Maciu 6:10 - Vakavakadewa Makawa

¹⁰ Me yaco na nomuni lewa. Me caka na lomamuni e vuravura me vaka sa caka mai lomalagi.

Ai Vola Tabu (Vakadewa Makawa Vakavoutaki 2021)

¹⁰ Me yaco mai na nomuni matanitu. Me caka na lomamuni e vuravura me vaka sa caka mai lomalagi.

AI VOLA TABU

¹⁰ Me yaco na nomu lewa. Me caka na nomu veitalia e vuravura me vaka mai lomalagi.

Vakavakadewa Vou kei na iVola tale eso

¹⁰ Me yaco mai na nomuni matanitu; Me caka na lomamuni e vuravura Me vaka sa caka tiko mai lomalagi.

Ai Vola Tabu Ena Vakavakadewa Vou

¹⁰ Me yaco mai na nomuni matanitu. Me caka na lomamuni e vuravura me vaka sa caka tiko mai lomalagi.

Maciu 6:10 Iomraidhean Croise

Niemaia 9:6

Koi kemuni ko Jiova, sai kemuni duaduaga; ko ni a bulia na lomalagi, na lomalagi kece kei na kedrai vavakoso kecega, na vuravura, kei na ka kecega sa tu kina, na wasawasa, kei na ka kecega sa tu kina, ko ni sa maroroya kece talega; a ra sa vakarokoroko vei kemuni nai vavakoso ni lomalagi.

NA SAME 2:6

Ia koi au ga, ka'u sa buli koya na noqu tui E na noqu ulu-ni-vanua tabu ko Saioni.

NA SAME 40:8

Au sa reki me'u kitaka na ka ko ni sa vinakata, noqu Kalou: Io, na nomuni vunau sa tu e na vu ni yaloqu.

Aisea 2:2

Sa na yaco e na gauna maimuri, ni na vakataudeitaki na ulu-ni-vanua ni vale i Jiova me sivia na veiulu-ni-vanua, ena vakaceceretaki ka me lolovira na veiulu-ni-koro; ka ra na drodro kina na veimatanitu kecega.

Jeremaia 23:5

Raica, sa kaya ko Jiova, ena yaco na gauna, ka'u na vakatubura kina vei Tevita e dua na Coke yalododonu, ia ena lewa e dua na Tui ka cakacaka yaco, ena ia ko koya na lewa kei na cakacaka dodonu e vuravura:

Taniela 2:44

Ia e na nodra gauna na tui ko ya ena qai vakatura na Kalou ni lomalagi e dua na matanitu, ena sega sara ni vakarusai rawa: ia na matanitu ko ya ena sega ni biu tu me nodra na tamata tani, ia ena vurumemeataka ga ka vakaotia na veimatanitu oqori, ka na tu ga ka sega ni mudu.

Taniela 4:35

ia na kai vuravura kecega sa nanumi me ra ka wale: ka sa cakava na ka e vinakata ko koya e na kedra maliwa nai vavakoso vakalomalagi, kei ira talega na kai vuravura: ka sa sega e dua e vakadaroya rawa na ligana, se kaya vua, A cava ko sa cakava?

Taniela 7:13

Au a vakaraica e na raivotu ni bogi, ka raica, sa lako mai e na o kei lomalagi e dua sa vaka e dua na Luve ni tamata ka sa lako mai vei koya sa dede sara na nona bula, ka ra sa kauti koya sara vua.

Taniela 7:27

Ia na matanitu kei na lewa, kei na kena levu ni veimatanitu e ruku i lomalagi taucoko, ena soli vei ira na yalosavasava nei Koya sa Cecere sara, a nona matanitu sa matanitu e sega ni mudu, ia ko ira na turaga kecega era na qaravi koya ka talairawarawa vua.

Sakaraia 9:9

Mo reki vakalevu, na goneyalewa ni Saioni; mo kaikaila, na goneyalewa ni Jerusalemi: raica, ena lako mai vei iko na nomu Tui, sa yalododonu, a sa ia na veivakabulai ko koya, sa yalomalua, ka sa vodo lako e na asa, io, e na luve ni asa.

Maciu 12:50

ko koya yadua ena kitaka na loma i Tamaqu sa tiko mai lomalagi, sai koya oqo na taciqu, kei na ganequ, kei na tinaqu.

Maciu 16:28

Au sa kaya vakaidina vei kemudou, Sa tu eke eso, era na sega dina ni mate, era na raica mada na Luve ni tamata ni sa lako mai e na nona matanitu.

Maciu 26:42

Sa lako vakarua ko koya ka masu, ka kaya, I Tamaqu, kevaka e sega ni rawa me takali tani vei au na bilo oqo, ka meu gunuva ga, me yaco ga na nomu lewa.

Maciu 3:2

ka kaya, Dou veivutuni! ni sa voleka na matanitu vakalomalagi.

Maciu 4:17

Mai na gauna ko ya sa vakatekivu kina ko Jisu me dauvunau, ka kaya, Dou veivutuni! ni sa voleka na matanitu vakalomalagi.

Maciu 7:21

Ena sega ni curu ki na matanitu vakalomalagi ko ira kecega sa kaya vei au, Turaga, Turaga; ko koya ga sa cakava na loma i Tamaqu sa tiko mai lomalagi.

Marika 11:10

sa kalougata na matanitu nei Tevita na noda qase, ko koya sa yaco mai! Osana kicake sara!

Marika 3:35

ko koya yadua ena muria na loma ni Kalou, sai koya oqo na taciqu, se na ganequ, se na tinaqu.

Luke 19:11

Ia ni ra sa rogoca na veika oqo, sa qai tukuna talega ko koya e dua na vosa vakatautauvata, ni sa voleka ko koya ki Jerusalemi, ka ni ra sa nanuma talega ena rairai vakasauri mai na matanitu ni Kalou.

Luke 19:38

A ra sa kaya, Sa kalougata na Tui sa lako mai e na yaca ni Turaga! me tu mai lomalagi na veivinakati, kei na vakarokoroko e na veiyasana ecake sara.

Luke 22:42

ka kaya, Tamaqu, kevaka ko ni sa vinakata, ni kauta tani vei au na bilo oqo: ia me kakua ni yaco na noqu lewa, me yaco ga na nomuni lewa.

Joni 4:34

Sa kaya vei ira ko Jisu, A qau kakana meu kitaka na loma i koya sa talai au mai; ka meu vakaotia na nona cakacaka.

Joni 6:40

Ia sai koya oqo na loma i Tamaqu, me ra rawata yadua na bula tawa mudu ko ira sa raica na Luvena, ka vakabauti koya; ia kau na vakaturi koya cake e na siga maimuri.

Joni 7:17

Kevaka e dua na tamata sa via cakava na loma i koya, ena kila se sa ka mai vua na Kalou nai vakavuvuli, seu vosa vakai au ga.

Cakacaka 13:22

Ia ni sa kauti koya tani, sa qai vakatuburi Tevita me nodra tui; a sa tukuni koya talega, ka kaya, Au sa kunei Tevita na luve i Jese, a tamata sa vaka na lomaqu, ko koya ena cakava kecega na noqu lewa.

Cakacaka 21:14

Ia ni sa bese ni vakarogoca ko koya, keitou sa kua soti, ka kaya, Me yaco ga na nona lewa na Turaga.

Cakacaka 22:14

A sa kaya ko koya, Sa digitaki iko na nodra Kalou na noda qase, mo kila na lomana, ka raici Koya na Yalododonu, ka rogoca na vosa ni gusuna:

Roma 12:2

Ia dou kakua ni vakatauvatani kemudou kei ira era sa vakavuravura: ia dou mataliataki ga ni sa vakavoui na yalomudou, mo dou kila rawa kina na loma ni Kalou, sa yaga, ka vinaka, ka dodonu sara.

Efeso 6:6

mo dou kakua ni makutu e matadra ga na turaga, mo dou vinakati kina vakatamata; ia me vaka dou sa tamata nei Karisito, mo dou cakava na loma ni Kalou mai na vu ni yalomudou;

Kolosa 1:13

o koya sa vakabulai keda mai na lewa ni butobuto, a sa kauti keda ki na matanitu nei koya na nona Gone ni toko:

Kolosa 1:9

E na vuku ni ka oqo koi keirau talega, sa vakatekivu vata kei na siga keirau a rogoca kina, keirau sa sega ni mudu kina ni masulaki kemudou, ka masu mo dou vakasinaiti e na nomudou kila na lomana, e na yalomatua kei na vuku vakayalo kecega;

1 Cesalonaika 4:3

Ni sa loma ni Kalou oqo, mo dou yalosavasava, mo dou kakua ni dauyalewa:

1 Cesalonaika 5:18

Dou ia na vakavinavinaka e na vuku ni ka kecega: ni sa loma ni Kalou oqo vei kemudou e na vuku i Karisito Jisu.

Iperiu 1:14

Era sa sega li ni yalo dauveiqaravi ko ira kecega, sa talai yani me qaravi ira era na yaco emuri mei taukei ni bula?

Iperiu 10:36

Ni sa yaga vei kemudou na vosota, mo dou cakava na ka sa lewa na Kalou, ka me nomudou kina na ka ka yalataki.

Iperiu 10:7

Au sa qai kaya, Raica, au sa lako mai, (Au a volai e nai vola vivigi,) Me'u cakava na ka ko sa vinakata, na Kalou.

Iperiu 13:21

me vakavinakataki kemudou mada ko koya e nai valavala vinaka kecega mo dou cakava na nona lewa, ka me cakava ko koya e na lomada na ka sa vinaka vua, e na vuku i Jisu Karisito; me ia vei koya na vakarokoroko ka sega ni mudu. Emeni.

1 Pita 2:15

Ni sai koya na loma ni Kalou, mo dou vagaluya e nai valavala vinaka na nodra sesewa na tamata lialia:

1 Pita 4:2

me kakua kina ni vaka na gagadre ca ni tamata na nona bula e na yagona e na gauna sa vo, me vaka ga na loma ni Kalou.

Vakatakila 11:15

SA qai uvu davui nai kavitu ni agilose; a sa muri eso na vosa sa domo levu mai lomalagi, sa kaya, Na matanitu kei vuravura oqo sa qai yaco me nona na noda Turaga, a nei koya na nona Karisito; ia ena lewa ko koya ka sega ni mudu.

Vakatakila 12:10

Au sa rogoca e dua na domo levu mai lomalagi, sa kaya, Sa qai yaco na bula, kei na kaukauwa, kei na matanitu ni noda Kalou, kei na kaukauwa ni nona Karisito: ni sa biu sobu ko koya sa daubeitaki ira na wekada, o koya oqo sa beitaki ira tikoga e na mata ni Kalou e na siga kei na bogi.

Vakatakila 19:6

Au sa rogoca na ka e vaka na domo ni lewe vuqa, ka vaka na domo ni wai e vuqa, ka vaka na domo ni kurukuru levu, sa kaya, Aleluya: sa lewa na Turaga na Kalou Kaukauwa sara.

Vakatakila 20:4

Ia ka'u a raica eso nai tikotiko-vakaturaga, ka ra tiko kina eso, a sa soli vei ira me ia na veilewai: au a raica na yalodra talega e tamusuki na uludra ni ra sa vakatusai Jisu, e na vuku talega ni vosa ni Kalou, o ira era sa sega ni vakarokoroko vua na manumanu, se vua na nona matakau, a sa sega talega ni volai nai vakatakilakila e na yadredra, se na ligadra: a ra sa bula ka lewa vata kei Karisito ka dua na udolu na yabaki.