Maciu 5:8 - Vakavakadewa Makawa

⁸ Sa kalougata ko ira sa yalosavasava: ni ra na raica na Kalou.

Ai Vola Tabu (Vakadewa Makawa Vakavoutaki 2021)

⁸ “Sa kalougata ko ira sa yalosavasava, ni ra na raica na Kalou.

AI VOLA TABU

⁸ Sa kalougata ko ira sa yalosavasava: ni ra na raica na Kalou.

Vakavakadewa Vou kei na iVola tale eso

⁸ “Sa kalougata o ira era sa yalo savasava; Ni ra na raica na Kalou.

Ai Vola Tabu Ena Vakavakadewa Vou

⁸ “Sa kalougata o ira era sa yalosavasava; Ni ra na raica na Kalou.

Maciu 5:8 Iomraidhean Croise

Vakatekivu 32:30

A sa vakatoka ko Jekope na yaca ni yasana ko ya ko Penueli [A mata ni Kalou]: ni keirau sa veikune kei na Kalou, ia ka'u sa bula tiko.

2 Samuela 22:27

Vei koya sa yalosavasava, ko ni na cakacaka vakayalosavasava; Ia vei koya sa yalotakelo, ko ni na veivala kaya.

NA SAME 15:2

O koya sa lako vakadodonu, ka kitaka nai valavala dodonu, Ka vosa dina tiko mai na vu ni yalona.

NA SAME 18:26

O ni na vakatakila na nomuni yalosavasava vua sa yalosavasava; O ni na vala kaya sa yaloveve.

NA SAME 24:4

O koya sa liga savasava ka sa yalosavasava; O koya sa sega ni vagolea cake na yalona ki na ka walega. Ka sa sega ni bubului vakailasu.

NA SAME 51:10

Kemuni na Kalou, mo ni bulia e lomaqu na yalo e savasava; Ka vakavouya e lomaqu na yalo sa dei tiko.

NA SAME 51:6

Raica, ko ni sa vinakata na ka dina mai na vu ni yalo: Ia mo ni vakavukui au e na tikina eloma.

NA SAME 73:1

Sa yalololoma vakaidina na Kalou vei ira na Isireli, Io, vei ira era sa yalosavasava.

Vosavakaibalebale 22:11

O koya sa vinakata ni yalosavasava Ka vosa vakayalololoma, ena veiwekani kaya na tui.

Cakacaka 15:9

a sa sega ni vinakati keda cake vei ira, ia sa vakasavasavataka na yalodra e na vakabauta.

1 Korinica 13:12

Io, edaidai eda sa raica me vaka na titiro e nai iloilo buawa; ia maimuri ena vaka na veirai e na matanavotu: edaidai kau sa kila vakatikina ga; ia maimuri, kau na kila me vaka kau sa kilai.

2 Korinica 7:1

O koya oqo kemudou sa daulomani, ni sa qai tu vei keda na vosa ni yalayala oqo, me da vakasavasavataki keda mai na dukadukali kecega ni yago kei na yalo, me da ia sara na ka savasava e na rere vua na Kalou.

Vei Taito 1:15

Sa savasava na ka kecega vei ira era sa yalosavasava: ia vei ira era sa dukadukali ka sega ni vakabauta sa sega na ka sa savasava; ia sa dukadukali na nodra lewa-eloma kei na yalodra.

Iperiu 10:22

me da toro voleka yani e na yalo dina kei na vakabauta dina sara, ni sa kureitaki tu na yaloda me da kakua ni beitaki keda e na ca, ka sa vakasilimi tu na yagoda e na wai makare.

Iperiu 12:14

Dou segata mo dou veivinakati kei ira na tamata kecega, kei na yalosavasava, ni sa sega e dua ena raica na Turaga kevaka e sega vua na ka oqo:

Iperiu 9:14

ena vakatanievei na dra nei Karisito, o koya ka vakacabori koya vua na Kalou e na vuku ni Yalo Tabu tawa mudu ia ka sega vua na ca, ena sega beka ni rawarawa sara me vui laivi kina na nomudou lewa-eloma mai na cakacaka sa ka ni mate, mo dou qarava na Kalou bula?

Jemesa 3:17

Ia na vuku maicake sa savasava mada, emuri sa dauia na veivakacegui, sa yalomalua, sa vakamasuti rawarawa, sa sinai e na loloma kei na vua vinaka, sa sega ni digitaki ira vakatani na tamata, se dauveivakaisini.

Jemesa 4:8

Toro voleka yani vua na Kalou, ka na toro voleka mai vei kemudou ko koya. Vakasavasavataka na ligamudou, oi kemudou na lomalomarua.

1 Pita 1:22

Dou vakasavasavataka na yalomudou ni dou sa talairawarawa ki nai vakavuvuli dina e na vuku ni Yalo Tabu, mo dou lomani ira kina na veiwekani e na loloma tawa lasu ia dou veilomani vakai kemudou e na yalosavasava kei na lomakatakata:

Vakatakila 22:4

era na raica na matana, ka na volai e na yadredra na yacana.