Maciu 6:13 - Vakavakadewa Makawa

¹³ Ia kakua ni kauti keimami ki na vere, ka mo ni vakabulai keimami mai na ca: Ni sa nomuni na lewa, kei na kaukauwa, kei na vakarokoroko, ka sega ni mudu. Emeni.

Ai Vola Tabu (Vakadewa Makawa Vakavoutaki 2021)

¹³ Ni kakua ni kauti keimami ki na vere, ka mo ni vakabulai keimami mai na ca. Ni sa nomuni na matanitu, kei na kaukauwa, kei na lagilagi, ka sega ni mudu. Emeni.

AI VOLA TABU

¹³ Ia kakua ni kauti keimami ki na vere, ka vakabulai keimami mai na ca: Ni sa nomu na lewa, kei na kaukauwa, kei na vakarokoroko, ka tawa mudu. Emeni.

Vakavakadewa Vou kei na iVola tale eso

¹³ Ni kakua ni kauti keimami ki na vere; Ka mo ni vakabulai keimami mai na ca. (Ni sa nomuni na matanitu, Kei na kaukauwa, kei na lagilagi Ka sega ni mudu. Emeni.)

Ai Vola Tabu Ena Vakavakadewa Vou

¹³ Ni kakua ni kauti keimami ki na vere; ka mo ni vakabulai keimami mai na ca. (Ni sa nomuni na matanitu, kei na kaukauwa, kei na lagilagi, ka sega ni mudu. Emeni.)

Maciu 6:13 Iomraidhean Croise

Vakatekivu 22:1

Sa oti na ka oqori, sa qai vakatovolei Eparaama na Kalou, a sa kaya vua, I Eparaama. A sa kaya ko koya, Koi au, noqu Turaga

1 Tui 1:36

A sa vosa vua na tui ko Pinaia na luve i Jioiata, ka kaya, Emeni: me kaya vakakina ko Jiova na nona Kalou na noqu turaga na tui:

1 Veigauna 16:36

Me vakavinavinakataki ko Jiova na nodra Kalou na Isireli Ka tawa mudu. A ra sa vakaemeni ko ira kecega na tamata, ka ra sa vakavinavinaka kivei Jiova.

1 Veigauna 29:11

I Jiova, ko sa cecere, sa nomuni ga na kaukauwa, kei na lagilagi, kei na gumatua, kei na ka vakaturaga: ni sa nomuni ga na ka kecega mai lomalagi, kei vuravura; sa nomuni na matanitu, kemuni Jiova, ia ko ni sa cecere cake me ulu ni ka kecega.

1 Veigauna 4:10

A sa masuta na nodra Kalou na Isireli ko Jepesi, ka kaya, Mo ni vakalougatataki au vakaidina, ka vakalevutaka na noqu yasana, ia me tiko kei au na ligamuni, ia mo ni tarovi au mai na ca, me kakua ni vakararawataki au! A sa vakayacora na Kalou na ka sa kerea ko koya.

NA SAME 10:16

A Tui ko Jiova ka sega ni mudu; Sa kawaboko mai na nona vanua na lewe ni veimatanitu.

NA SAME 106:48

Me vakarokorokotaki ko Jiova na nodra Kalou na Isireli, Mailiu sara ka yacova na gauna ena sega ni mudu: Ia me ra vakaemeni na tamata kecega. Dou ia vei Jiova na vakavinavinaka.

NA SAME 22:28

Ni sa nei Jiova na matanitu; Ia ko koya ga sa turaga vei ira na veimatanitu;

NA SAME 41:13

Me vakavinavinakataki ko Jiova na Kalou ni Isireli, Mai na gauna sa sega ni tekivu ki na gauna sa sega ni oti. Emeni, Emeni.

NA SAME 47:2

Ni sa rerevaki ko Jiova, o Koya sa Cecere sara; Na Tui levu kei vuravura taucoko.

NA SAME 47:7

Ni sa Tui kei vuravura taucoko na Kalou: Dou vakavinavinaka e na sere e na lomavuku.

NA SAME 72:19

Ia me vakavinavinakataki na yacana vakaiukuuku ka sega ni mudu; Ia me sinai talega ko vuravura taucoko e na nonai ukuuku. Emeni, Emeni.

NA SAME 89:52

Me vakarokorokotaki ko Jiova ka sega ni mudu. Emeni, Emeni.

Lako Yani 15:18

Ena tawa mudu ka tawa mudu na nona lewa ko Jiova.

Vosavakaibalebale 30:8

Mo ni kauta tani vakayawa vei au na ka lasu kei na vosa lasu: Mo ni kakua ni soli au me'u dravudravua se me'u vutuniyau; Ni vakani au e na kakana sa rauti au:

Jeremaia 15:21

ia ka'u na kaliraki iko mai na ligadra na tamata ca, ka vakabulai iko mai na ligadra na daurerevaki.

Jeremaia 28:6

ka sa vakaemeni kina ko Jeremaia na parofita, ka kaya, Me sa ia vakakina ko Jiova: ka me vakayacora ko Jiova na vosa ko sa parofisaitaka, me kauta tale mai nai yaya ni vale i Jiova, kei na ka kece sa kau yani, mai Papiloni ki na yasana oqo.

Taniela 4:25

Ia era na vakasavi kemuni tani mai vei ira na tamata, ia kemuni na tiko vata kei ira na manumanu, ka ra na vakani kemuni e na co me vaka ko ni sa pulumokau, ia kemuni na suasua e na tegu ni lomalagi, ka me oti mada vei kemuni e vitu na yabaki, mo ni kila mada kina ni sa lewa ko Koya sa Cecere sara e na matanitu ni tamata, ka sa solia vua sa lomana kina.

Taniela 7:18

Ia ko ira na yalosavasava i Koya sa Cecere sara era na rawata na matanitu, ka ra na taukena na matanitu ka sega ni mudu, io ka sega sara ni mudu.

Tiko mai na Lekutu 5:22

ia na wai oqo sai vakayacoyaco ni cudru ena curuma na ketemu me vuvuce kina, ka me vuca na sagamu. Me na qai kaya na yalewa, Emeni, emeni.

Maciu 26:41

Dou vakatawa ka masu, me kakua ni rawai kemudou na vere: e dina ga sa gu na yalo, ia na yago sa malumalumu.

Maciu 28:20

vakavulici ira me ra vakabauta na ka kece kau a vosa kina vei kemudou: ka mo dou kila, au sa tiko vata kei kemudou e na veisiga kecega, ka yacova nai vakataotioti kei vuravura. Emeni.

Maciu 5:37

Ia me io, na io, me sega, na sega, na nomudou vosa: ia na ka sa levu cake, sa tubu e na ca.

Maciu 6:10

Me yaco na nomuni lewa. Me caka na lomamuni e vuravura me vaka sa caka mai lomalagi.

Joni 17:15

Au sa sega ni masu mo ni kauti ira tani e vuravura, mo ni maroroi ira ga mai na vu-ni-ca.

1 Korinica 10:13

Sa sega na vere tani sa yaco vei kemudou, o koya ga sa vorata rawa na tamata: ia sa yalodina na Kalou o koya ena sega ni laivi kemudou mo dou dauveretaki vakalevu cake, me vaka ga na nomudou kaukauwa; ka na cakava talega kei na vere na sala mo dou dro kina, mo dou vosota rawa.

1 Korinica 14:16

Kevaka sa sega ni vakakina, ni ko sa vakavinavinaka e na yalomu ga, ena vakaemeni vakaevei e na nomu vakavinavinaka ko koya sa tiko e na nodra tikina na tamata sa sega ni vuku, ni sa sega ni kila na ka ko sa kaya?

2 Korinica 1:20

ni sa io na vosa ni yalayala kecega ni Kalou e na vukuna, era sa vakaemeni talega e na vukuna, me vakacaucautaki na Kalou e na vuku i keitou.

Kalatia 1:4

o koya ka soli koya e na vuku ni nodai valavala ca, me vakabulai keda kina mai na vuravura ca oqo, me vaka na loma ni Kalou ko Tamada:

Vakarua 8:16

o koya ka vakani iko e na mana e na vanua liwa, na ka era sega ni kila eliu na nomuni qase, me vakamalumalumutaki kemuni kina, ka vakatovolei kemuni, me caka vinaka vei kemuni e na gauna maimuri;

Vakarua 8:2

Ia mo ni nanuma na sala kecega sa kauti kemuni kina ko Jiova na nomuni Kalou, e na vanua liwa, e na yabaki e vasagavulu sa oti oqo, me vakamalumalumutaki kemuni, me vakatovolei kemuni, me kila kina na ka sa tiko e lomamuni, se ko ni na vakabauta na nona vunau, se segai.

1 Cesalonaika 1:10

mo dou waraka talega na Luvena mai lomalagi, sa vakatura cake tale ko koya mai na mate, ko Jisu, o koya sa vakabulai keda mai na cudru sa bera mai.

2 Cesalonaika 3:3

Ia sa lomadina na Turaga, o koya ena vakataudeitaki kemudou, ka maroroi kemudou mai na ca.

1 Timoci 1:17

Ia, vua na Tui tawa tubu, sa sega ni mate rawa, sa sega ni rairai, na Kalou vuku duaduaga, me ia na vakarokoroko kei na vakadokadokai ka sega ni mudu. Emeni.

Iperiu 11:36

ia sa vakatovolei eso e na veivakalialiai kei na vakanakuitataki, kei na vesu talega kei na biu ki na vale ni veivesu;

1 Pita 5:8

Dou yalomatua, dou vakatawa: sa veilakoyaki voli na nomudou meca na tevoro, me vaka na laioni sa tagi, a sa vakasaqara eso me tiloma:

2 Pita 2:9

sa kila kina na Turaga me vakabulai ira era sa daulotu mai na veivakatovolei, me maroroi ira talega na tawa yalododonu me yaco mada na siga ni lewa me ra qai cudruvi:

1 Joni 3:8

A luve ni tevoro ko koya sai valavala ca tiko; ni sai valavala ca na tevoro mai nai vakatekivu. E na vuku ni ka oqo sa vakaraitaki kina na Luve ni Kalou, me vaqeavutaka na cakacaka ni tevoro.

Vakatakila 1:18

o koya sa qai Bula; ka'u a mate eliu, ka raica, au sa bula ka tawa mudu, Emeni; au sa taura talega nai dola kei etesi kei na mate.

Vakatakila 19:1

Sa oti na veika oqo, ka'u a rogoca na domodra na lewe vuqa mai lomalagi, era sa kaya, Aleluya: A bula, kei na vakavinavinaka, kei na vakarokoroko, kei na kaukauwa, me ia vua na noda Kalou:

Vakatakila 19:4

A sa cuva sobu na qase e lewe ruasagavulu ka va, kei na ka bula e le va, a ra sa vakarokoroko vua na Kalou o koya sa tiko e nai tikotiko-vakaturaga, ka kaya, Emeni; Aleluya.

Vakatakila 2:10

Kakua ni rerevaka e dua na ka ko na vosota: raica, na tevoro ena biuti kemudou eso ki na vale ni veivesu, mo dou vakatovolei kina; ia dou na vakararawataki ka bogi tini: dou gumatua mo dou yacova na mate, au na qai solia vei kemudou nai sala ni bula.

Vakatakila 21:4

Ia na Kalou ena tavoya tani kecega na wai ni mata mai na matadra; ia ena sega tale na ciba, se na rarawa, se na tagi, ka na sega tale na vutugu: ni sa takali tani na ka makawa.

Vakatakila 3:10

Ni ko sa vakabauta na noqu vosa mo vosota ga, ka'u na maroroi iko talega e na gauna ni dauveivakatovolei, ko ya ena lako mai ki vuravura taucoko, me vakatovolei ira sa tiko e vuravura.

Vakatakila 3:14

MO volavola talega vua nai talatala ni soqosoqo lewe ni lotu mai Leotisea: Sa tukuna na veika oqo na Emeni, o koya sa dautukuna na ka dodonu ka dina, ai vakatekivu ni cakacaka ni Kalou:

Vakatakila 5:13

Ia kau a rogoca na ka bula kece mai lomalagi, kei vuravura, kei na ruku i vuravura, kei na wasawasa, kei na ka kecega sa tu kina, ni ra kaya, Me ia vua sa tiko e nai tikotiko-vakaturaga, vei koya talega na Lami, na vakavinavinaka, kei na vakarokoroko, kei nai ukuuku, kei na kaukauwa, ka sega ni mudu.