqo, ena sega na kemudoui sau mai vua na Tamamudou sa tiko mai lomalagi.

Maciu 6:2

O koya oqo, ni ko sa kitaka nai loloma, mo kakua ni uvuca na davui e matamu, me vaka era daukitaka na dauveivakaisini e na veivale ni lotu kei na veigaunisala, me ra dokai kina vei ira na tamata. Au sa kaya vakaidina vei kemudou, Sa tu ga vei ira na kenai sau.

Maciu 6:5

Ia ni ko sa masu, mo kakua ni vakataki ira na dauveivakaisini: ni ra sa vinakata me ra tu e na veivale ni lotu kei na veitutu-ni-sala ni ra masu, me raici ira kina ko ira na tamata. Au sa kaya vakaidina vei kemudou, Sa tu ga vei ira na kenai sau.

Marika 2:18

A ra sa daulolo ko ira na tisaipeli i Joni kei na nodra tisaipeli na Farisi: a ra sa lako mai ka kaya vua, A cava sa lolo kina ko ira na tisaipeli i Joni kei na nodra tisaipeli na Farisi, ia na nomu tisaipeli era sa sega ni lolo?

Luke 18:12

Au sa lolo vakarua e na veiwiki, au sa solia nai katini ni ka kecega au sa rawata.

Luke 2:37

sa qai yada, ka walusagavulu ka va na kena yabaki,) a sa sega ni lako tani e vale ni soro, a sa daulotu ka lolo ka masu e na siga kei na bogi.

Cakacaka 10:30

A sa kaya ko Konilio, Sa qai oti ga e va na bogi ka’u a lolo ka yacova na aua oqo; e nai kaciwa ni aua ka’u a masu e na noqu vale, ka raica, sa dua na tamata sa tu e mataqu sa vakaisulu lumilumisa,

Cakacaka 14:23

Ia ni rau sa lesia eso me nodra qase nai soqosoqo lewe ni lotu kecega, ni rau sa masu talega ka lolo, erau sa tataunaki ira vua na Turaga, ko koya era a vakabauta.

1 Korinica 7:5

Dou kakua ni tarova na veiyacovi vakai kemudou, me ia ga ni sa vinakata ruarua e na gauna lekaleka, mo dou lalaga ki na lolo kei na masu; ia dou qai veiyacovi tale, de dauveretaki kemudou ko Setani e na vuku ni nomudou dauveidomoni.

2 Korinica 11:27

au a dauoca ka daurarawa, au a dauyadra vakavuqa, au a dauviakana ka dauviagunu, au a daulolo vakavuqa, au a liliwa ka luvawale.

2 Korinica 6:5

e na vakanakuitataki, e na biu ki na veivale ni veivesu, e na ue, e na daucakacaka, e na dauyadra, e na daulolo;