Maciu 5:5 - Vakavakadewa Makawa

⁵ Sa kalougata ko ira sa yalomalua: ni ra na taukena na vanua.

Ai Vola Tabu (Vakadewa Makawa Vakavoutaki 2021)

⁵ “Sa kalougata ko ira sa yalomalua, ni ra na taukena na vanua.

AI VOLA TABU

⁵ Sa kalougata ko ira sa yalomalua: ni ra na taukena na vanua.

Vakavakadewa Vou kei na iVola tale eso

⁵ “Sa kalougata o ira era sa yalomalua; Ni ra na taukena na vanua.

Ai Vola Tabu Ena Vakavakadewa Vou

⁵ “Sa kalougata o ira era sa yalomalua; Ni ra na taukena na vanua.

Maciu 5:5 Iomraidhean Croise

NA SAME 147:6

Sa vakalevulevui ira na yalomalumalumu ko Jiova: Sa vakabalei ira ki na qele nai valavala ca.

NA SAME 149:4

Ni sa vinakati ira na nona tamata ko Jiova: Ena vakaiukuukutaki ira na yalomalumalumu e na bula.

NA SAME 22:26

Era na kana ka mamau ko ira sa yalomalumalumu: Era na vakavinavinaka vei Jiova ko ira era sa vakasaqarai koya: Ena bula na yalomudou ka sega ni mudu.

NA SAME 25:13

Ena tiko vakacegu na yalona; Ena taukena talega na vanua na nona kawa.

NA SAME 25:9

Ena tuberi ira na yalomalua e na lewa. Io, ena vakavulici ira na yalomalumalumu e na nona sala.

NA SAME 37:11

Ia ko ira na yalomalumalumu era na taukena na vanua; Ka na daumarau tiko e na veivakacegui vakaidina.

NA SAME 37:22

Era na taukena na vanua ko ira sa vakalougatataki mai vua; Ia ko ira sa vakarusai mai vua ena muduki tani.

NA SAME 37:29

Era na taukena na vanua ko ira na yalododonu, Ka tiko kina ka sega ni mudu.

NA SAME 37:34

Waraki Jiova, ka muria na nona sala, Ena qai laveti iko cake mo taukena na vanua: Ni ra sa muduki tani na tamata ca. Ko na raica.

NA SAME 37:9

Ni na muduki tani na daucaka ca; Ia ko ira sa dauwaraki Jiova, era na taukena na vanua.

NA SAME 69:32

Era na kunea na ka oqo na yalomalumalumu, ka reki: Ena bula talega na lomamudou sa qarai koya na Kalou.

Aisea 11:4

Ena lewai ira vakadodonu ga na dravudravua, ka lewa vakadodonu e na vukudra na yalomalumalumu e vuravura: ena yaviti vuravura e nai titoko ni gusuna, ia e nai cegu ni tebenigusuna ena vakamatei ira nai valavala ca.

Aisea 29:19

Ko ira talega na yalomalumalumu, era na kuria na nodra marautaki Jiova; kei ira na tamata dravudravua, era na rekitaki Koya na Yalosavasava ni Isireli.

Aisea 60:21

Ko ira na nomu tamata, era na yalododonu kecega: era na taukena na vanua ka sega ni mudu, na sulina ka'u a tea, na cakacaka ni ligaqu, me'u vakarokorokotaki kina.

Aisea 61:1

Sa tu vei au na Yalo ni Turaga ko Jiova, ni sa lumuti au ko Jiova, me'u vunautaka nai rogorogo vinaka vei ira era sa yalomalumalumu; sa talai au mai me'u vakabulai ira sa ramusu na yalodra; me'u vunautaka na veisereki vei ira na bobula, kei na veisereki vei ira era tiko e na vale ni veivesu;

Sefanaia 2:3

Dou vakasaqarai Jiova, oi kemudou kece sa yalomalumalumu e na vanua, oi kemudou sa cakava na nona lewa; dou qara mada na yalododonu, vakasaqara na yalomalumalumu: dou na vuni beka kina e na siga ni cudru i Jiova.

Tiko mai na Lekutu 12:3

Ia ko Mosese sa uasivi e na yalomalumalumu, vei ira na tamata kecega sa tiko e vuravura.

Maciu 11:29

Vakataqara vei kemudou na noqu i vua, ka vuli vei au, niu sa yalomalua ka yalomalumalumu: dou na kunea kina na vakacegu ni yalomudou.

Maciu 21:5

Tukuna vua sa toka mai Saioni, Raica, sa lako mai vei iko na nomu Tui, Sa yalomalua, a sa vodoka e dua na asa, Kei na luve ni asa.

Roma 4:13

Ni sa sega ni yalataki vei Eparaama, se vei ira na nona kawa, mei taukei ni vuravura, e na vuku ni vunau, e na vuku ga ni veivakadonui sa yaco e na vakabauta:

Kalatia 5:23

na yalomalumalumu, nai valavala malua: sa sega na vunau sa cudruvi kina na veika oqo.

Efeso 4:2

mo dou yalomalumalumu sara ka yalomalua, mo dou vosota vakadede ka veivosoti vakai kemudou e na loloma;

Kolosa 3:12

O koya mo dou qai vakaisulu me vaka dou sa nona digitaki na Kalou, oi kemudou sa yalosavasava ka daulomani, e na yalo dauloloma, e na yalovinaka, e na yalomalumalumu, e na yalomalua, e na dauvosota vakadede:

1 Timoci 6:11

Ia ko iko, na tamata ni Kalou, mo dro tani mai na veika oqo; mo muria na yalododonu, na lotu, na vakabauta, na loloma, na vosota, na yalomalua.

2 Timoci 2:25

me vakatavulici ira e na yalomalumalumu era sa dauveivorati; de solia beka vei ira na Kalou na veivutuni me ra kila kina na ka dina,

Vei Taito 3:2

me ra kakua ni vosavakacacataka e dua na tamata, me ra kakua ni veiba, me ra yalomalua, me ra sa yalolokomi sara vei ira kecega na tamata.

Jemesa 1:21

O koya oqo mo dou qai biuta tani na dukadukali kei na ka ca e uasivi tu, ka vakabauta e na yalomalua na vosa sa tei e na lomamudou, ko ya sa vakabula rawa na yalomudou.

Jemesa 3:13

O cei vei kemudou sa vuku ka yalomatua? me vakatakila e nai valavala vinaka na nona cakacaka e na vuku sa yalomalua.

1 Pita 3:15

ia dou vakarokorokotaka na Turaga na Kalou e na yalomudou: ka mo dou vakarau tiko mo dou tukuna vua na tamata yadua sa tarogi kemudou, na vu ni nuinui sa tu e na lomamudou e na yalomalumalumu kei na rere:

1 Pita 3:4

ia na ka vakayalo ga sa vuni, e na ka sa sega ni vuca rawa, na yalomalumalumu kei na yalomalua, oqori sa ka talei sara e na mata ni Kalou.